ඊළඟට විකුණන්නේ සීගිරිය ද? නැතහොත් ශ්‍රී ලංකාවේ අනාගත සෞඛ්‍ය තීරණය කරන වෛද්‍ය ආඥා පනත ද?
ශ්‍රී ලංකාවේ වර්තමානයේ විවිධ අනපනත් වෙනස් කරමින් ඇත්තේය.
ඒවා රටට වැඩදායක ද එසේත් නැත්නම් අවැඩ දායක ද යන්න රටට දැනෙන විට සියල්ල සිදුවී හමාරය.
ආසන්නම මෑතක උදාහරණ කිහිපයක් ඇත.
වීසා සිද්ධිය එයින් එකකි පාර්ලිමේන්තුවට එහි අණ පනත් ගෙන ආවත් පාර්ලිමේන්තුවේ කිසිවෙක් ඒවා දන්නේ නැත.
අන්තිමේදී රටට අහිමිවන විදේශ විනිමය ප්‍රමාණය සහ ඒ සමගම රටට සිදුවන විනාශය පිළිබඳ මේ රටේ මහජනතාවගේ දැඩි විරෝධය නිසා එහි ඇතැම් කරුණු දැනටමත් යටපත්ව ඇත්තේය.
ඊළඟ කරුණ වන්නේ මෙරට සිටින ලක්ෂ හතළිස් තුනක් වන පාසල් ශිෂ්‍යයන් ගේ විනාශවන අනවශ්‍ය කාලය වෙනුවට මීට පෙර ශ්‍රී ලංකාවේ තිබූ ජාත්‍යන්තර කාල රාමුවට සමාන වන ප්‍රතිසංස්කරණ සැකසීම සුදුසු බැව් කාලයක් තිස්සේ තිබූ හඬ උපයෝගී කර ගනිමින් එම කරුණ පෙන්වා මෙරට උසස් අධ්‍යාපනය විකිණීම සඳහා පිඹුරුපත් සැකසීමයි.
උසස් අධ්‍යාපන ක්ෂේත්‍රයේ කිසිදු විද්වත් වෘත්තිකයන්ගේ සහභාගිත්වයෙන් තොරව ව්‍යාපාරික අරමුණු වෙනුවෙන් කවුරුත් නොදන්නා වෙළඳ කමිටුවකින් මෙරට උසස් අධ්‍යාපනය විකිණීමට ගෙනා අධ්‍යාපන ප්‍රතිසංස්කරණ පෙන්වා දිය හැක. එමගින් ශ්‍රී ලංකාවේ උසස් අධ්‍යාපනය සම්පූර්ණයෙන් විකිණිය හැකි ලෙස පසුබිම සකසා ඇත ශ්‍රී ලංකාවේ උසස් අධ්‍යාපනය තීරණය කරනුයේ මෙරට වෙළඳ වෙළඳ මාෆියාවද යන්න බරපතල සැකයක් පවතී.
එවන් පසුබිමක එවැනිම රට අන්දන අලුත් කමිටුවක් වෛද්‍ය ආඥා පනත වෙනස් කිරීම සඳහා පත්කර ඇති බවත් එම කමිටුව ජාත්‍යන්තරව පිළිගත් විශ්ව විද්‍යාලයන්හි වෛද්‍ය උපාධි පාඨමාලා ශ්‍රී ලංකාව තුළ පිළිගැනීම සඳහා පදනම් කරගත යුතුව ඇති ප්‍රමිතීන් හා නිර්ණායක ඇතුළත් ජාතික ප්‍රතිපත්තියක් සකස් කිරීම සහ වර්තමානයට අවශ්‍ය පරිදි වෛද්‍ය ආඥාපනත වෙනස් කිරීම සඳහා නිර්දේශ ඉදිරිපත් කිරීම පිණිස අගමැති ලේකම්ගේ ප්‍රධානත්වයෙන් පත් කර ඇති බවද එම කමිටුව විසින් ඉදිරිපත් කරන ලද නිර්දේශ ක්‍රියාත්මක කිරීම සඳහා 2023/10/09 දින පැවති අමාත්‍ය මණ්ඩ රැස්වීමේදී අනුමැතිය දී ඇති බවත් ප්‍රකාශව ඇත.
