හෝමාගම පොලිසියේ පොලිස් ස්ථානාධිපතිතුමාට මල් මිටක්

Sep 26, 2023 at 12:36 PM

|

Lanka Leader

අවුරුද්දකට බාල වයස්කාර  ගැහැනු ළමයි කීදෙනෙක් ප්‍රෙග්නන්ට් වෙනවද?. කීදෙනෙක්ගෙ බෙලි මිරිකලා කැලෑවල දාලා යනවද ? ඒ විතරක් නෙමෙයි  ඉපදුන ගමන් ළමයි කීදෙනෙක් පාරේ දාලා යනවද බල්ලන්ට කන්න. 

මතකනේ අර හොටෙල් රූම් එකේ රැඩිකල් පොරක් එක්ක ඉඳලා රෙදිත් නැතුව රේල් පාරෙ මරලා දාලා හිටපු පොඩි කෙල්ල?.

ඒ දෙමාපියන්ගේ වේදනාව කවුරුත් දන්නවද?. 

එක්තරා ප්‍රසිද්ධ පාසලක අම්මයි තාත්තයි දෙන්නම උගන්නපු දරුවෙක් හිටියා වැඩිවිය පැමිණිලා සති දෙකකට පස්සෙ තුන්දෙනෙක් අතින් දූෂණය වෙලා. හැබැයි වෙච්ච දේ කියාගන්න තේරෙන්නෙත් නෑ. එක්කෙනෙක් ගෙදර ඩ්‍රයිවර්, එකෙක් උගන්නන්න ආපු විද්‍යාව සර්, අනිකා ඉස්කෝලෙ ගුරුවරයෙක්; ළමයගෙ තාත්තගෙ හොඳම යාළුවා.

පාතාලෙ ඇති, බූරු පොළවල් ඇති. මංකොල්ලකෑම් ඇති. ඇතැම් වසම්වල පොලිසි ඒවා නොබලනවත් ඇති. හැබැයි ඒවා වැඩිවුනා කියල අනිත් ඒවත් වැඩිවෙන්න අරින්නද කියන්නෙ?.

ලව් කරන එක වෙනයි. රාගය කියන එක වෙනයි ඇඟපතවත් හැදිලා නැති පොඩි කෙල්ලො එක එක රස්තියාදුකාරයන්ගෙ අත්වල දෙහි ගෙඩි බවට පත්වෙන එක වෙනයි.

හැමදේටම කාලයක්, වෙලාවක්, තැනක් තියෙනවා. යම් කිසි දෙයක් සිද්ධවෙන්න අවශ්‍ය කාලය නොදී කලබල කරලා පරගල කරලා කොරගත්තු හරියෙ විපාක අපි දැන් ගෙවනවා. 

දරුවෙකුගෙ ජීවිතෙත් එහෙමයි. කණගාටුව කියන්නෙ ආප්ප බානවා වගේ ළමයි රොත්තවල් ගණන් හදපු සමහරුන්ටත් ඒක නොතේරෙන එක.

බුකියෙ ඔක්කොමලගෙ දාර්ශනික ටෝක් Zip එක පාත් කරගෙන හිටපු කොල්ලා තමන්ගෙ දුවත් එක්ක ඉඳලා අහුවෙනකන් විතරයි.

දෙයක් වුනාට පස්සෙ බැලුවෙ නෑ කියල පොලීසියෙ පතුරු අරින්නෙත් අද ඔය දාර්ශනික ටෝක් දෙන කටවල්වලින්ම තමයි.

ඒ විතරක්ම නෙමේ ඊට පස්සේ ඒ පින්තුර අරගෙන බ්ලැක්මේල් කරලා සමූහ වශයෙන් දූෂණය කරන අවස්ථා මේ රටේ නැතුවා නොවේ 

ඊට පස්සේ පොලීසි උසාවි ගානේ බඩගාන්න වෙනවා ඒක දන්නෙත් අහිංසක දෙමව්පියෝ විතරයි නැතුව මේ රැඩිකල් පොරවල් නෙමෙයි. 

අම්මා තාත්තා මහන්සි වෙලා උදේට කෑම හදලා දුව පන්ති යවන්නේ එක එකාගේ නහර පිනවන්න නෙමෙයි. 

ඉගෙන ගන්න හැකියාව තිබුණත් විශාල කොටසකට අධ්‍යාපනය හරහා ඉහලට යන්න බැරි වෙන්නෙත් මේ වගේ ලව් කරන්න කාලය දීපු  හින්දා 

දෙමාපියන්ටත් වගකීමක් තියෙනවා  තමන්ගේ  දුව හෝ පුතා යන එන තැන තැන විමසිලිමත් වෙන්න. 

ඒ වගේම උසස් අධ්‍යාපනයට යනතෙක් ස්මාර්ට් ජංගම දුරකථනයක් ලබා නොදීමටත් දෙමව්පියන් වග බලා ගන්න ඕන එතන තමයි  විනාශයේ ආරම්භය.

අම්ම තාත්තලගෙ පපුවලට අනාගතේ ගින්දරක් එක්කහුවෙන එක වළක්වන්න එහෙම හරි උත්සාහයක් දරපු ඒ පොලිස් නිලධාරියට මමනං එකෙන්ම රෙස්පෙක්ට්. 

ඒ වගේම එහෙම දරුවන් ගැන හොයලා බලපු  දරුවො ඉහළටම ගිහිපු දෙමාපියෙක් වශයෙන් මටත්  මගේ දරුවන්  ගැන තියෙන්නේ ඉතා විශාල ආඩම්බරයක්. 

දෙමාපියනි තමන්ගේ දරුවන් ගැන සිතන්න අනාගතයේ ඔබත් මා මෙන් ආඩම්බරකාර දෙමාපියන් වන්න. 

හෝමාගම පොලිසියට මල් මිටක්. 

පොලිස්පතිට කියනවා අනාගතය විනාශ කරගන්න දරුවෝ  මල්වතු ගානෙත් ඉන්නවා ඒවා ගැනත් හොයලා බලලා රටේ දරුවන් රැක ගන්න කියලා.