ලසන්තගේ ඝාතකයන් සෙවීම ආණ්ඩුව මගහැරියා ද?.. USAID ලංකාවේ මොනවද කළේ?... තිස්ස විහාරය ගැන ශ්‍රීධරන්ගේ ප්‍රකාශයෙන් රට ගිනිගනී ද? - ශමීන්ද්‍ර හෙළිකරන කතාව මෙන්න... (වීඩියෝ)

Feb 13, 2025 at 09:46 PM

|

Lanka Leader

එක පෑන් පහරින් රටේ ප්‍රශ්න විසඳන බවට පවසමින් බලයට පැමිණි ජාතික ජනබලවේගය ආණ්ඩුව ජනතාවගේ බලාපොරොත්තු ඉටු නොකරන්නේ නම් මෙවර පළාත් පාලන මැතිවරණයේ දී දැඩි අභියෝගයකට මුහුණ දීමට සිදුවන බව ප්‍රවීන මාධ්‍යවේදී ශමීන්ද්‍ර ෆර්ඩිනැන්ඩෝ මහතා පවසයි.

අන්තර්ජාල නාලිකාවක් සමග පැවති සාකච්ඡාවකදී ඒ මහතා පවසන්නේ රටේ මෙතෙක් බලයට පත්වූ සෑම නායකයකුම පාහේ අනපේක්ෂිත වාතාවරණයන්ට මුහුණ දුන් බවත්, අනුර කුමාර දිසානායක ජනාධිපතිවරයාට ද එබඳු අර්බුදවලට අනිවාර්යෙන්ම මුහුණ දීමට සිදුවන බවත් ය.

පසුගිය දා ඉලංගෙයි තමිල් අරසුකච්චි පක්ෂයේ නායක ශ්‍රීධරන් යාපනයේ තිස්ස විහාරය වහාම ඉවත්කර යුතු බව හා නැතිනම් ඔවුන් විසින් ඉවත්කරන බවට පැවසූ ප්‍රකාශය රටම ගිණිතැබිය හැකි දරුණු ප්‍රකාශයක් බවත් ඒ මහතා පවසයි.

යුද්ධය නිමාකර වසර ගණනාවක් ගතවී තිබියුදීත් ශ්‍රීධරන් විසින් පැවසූ එම ප්‍රකාශය ඉතා දරුණු ප්‍රකාශයක් බව පවසන ඒ මහතා, පාර්ලිමේන්තුවේ දී අනිවාර්යෙන්ම මෙය සාකච්ඡාවට ලක්විය යුතු බවත් පවසයි.

ලසන්ත වික්‍රමතුංග ඝාතනය සම්බන්ධයෙන් තීතිපතිවරයාගේ තීරණය සම්බන්ධයෙන්ද ආණ්ඩුව දැඩි අර්බුදයකට ලක්ව ඇති බවත්, ලසන්ත වික්‍රමතුංග ඝාතනයේ දී මුලින් සඳහන්ව තිබුනේ වෙඩි තැබීමකින් සිදුවූ ඝාතනයක් ලෙස වුවද පසුව යහපාලන රජය සමයේ මිනිය නැවත ගොඩගෙන විමර්ශනය කිරීමේ දී වෙඩි තැබීමක් සිදුවී නොමැති බවට සඳහන් වූ බවද, එහිදී පොලිසියේ සහ රහස් පොලිසියේ ක්‍රියාකලාපය, අධිකරණයේ ක්‍රියාකලාපය සහ වෛද්‍ය අංශවල ක්‍රියාකලාපය සැකයට භාජනය වන බවත් ඒ මහතා කරුණු අනාවරණය කරයි.

USAID ආයතනයෙන් මෙරටට මුදල් පොම්පකරමින් සිදුකළ මෙහෙයුම් සම්බන්ධයෙන්ද මෙහිදී ඒ මහතා කරුණු අනාවරණය කර තිබේ.

වීඩියෝව පහළින්...