නවුෆර් මවුලවි ඇතුළු විත්තිකරුවන්ට එරෙහිව පාස්කු නඩු විභාගය ඇරඹෙයි
පාස්කු ඉරුදින ත්‍රස්ත ප්‍රහාර මාලාව එල්ල කිරීමට කුමන්ත්‍රණය කිරීම සහ ආධාර අනුබලදීම ඇතුළු චෝදනා සම්බන්ධයෙන් නවුෆර් මවුලවි ඇතුළු විත්තිකරුවන් 24 දෙනෙකුට එරෙහිව නීතිපතිවරයා ගොනුකර ඇති නඩුවේ සාක්ෂි විභාගය ඊයේ (10) පළමුවරට ආරම්භ කෙරුණි.
ඒ කොළඹ ත්‍රිපුද්ගල මහාධිකරණ විනිසුරු මඩුල්ල ඉදිරියේය.
2019 වර්ෂයේ අප්‍රේල් 21 වන පාස්කු ඉරිදා දිනයේ දිවයිනේ ස්ථාන 08කදී මරාගෙන මැරෙන ප්‍රහාර 10ක් සිදුකිරීම සම්බන්ධයෙන් ත්‍රස්තවාදීන් සහ සමීප සම්බන්ධතා පැවැත්වූවන්ට එරෙහිව අධිචෝදනා ගොනුකෙරුණු නඩුව මුල්වරට කැඳවනු ලැබුවේ 2021 වසරේ ඔක්තෝම්බර් 04 වනදාය.
එතැන් පටන් මේ දක්වා නඩු විභාගයට අවශ්‍ය අධිචෝදනා පත්‍ර වින්දිතයින්ට ලබාදීම්, වින්දිතයන්ට අධිචෝදනා කියවාදීම් වැනි මූලික කටයුතු සිදුකෙරුණු අතර අද නවුෆර් මවුලවි ඇතුළු විත්තිකරුවන් 24 දෙනෙකුට එරෙහි සාක්ෂි විභාගය පළමුවරට ආරම්භ කළේය.
ඒ දමිත් තොටවත්ත, අමල් රණරාජා සහ නවරත්න මාරසිංහ යන මහත්වරුන්ගෙන් සමන්විත ත්‍රිපුද්ගල මහාධිකරණ විනිසුරු මඩුල්ල ඉදිරියේය.
නඩු විභාගය ආරම්භයේදී පැමිණිල්ල වෙනුවෙන් ආරම්භක දේශනය කළ අතිරේක සොලිසිටර් ජනරාල් හරිප්‍රියා ජයසුන්දර මහත්මිය කියා සිටියේ පාස්කු ඉරුදින බෝම්බ ප්‍රහාර සම්බන්ධයෙන් විත්තිකරුවන් 25දෙනකුට එරෙහිව නීතිපතිවරයා ගොනුකළ නඩුවේ 17 වන විත්තිකරු මියගොස් ඇති බැවින් විත්තිකරුවන් 24 දෙනෙකුට එරෙහිව නඩු විභාගය පවත්වන බවයි.
එමෙන්ම මෙම නඩුව මෙරට අපරාධ නඩු ඉතිහාසයේ වැඩිම චෝදනා ගණනක් අන්තර්ගත නඩුව වශයෙන් වාර්තාගත වන බව සඳහන් කළ අතිරේක සොලිසිටර් ජනරාල්වරිය වැඩිදුරටත් පැවසුවේ මෙරට, ඉස්ලාමීය අන්තවාදය ව්‍යාප්ත වූ ආකාරය, කණ්ඩායම් වශයෙන් එම කටයුතු සංවිධානය වූ ආකාරය සහ පුපුරණ ද්‍රව්‍ය රැස් කළ ආකාරය, සීසීටීවී දර්ශන ඇතුළු පරිවේශනීය සාක්ෂි ද ඉදිරිපත් කරන බවයි.
අනතුරුව නඩු විභාගය අරඹමින් පළමු සාක්ෂිකාරිය ලෙස සාක්ෂි ලබාදෙනු ලැබුවේ බෝම්බ ප්‍රහාර එල්ල වූ අවස්ථාවේදී කොළඹ, ෂැංග්‍රිලා හෝටලයේ ආහාරපාන අංශයේ සේවය කළ අසංකා හංසමාලි නැමැති නිලධාරිනියයි.
පිපිරීම සිදු වූ දා පෙරවරු හයට පමණ තමා ෂැංග්‍රිලා හෝටලයේ තිබෙන අවන්හලට සේවයට වාර්තා කළ බවත්, එදින පෙරවරුවේ "ඊස්ටර් බ්‍රන්ච්" යනුවෙන් විදේශිකයින් සඳහා විශේෂ ආහාර වේලක් සංවිධානය කර තිබූ බවත් ඇය සාක්ෂි දෙමින් සඳහන් කළාය.
තමා අමුත්තන් කැඳවාගෙන ගොස් අදාළ ස්ථානවල වාඩිකරන අවස්ථාවේදී අවන්හලේ සී සහ ඩී කොටස් අතර පළමුවන බෝම්බ පිපිරීම සිදු වූ බවත්, පිපිරීමෙන් පසු අවන්හල තුළ දැඩි අන්ධකාරක් පැවති අවස්ථාවේ තමා සී කොටස කරා යමින් සිටියදී දෙවන බෝම්බය පිපිරී ගිය බව ද ඇය සාක්ෂි දෙමින් කියා සිටියාය.
