සති දෙකක විතර ඉඳලා ලංකාවේ නිවුස් පිරිලා තියෙන්නේ රුසියානු - යුක්‍රේන යුද්ධයෙන්.

විශේෂයෙන්ම රුසියානු හමුදාවට එකතු වෙච්ච ලාංකිකයොන්ගේ කඳුලු කතා ඕසෙට පෙන්නනවා.

මේ යුද්ධය දැන් අවුරුදු කිහිපයක් පරණයි.

ලාංකික හිටපු හමුදා සොල්දාදුවො මුලින්ම එකතු වුණේ යුක්‍රේනයට.

ඒ වෙලාවේ කවුරුවත් මුකුත් කිව්වේ නෑ. මීඩියා නිහඬයි.

යුක්‍රේන හමුදාව වෙනුවෙන් ලාංකිකයන් සෑහෙන පිරිසක් මැරුණා.

හැබැයි ඒවා නිවුස් වුණේ නැහැ.

මේක දැකලා හිටපු ලාංකික සොල්දාදුවන් රුසියාවට බැඳෙන ප්‍රොජෙක්ට් එක පටන් ගත්තේ මේ ළඟදි.

මෙන්න එතන ඉඳන් ප්‍රධාන මාධ්‍ය ඔක්කොම රුසියානු හමුදාවට ගිහින් දුක් විඳින ලාංකිකයොන්ගේ ගැන නිවුස් දානවා සැහෙන.

රුසියාව වෙනුවෙන් සොල්දාදුවෙක් මැරුනොත් නිවුස් එකේ විනාඩි පහක් විතර ඔහුගේ කඳුලු කතාව සහ යුද්ධයේ කුරිරු බව පෙන්නවා.

ජීවිත වටිනවා. ඒකේ සැකයක් නැහැ. හැබැයි සොල්දාදුවෙක් යුද්ධයට එකතු වෙන්නෙම ඒ රිස්ක් එක අරන්.

යුද්ධ කොහොමත් දුකයි. යුද්ධවල සැප නැහැ.

මේ එක පාරම යුද්ධයක දී මිය යාම පෙන්නලා රුසියාවට ගහන්නේ ලාංකික හිටපු හමුදා සොල්දාදුවන් රුසියානු හමුදාවට බැඳෙන එක වලක්වන්න.

ඒක හිරු දෙරණ හදන නැරෙටිව් එකක් නෙවෙයි.

ප්‍රධාන මාධ්‍ය වල මේ වැඩේට වෙන් වෙන වෙලාව අනුව කෝටි ගානක් දාලා කරන කැම්පේන් එකක්.

චීන ණය උගුල කියන නැරෙටිව් එක හදලා මහ සමාජයේ කිඳා බැස්සුවේ මේ විදියටමයි.

හෙට අනිද්දට ලාංකිකයා රුසියාවට වෛර කරන තැනට මේක ගේන්න පුලුවන්.

(හැමදාම නිවුස් බුලටින් එකෙන් විනාඩි ගානක්, පැය ගානක් එයා ටයිම් දීලා කරන ප්‍රොග්‍රැම් ඉන්ක්ලූඩ් වෙන කැම්පේන් පැකේජ් එකක් අඩුම තරමේ මිලියන 50කට වැඩි මිසක් අඩු නෑ)

ඒ වගේම රුසියාවේ පිරිස් බලය අඩු කිරීම මේකේ ප්‍රධාන උත්සාහය.

යුක්‍රේනයට ලෝකයෙන්ම සෙබලු පොම්ප කරනවා. රුසියාවට කොහෙන් හෝ ස්එබලු එකතු වුනොත් ඒක නවත්තනවා.

මේ වැඩේට ඒ තරම් සල්ලි වියදම් කිරීමේ හැකියාව සහ අවශ්‍යතාවය ඇති කෙනෙක් ඉන්නවා නම් ඉතින් ජූලි චංග් නෝනාගේ ඇමෙරිකා තානාපති කාර්යාලය තමයි.

මොකද යුද්ධයේ මුහුණ යුක්‍රේනය වුනත් ඇත්තටම මේක ඇමෙරිකාවේ යුද්ධයක්. 

(උපුටා ගැනීම අන්තර්ජාලයෙන්)