Air India ප්‍රධාන ජාත්‍යන්තර ගුවන් ගමන් මාර්ග 8ක් අත්හිටුවයි..

Nov 13, 2026 at 07:00 AM

|

Lanka Leader

2026 වසරේ ආරම්භයේ සිට ඉන්දියාවේ විශාලතම ජාත්‍යන්තර ගුවන් සේවය වන Air India සමාගම තම ජාත්‍යන්තර ගුවන් ජාලයේ සැලකිය යුතු වෙනස්කම් කිහිපයක් සිදු කර ඇති අතර, එහිදී නව ගුවන් ගමන් මංපෙත් කිහිපයක් එකතු කර ඇති මුත් ඉහළ ගියාස් මිල සහ වෙනත් හේතූන් මත චිකාගෝ වැනි දුර ගමන් මාර්ග කිහිපයකින්ම ඉවත් වීමට පියවර ගෙන තිබේ. 

මීට අමතරව, ස්ටාර් ඇලියන්ස් (Star Alliance) සාමාජිකයෙකු වන මෙම ගුවන් සේවය, ප්‍රධාන මධ්‍යස්ථාන හැර අනෙකුත් ගුවන් තොටුපළවලින් ක්‍රියාත්මක වන ජාත්‍යන්තර ගුවන් ගමන් කිහිපයක්ම එහි අඩු වියදම් අනුබද්ධිත සමාගමක් වන Air India Express වෙත පවරමින් පවතී.

අත්හිටුවන ලද ගුවන් ගමන් අතරින් යුරෝපය වෙත ක්‍රියාත්මක වූ සේවාවන් තුනක් විශේෂ වේ. මෙයින් වඩාත්ම කැපී පෙනෙනුයේ Indira Gandhi International Airport (DEL) සහ Birmingham Airport (BHX) අතර පවත්වාගෙන ගිය ගුවන් ගමන් සේවය මේ මස මුලදී අවසන් වීමයි. 

ඊට අමතරව ඔස්ට්‍රියානු අගනුවර වන වියානා වෙත සහ ඩෙන්මාර්කයේ කෝපන්හෙන් (Copenhagen) නුවර වෙත පැවති සේවාවන්ද ඔක්තෝබර් මාසයේදී නවතා දමා ඇත. 

මේ අතර, දිල්ලි සහ රියාද් අතර ගුවන් ගමන් ද ඔක්තෝබර් මාසයේදී නතර කර ඇති අතර, දෙසැම්බර් මාසයේ සිට එය සතියකට වාර 4ක් ලෙස Air India Express මගින් ආදේශ කිරීමට නියමිතය.

චෙන්නායි සහ මධ්‍යම ප්‍රමාණයේ අනෙකුත් ගුවන් තොටුපළ සම්බන්ධයෙන්ද මෙහිදී දැඩි වෙනස්කම් සිදු කර තිබේ. චෙන්නායි සහ සිංගප්පූරුව අතර ගුවන් ගමන් මැයි මාසයේදී නවතා දැමූ නමුත්, එය මේ වන විට දිනකට වාර 2ක් ලෙස Air India Express මගින් ආදේශ කර ඇත. 

එසේම චෙන්නායි සහ දුබායි අතර ගුවන් ගමන් මාර්තු මාසයේදී නතර කර ඇති අතර, හයිද්‍රාබාද් සහ දුබායි අතර ගුවමන් මාර්ගයද මාර්තු මාසයේදී අත්හිටුවා පසුව සතියකට වාර 5ක් ලෙස Air India Express මගින් ආදේශ කර තිබේ. මීට අමතරව චෙන්නායි සහ දුබායි අතර ගුවන් ගමන්ද මාර්තු මාසයේදී නවතා දැමූ අතර, එය දිනකට වාර 2ක් දක්වා Air India Express හරහා ක්‍රියාත්මක කිරීමට පියවර ගෙන ඇත.

Air India සමාගම චෙන්නායි ජාත්‍යන්තර ගුවන් තොටුපළෙන් (MAA) සිදු කළ සියලුම ජාත්‍යන්තර ගුවන් ගමන් සම්පූර්ණයෙන්ම ඉවත් කරගෙන තිබේ. පසුගිය වසරේ කොළඹ බණ්ඩාරනායක ජාත්‍යන්තර ගුවන් තොටුපළට පැවති ගුවන් ගමන් නැවැත්වූ අතර, මාර්තු මාසයේදී Dubai International Airport වෙත සහ මැයි මාසයේදී Singapore Changi Airport වෙත සිදු කළ ගමන් වාරද නවතා දමන ලදී.

මැදපෙරදිග භූ දේශපාලනික අර්බුද, ඉන්ධන මිල ඉහළ යාම සහ පාකිස්තානය විසින් ඉන්දීය ගුවන් යානා සඳහා ගුවන් අවකාශය වසා දැමීම හේතුවෙන් 2026 වසර ගුවන් සේවාවලට අභියෝගාත්මක වී ඇත. 

මෙම තත්ත්වයන් මත දිල්ලියේ සිට යුරෝපයට සහ උතුරු ඇමරිකාවට යන ගුවන් ගමන්වල කාලය පැය හතරකින් පමණ වැඩි වී ඇති අතර, මෙහෙයුම් පිරිවැය ඉහළ යාම සහ මූල්‍ය අලාභයන් හේතුවෙන් Air India සමාගම දැන් සිය දිගු දුර ගුවන් ගමන් ජාලය ප්‍රතිසංවිධානය කරමින් පවතී. එහි ප්‍රතිඵලයක් ලෙස, දිල්ලියේ සිට ක්‍රියාත්මක වන ඇතැම් දිගු දුර ගුවන් ගමන් මුම්බායි සහ බැංගලෝර් වෙත මාරු කිරීමට නියමිතය.