අපට අපේකම අමතක වීම
ඔබ දැක්කද අර කාර්ගිල්ස් ෆුඩ් සිටී එකේ සේවකයන් විසින් කිසියම් කාන්තාවකට වටකරගෙන පහර දෙන අමානුෂික දර්ශනය? මෙවැනි සිදුවීම් දැන් එන්න එන්න වැඩි වැඩියෙන් වාර්තා වෙනවා නේද? පාසල් වයසේ තරුණ ළමයි වටවෙලා එකෙකුට ගහන දර්ශන ෆෝන්වලින් ලයිව් ප්‍රචාරය කරනවා හරියට අරගල කාලේ වගේ. අවවාදයක් දුන්නාය කියා ගමක තරුණ පිරිසක් වැඩිහිටියෙකුට හෙල්මට්වලින් ගහලා මැරුවා මතකද? ලංකාවේ සමාජය බලාගෙන ඉන්නකොට බිඳ වැටෙනවා නේද? ඇයි මෙහෙම වෙන්නේ? මේ මොකක්ද මේ වෙන්නේ?
රටක් විනාශ කරන්න පුළුවන් එකම ක්‍රමය තමයි ඒ රටේ සමාජයේ මානව ගුණධර්ම අකා මකා දැමීම. ලක් රාජ්‍යය වසර දහස් ගණනක් පවත්වා ගත්තේ කොහොමද? ඒ පවත්වා ගත්තේ මිහිඳු මහා රහතන් වහන්සේ අපට අනුකම්පාවෙන් මෙහි පැමිණ අපේ ආදී සිංහල සමාජයට හඳුන්වා දුන් උතුම් බුද්ධ ධර්මය මත පදනම්ව නිර්මාණය වුණු හරවත් ගුණවත් වැදගත් සිංහල සංස්කෘතිය නිසා නේද? අපට අතීතයෙන් උරුමව තිබෙන්නේ “දැහැමි” සමාජයක්. නැතුව අධිතරගකාරී අධිපරිභෝජනවාදී කාමුක බටහිර විච්චූරණ සමාජය නොවෙයි. අද වෙලා තියෙන්නේ අපට අපේකම අමතක වීමයි. අමතක වීමට වඩා අමතක කරවීමයි.
බලන්න අද ජනප්‍රිය භික්ෂූන් දෙසන බණ. මොනවාද ඔවුන් කියන්නේ? වලපල් නේද? කෝ දහම? කෝ ගුණධර්ම? කෝ ආත්මෝපදේශ? ඔවුන්ට ඕනා යූටියුබ් විව්ස් විතරයි. අද බලන්න ජවිපෙ සහ පෙරටුගාමී පක්ෂ විසින් මෙහෙයවන අන්තර් විශ්වවිද්‍යාල ශිෂ්‍ය බලමණ්ඩලය හැසිරෙන ආකාරය. ඔවුන් කතා කරන ආකාරය බලන්න. කොයි වෙලාවේ බැලුවත් වෛරයෙන් ද්වේශයෙන් අනෙකාට ගහන්න බලාගෙන ඉන්න විද්‍යාර්ථීන්ගෙන් අපට බලාපොරොත්තු වෙන්න පුළුවන්ද ඉවසිලිමත් බුද්ධිමත් විසඳුම්? ඒ උපාධිදාරීන් නේද අද පාසල්වල උගන්වන්නේ? ඉතින් අපේ පාසල් ශිෂ්‍යයන්ට ලැබෙන අධ්‍යාපනය ගැන කවර කතාද? මේක විනාශ කරලා තියෙන්නේ.
බලන්න අද පෙන්වන ටෙලිනාට්‍යය? කාලයක ඉඳලා “ජාතිය නැසීමේ ව්‍යාපාරය හෙවත් කොටි සිරස” මේ රටේ උසස් ගණයේ නිර්මාණ විනාශ කළා. කිංස්ලි රත්නායක වගේ අද රටින් පැනලා ගිහිල්ලා ඉන්න තක්කඩි දේශද්‍රෝහීන් ලංකාවේ ජනමාධ්‍ය තුළ එතෙක් කතා කළ වැදගත් සිංහල භාෂාව පවා නැති කරලා දැම්මා. අවර ගණයේ වැඩසටහන් පෙන්වලා තරුණ පරම්පරාවේ මොළ කෑවා. ඒවායේ ප්‍රතිඵල තමයි අද මේ අප අත්විඳින්නේ. දැන් අලුත්ම එක තමයි “ලිංගික අනන්‍යතා අර්බුද” සාමාන්‍යකරණය කිරීම. දැන් ටෙලිනාට්‍ය ජනප්‍රිය වෙන්නේ පවුල් සංස්ථාව බිඳ දමන අසභ්‍ය විකෘති ලිංගික චර්යා පෙන්වීමෙන්. ඒ ගහන්නේ සමාජයක වැදගත්ම ඒකකය වන පවුලට. ජාතිකවාදය ගැන පම්පෝරි ගහන දෙරණේ දිලිත් ජයවීර අනෙක් පැත්තෙන් ඒවාට සම්මාන දෙනවා. මොනවද මේ? මේවා තනිකරම බෞද්ධ සිංහල සමාජය විනාශ කරන්න ඇතුළෙන්ම කරන ව්‍යාපෘති.
මේවා ගැන ඉතාම හොඳ අධ්‍යයනයකින් සහ අවබෝධයකින් තමයි ගෝඨාභය රාජපක්ෂ මහතා ජනාධිපති කරවීම සඳහා දියත් කළ බෞද්ධ සිංහල ව්‍යාපාරය කටයුතු කළේ. එතුමාගේ නායකත්වය යටතේ අපි අපේ සමාජය නැවත ප්‍රතිසංස්කරණය කරගෙන ආවා. නමුත් අවාසනාවට කොරෝනා වසංගතය ආවා. අපේ සතුරන් එය දඩමීමා කරගෙන ආර්ථික අර්බුදයක් නිර්මාණය කළා. එයින් රට ඇතුළේ මහා ලේ වැගිරීමක් කරලා විනාශ කරලා දාන්න අරගලය ගෙනාවා. ඒ වෙලාවේ අපට සිදු වුණා අඩියක් පස්සට ගන්න. ඒ තමයි ඒ වෙලාවේ රටේ ආරක්ෂාව වෙනුවෙන් ගත යුතුව තිබුණු පරිණත බුද්ධිමත් තීරණය. ඒ වෙලාවේ මිනිස්සු හිටියේ ඔය කාර්ගීල්ස් එකේ වගේ වියරුවෙන් අන්ධ වෙලා. එවැනි අවස්ථාවල අප බුද්ධිමත්ව කටයුතු කළ යුතුයි. දැන්වත් මේවා ගැන ඉවසීමෙන් කල්පනා කරලා සිදු කළ වරද නිවැරදි කළ යුතුයි. නැත්නම් මේ තියන ටිකත් විනාශ වීම වළක්වන්න බැහැ. ධර්මය අපට මග වේවා!
- එරන්ද ගිනිගේ -
සම්බන්ධිත පුවත් | Related News
ප්‍රධාන පුවත්
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..
අද, හෙට සහ අනිද්දා දීප ව්‍යාප්ත විදුලි කප්පාදුවක්..
කොටුව මහේස්ත්‍රාත්වරයා නිකුත් කළ තහනම් නියෝගයට එරෙහිව ගම්මන්පිලගෙන් පෙත්සමක්..