මෙහි පුදුමයට කරුණ වන්නේ මේ රටේ වෛද්‍ය අධ්‍යාපනය පිළිබඳ කිසිදු ප්‍රවීණයෙක් හෝ ශ්‍රී ලංකා වෛද්‍ය සභාවේ කිසිවෙකු හෝ වෛද්‍ය ක්ෂේත්‍රයේ සුදුසු ප්‍රමාණිකයකු වෛද්‍ය ආඥා පනත වෙනස් කිරීම සඳහා තෝරාගෙන ඇද්ද ඒ වෙනුවෙන් මේ රටේ විද්වත් ප්‍රමාණිකයන්ගෙන් අදහස් විමසා ඇද්ද යන්න මෙතෙක් කිසිදු නිශ්චිත තොරතුරක් නොමැති බවයි.
ලෝක සෞඛ්‍ය දර්ශක වල ඉන්දියාව ඇත්තේ අපේ රටට ගොඩාක් පසුපසිනි ශ්‍රී ලංකාව 41 ස්ථානය වන විට ඉන්දියාව ඇත්තේ 111 වන ස්ථානයයි.
ඉන්දියානු ව්‍යාපාරික සහ දේශපාලන පැලැන්තියේ වුවමනා මත එරට වෛද්‍ය ආඥා පනත වෙනස් කිරීම නිදහස ලැබීමෙන් පසු එරට කරන ලද බරපතළ වරදක් බව එරට සෞඛ්‍ය ලේකම්වරයකු විසින් වරක් පවසා ඇත.
අපේ රටේ බාල බෙහෙත් පරික්ෂා කිරීමට කිසිදු ආයතනයක් නැත.
එහෙත් අපේ රටේ සෞඛ්‍ය ක්ෂේත්‍රය මෙතරම් ලෝක පිළිගැනීමට සහ ශ්‍රී ලංකාවේ සෞඛ්‍ය දර්ශක ඉතා ඉහල තැනක තැබීමට හේතුවී ඇත්තේ 1945 ස්ථාපිත කරන ලද අදටත් ගැලපෙන වෛද්‍ය ආඥා පනතයි.
එමගින් මේ රටේ බොහොමයක් සෞඛ්‍ය ක්ෂේත්‍රය තුළ සිටින විද්වතුන් නියාමනය කරන අතර , එය ලෝක සෞඛ්‍ය දර්ශක වල ශ්‍රී ලංකාව ඉහළට රැගෙන යාමට ප්‍රයෝජනවත් වී ඇත.
එබැවින් ශ්‍රී ලංකාව කළ යුත්තේ ඉන්දියාව මෙන් විනාශ වීම නොව තවදුරටත් වෛද්‍ය ආඥා පනත ආරක්ෂා කර එය මෙරට ව්‍යාපාරික පැලැන්තියේ හෝ දේශපාලන අරමුණුවලට ගැති වී විනාශ වීමට ඉඩ නොදී තවදුරටත් විද්වත් වෘත්තිකයන්ගේ අනුදැනුම මත පමණක් වෛද්‍ය ආඥා පනතෙහි යම්කිසි වෙනස් වීමක් වත්මන් කාලය සමඟ සිදුකළ යුතු නම් එය දීර්ඝ සාකච්ඡාවකින් පසු වෙනස් කිරීම වන අතර, එමගින් ශ්‍රී ලංකාව තවදුරටත් ලෝක සෞඛ්‍ය දර්ශකවල ඉහළ පිලිගැනීමට ලක්විය හැකි ආකාරයට ස්ථාවර කිරීමයි.
වර්තමානය වන විට ශ්‍රී ලංකා වෛද්‍ය සභාව පවත්වාගෙන ගිය ප්‍රමිතීන් හේතුවෙන් ලෝක වෛද්‍ය සභාවේ පිළිගැනීමට ලක්ව ඇති අතර, දේශපාලන සහ ව්‍යාපාරික අරමුණු වෙනුවෙන් වෛද්‍ය අධ්‍යාපනය විනාශ කරගත් ඉන්දියාවට එවැනි තත්ත්වයක් හිමිව නොමැත.
එසේම මෙමගින් ලෝක වෛද්‍ය සභාවේ පිළිගැනීමට ලක් නොවූ ඉන්දියාවේ ඇතැම් වෛද්‍ය පීඨ පිළිගැනීමට බලකරනු ඇත.