පසුව එම ස්ථානයේ මස් කැබලි, අත් සහ පාදවල කැබලි විසිරී තිබෙන ආකාරයක් තමා දුටු බව පැවසු සාක්ෂිකාරිය පිපිරීම්වලින් තම හිසටද තුවාල සිදුවීම හේතුවෙන් කොළඹ ජාතික රෝහලට ඇතුළත් වී ප්‍රතිකාර ලබා ගත් බව පැවසුවාය.
ඉන්පසුව විමර්ශන නිලධාරීන් පැමිණ ඡායාරූප දෙකක් පෙන්වා ඔවුන්ගේ අනන්‍යතාවය පිළිබඳව තමන්ගෙන් ප්‍රශ්න කළ බව කී සාක්ෂිකාරිය එහි එක් පුද්ගලයෙකු සහරාන් හෂිම් බව හඳුනාගත් බව සඳහන් කළාය.
ඇය වැඩිදුරටත් කියා සිටියේ සහරාන් නැමැත්තා පිපිරීම සිදුවීමට පෙර තමා අසලින් ගමන් ගත් ආකාරය තමන් දුටු බවයි.
වැඩිදුර සාක්ෂි විමසීම අද දින තෙක් කල් තැබිණි.
- අද දෙරණ -
සම්බන්ධිත පුවත් | Related News
ප්‍රධාන පුවත්
රටේ ස්වෛරීභාවය සහ ජාතික ආරක්ෂාව මෙන්ම භූ දේශපාලන ස්වාධීනත්වය අනතුරට ලක්කිරීමේ බරපතළ දේශපාලන වරද පිළිබඳව ජාතික සංවිධාන ජනාධිපතිට ලියයි
ආරක්ෂක හමුදා ප්රධානීන්ට එරෙහිව බ්‍රිතාන්‍ය රජය විසින් සම්බාධක පැනවීම පිළිබඳව නිසි පිළිතුරු ලබා නොදීමේ වරද සහ අවසන් අරමුණ කුමක්දැයි තේරුම් නොගැනීමේ වරද පිළිබඳව... ඇමති විජිතට ජාතික සංවිධාන ලියයි
ඉන්දියාවේ ආධිපත්‍යයට යටත් වෙන ගිවිසුම් අත්සන් කරන්න වර්තමාන ජනාධිපතිවරයාට ජන වරමකුත් නැහැ, ඓතිහාසිකව කිසිම උරුමයකුත් නැහැ - උවිදු විජේවීර (වීඩියෝ)
ඇමරිකානු ජනාධිපති ට්‍රම්ප් ශ්‍රී ලංකාවට 44%ක තීරු බදු පනවයි
කච්චතිව් දූපත නැවත ලබා ගැනීමට තමිල්නාඩුවෙන් ඒකමතික යෝජනාවක් සම්මත කරයි
දූෂණ චෝදනා මත උතුරු මැද හිටපු මහඇමතිවරයාට සහ ලේකම්වරියට වසර 16 ක සිර දඬුවමක්
මේ වසර 5තුළ විධායකයත් අහෝසි කරනවා... පළාත් සභා මැතිවරණයත් පවත්වනවා - අමාත්‍ය නීතීඥ හර්ෂණ නානායක්කාර මහතා
ආණ්ඩුව සත්‍ය සෙවීමේ කොමිසම් උගුලට තල්ලු කිරීමට ජී.එල්. පීරිස් වැඩට බසියි
මාලිමාව යටකර ජවිපෙ උඩට මතුවෙලා.. නිර්මාල් රංජිත් දේවසිරි කියයි
ඩේවිඩ් ලැමිට විරෝධය පා බ්‍රිතාන්‍ය මහා කොමසාරිස් කාර්යාලය ඉදිරිපිට විරුද්ධතාවයක් !!!.. තානාපතිට බාරදුන් සංදේශය මෙන්න (වීඩියෝ)
සත්‍ය සෙවීමේ කොමිසම බෙදුම්වාදී මර උගුලක් - පය තබන්න එපා! ජාතික සංවිධාන 55ක අත්සනින් ලිපියක්
ජනපතිවරුන් 8 දෙනෙකු නොකළ, එහෙත් සූදානම් වූ, පාවාදීම ජනපති අනුර ලවා කරවා ගැනීම
රට අනතුරට මුහුණ පාන සෑම අවස්ථාවකම රාජ්‍ය බලය නොතිබුණද දිවි නොතකා සටන් කළ ජවිපෙයට රාජ්‍ය බලය හොබවද්දීත් එලෙසම කටයුතු කිරීමේ වගකීම පැටවී තිබෙනවා- මහාචාර්ය පූජ්‍ය මැදගොඩ අභයතිස්ස හිමි
මෝදිගේ ලංකා සංචාරය ගැන එජාපය සතුටින්ලු
රාමසාන් උත්වය අදයි
ඉන්දු ශ්‍රී ලංකා මිලිටරි ගිවිසුම මගින් ශ්‍රී ලංකාව ලෝක යුද්ධයකට මැදිවෙනවා - පුබුදු ජාගොඩ