අනාගතයේ එවැනි බාල වෛද්‍ය පීඨ වලින් එළියට එන මෙරට වෛද්‍ය සිසුන් පමණක් නොව එම වෛද්‍ය පීඨ වලින් ඉගෙන ගත් ඉන්දියානු වෛද්‍යවරුන් පවා ශ්‍රී ලංකාවේ සෞඛ්‍ය සේවයකට පැමිණීමේ බරපතළ තර්ජනයක් පවතී.
නුදුරේදී අත්සන් කිරීමට නියමිත බැව් පවසන එහෙත් මෙරට බහුතරයේ විරෝධය ඇති එට්කා ගිවිසුමද එයට කදිම උදාහරණයකි.
එබැවින් අගමැති ලේකම්ගේ ප්‍රධානත්වයෙන් යුත් වෛද්‍ය ආඥා පනත වෙනස් කිරීමේ කමිටුවේ සිටි විද්වතුන් කවුරුන්ද, සිදු කළ වෙනස්කම් මොනවාද, එය තවත් රට කැළඹූ ව්‍යාපාරික සහ දේශපාලන අරමුණු මත සිදුවූ කුමන්ත්‍රණයක්ද යන්න රටට නොවහලහා පැවසිය යුතුව ඇත.
නැතහොත් ශ්‍රී ලංකාව ඉන්දියාවේ ප්‍රාන්තයක් කිරීමේ අරමුණක් මේ පිටුපස ඇතිද යන්නත් සොයා බැලිය යුතුවේ.
එසේම මෙරට ජාතික සම්පත් සියල්ල අන්සතුකර හෝ විකුණා සුදුස්සන්ට පමණක් අයිති මෙරට අධ්‍යාපන අවස්ථාවන්ද සුදුසුකමට නොව මුදල් වලට විකුණා ප්‍රමිතිය බාලකර දූෂිත වසර හැත්තෑ හතරක් තිස්සේ ඉතාමත් ආයාසයෙන් රැකගත් මෙරට වෛද්‍ය අධ්‍යාපනය සහ උසස් අධ්‍යාපන අවස්ථාවන් සියල්ල විකුණා මේ රට ආසියාවේ ආශ්චර්ය නොව ඉන්දියාවේ ප්‍රාන්තයක් කිරීමේ සහ තවදුරටත් නුසුදුස්සන් අතින් පාලනය වන රටක් බවට පත් කිරීමේත් තැතද පරාජය කළ යුතුව ඇත.
ශ්‍රී ලංකාවේ සෞඛ්‍ය ආරක්ෂාව සහ එමගින් ජාතික ආරක්ෂාවට සෘජුව බලපානු ලබන ශ්‍රී ලංකාවේ වෛද්‍ය ආඥා පනත ව්‍යාපාරික දේශපාලන අරමුණු වෙනුවෙන් වෙනස් කර ශ්‍රී ලංකාවේ සෞඛ්‍ය ආරක්ෂාව විනාශ කිරීමට මෙරටේ විද්වතුන් සහ ජනතාව ඉඩ ලබා දෙන්නේ නැත.
වර්තමාන පාලකයන් සිතිය යුතුව ඇත්තේ ඔවුන්ට මේ රට ලියා දී නොමැති බවයි.
ඔබ මේ රටේ භාරකරුවන් මිස අයිතිකරුවන් නොවේ.
මේ රට තුළ කිසිදු වෙනස්කමක් සිදු වන්නේ නම් මෙරටේ අයිතිකරුවන් වන මහජනතාවගේ අදහස් නොවීමසා සිදු කරනු ලබන කිසිදු ක්‍රියාමාර්ගයකට මෙරට ජනතාවගේ අනුමැතිය ලැබෙන්නේ නැති බව වත්මන් පාලකයන් සිහි තබාගත යුතුව ඇත.
එබැවින් උක්ත කමිටුව මගින් මෙරට වෛද්‍ය අධ්‍යාපනය නියාමනය කරන වෛද්‍ය ආඥා පනත වෙනස් කිරීමට කිසිදු සදාචාරාත්මක අයිතියක් නැති බවද ප්‍රකාශ කරමු.
වසන්ත අල්විස්
කැඳවුම්කරු
මහජන යුතුකම් කේන්ද්‍රය
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..