කොළඹ යට වුනාට බිල්ලට දෙන්නේ බැල්තසාර්ව ද?.. බිමල්ගේ අමාත්‍යංශය ගංවතුරෙන් බේරුනාද?
පසුගිය දා ඇතිවූ දැඩි වර්ෂාවත් සමග කොළඹ නගරය පුරා හටගත් හදිසි ජල ගැලීම් තත්ත්වය හේතුවෙන් අගනුවර ජන ජීවිතය සම්පූර්ණයෙන්ම අඩාල විය. වාර්ෂාව ඇද හැලුනු ඉතා කෙටි කාලයක් ඇතුළත ඇති වූ මෙම ආපදා තත්ත්වය හමුවේ කොළඹ ජාතික රෝහලේ හදිසි අනතුරු අංශය, බාහිර රෝගී අංශය සහ වාට්ටු කිහිපයක් ද ජලයෙන් යටවීම හේතුවෙන් රෝගී ප්‍රතිකාර සේවාවන්ට ද බරපතළ බාධා එල්ල විය.
මෙම ගංවතුර තත්ත්වයට හේතුව කුමක්ද? සහ ඊට වගකිව යුත්තේ කවුද? සහ කුමන ආයතනද? යන්න සම්බන්ධයෙන් මේ වන විට සමාජයේ දැඩි කතා බහක් නිර්මාණය වී තිබේ.
මෙහිදී කොළඹ නගරය ජලයෙන් යටවීම සම්බන්ධයෙන් මූලිකවම මතු වූයේ ආයතනික මට්ටමේ මතභේදයකි. කොළඹ නගරාධිපතිනී ව්‍රායි බැල්තසාර් ප්‍රකාශ කළේ, කෙටි පැය කිහිපයක් තුළ මිලිමීටර් 129ක අධික වර්ෂාපතනයක් නගරයට පතිත වීම මෙම ජල ගැලීම්වලට ප්‍රධාන හේතුව බවයි.
මේ අතර, ආණ්ඩුවට හිතැති සමාජ මාධ්‍යකරුවන්ද කොළඹ යටවීමේ ප්‍රධානම හේතුව බැල්තසාර්ගේ නොහැකියාව පිට පටවා ලිස්සා යන අයුරුද දැකගත හැකි විය.
මැතිවරණයට පෙර කොළඹ නගරය 'බඩේ බත් වගේ හදන බවට' ප්‍රතිඥා දෙමින් බලයට පත්වූ ව්‍රායි කැලී බැල්තසාර්, වැසි ජලයෙන් නගරය යටවීම හමුවේ තවදුරටත් නිදහසට කරුණු නොකියා ජනතාවට දුන් පොරොන්දු ඉටු කළ යුතු බව සමාජ මාධ්‍ය ක්‍රියාකාරියෙකු වන සුදත්ත තිලකසිරි ප්‍රකාශ කර තිබිනි.
එසේ පැවසීමට හේතුවූයේ පැලවත්තේ බලපෑමටද නැතිනම් වෙනත් හේතුවක් නිසාදැයි පැහැදිලි නැතත්, මෙම ව්‍යසනය හුදෙක් නගරාධිපතිනියගේ පමණක් වරදක් ලෙස ලඝු කරමින් විවිධ පාර්ශව චෝදනා නගන ආකාරය ද දැකගත හැකි විය.
එහෙත් අමාත්‍ය බිමල් රත්නායක යටතේ පවතින නාගරික සංවර්ධන අධිකාරිය සහ ශ්‍රී ලංකා ඉඩම් සංවර්ධනය කිරීමේ සංස්ථාව (කලින් හැඳින්වූයේ පහත් බිම් ප්‍රදේශ ගොඩකිරීමේ සහ සංවර්ධනය කිරීමේ මණ්ඩලය) ද මෙම සිදුවීමට සෘජුව වගකිව යුතු බව බොහෝ දෙනෙකුට අමතකව ගියේ කෙසේදැයි යන්න ගැටලුවකි.
එය සිතාමතා අමතක කළාද නැතිනම් අමාත්‍යවරයාගේ අමාත්‍යංශය යටතේ පවතින නාගරික සංවර්ධන අධිකාරිය සහ ඉඩම් සංවර්ධනය කිරීමේ සංස්ථාව මෙම වගකීමෙන් නිදහස් කිරීමට සිතාමතාම සිදුවූ ක්‍රියාදාමයක් දැයි මෙහිදී ගැටලුවක් මතුවේ.
කොළඹ නගරයේ ජලය බැසයාම සහ යටිතල පහසුකම් සංවර්ධනය සම්බන්ධයෙන් ප්‍රවාහන, මහාමාර්ග සහ නාගරික සංවර්ධන අමාත්‍යාංශය යටතේ පවතින ආයතනවල දායකත්වය අත්‍යවශ්‍ය වේ. වාර්තා වන ආකාරයට නගරයේ කුණු කසල ඉවත් කරමින් කාණු පිරිසිදු කිරීම සිදුකරන ලද්දේ නාගරික සංවර්ධන අධිකාරියේ සහ ඉඩම් සංවර්ධනය කිරීමේ සංස්ථාවේ යන්ත්‍රෝපකරණ හරහා වුවද, ඒවා ක්‍රමවත්ව සහ දීර්ඝකාලීන ක්‍රමවේදයකට සිදුකිරීමට අමාත්‍යාංශය අපොහොසත් වී ඇති බවට දැඩි චෝදනා එල්ල වේ.
කෙසේ වුවද, මෙම ගැටලුව පිළිබඳව සොයා යෑමේදී කොළඹ නගරය ජලයෙන් යටවීමට බලපාන ප්‍රධානම තාක්ෂණික හේතුවක් ලෙස විද්වතුන් පෙන්වා දෙන්නේ නගරයේ අභ්‍යන්තර කාණු පද්ධතිවල දුර්වලතා පමණක් නොව, ගඟ මුහුදට වැටෙන මෝය කට පුළුල් කිරීමට සහ නිසි පරිදි නඩත්තු කිරීමට අවශ්‍ය පියවර නොගැනීමයි.
මුහුදු රළ මගින් කැළණි ගඟ මුහුදට වැටෙන මෝයකට ආශ්‍රිතව නිරන්තරයෙන් වැලිපර තැන්පත් වීම සිදුවේ. අධික වැසි කාලයකදී ගඟ දිගේ වේගයෙන් එන ජලය මුහුදට නිදහසේ ගලා යාමට නොහැකිව ආපසු හැරී කොළඹ නගරය යටවීමට මෙම මෝයකට අවහිර වීම දැඩි ලෙස බලපායි.
මීට අමතරව, කොළඹ වරාය පුළුල් කිරීමේ ව්‍යාපෘති සහ මුහුද ගොඩකිරීම් සඳහා ඉදිකර ඇති විශාල දියකඩන බැමි නිසා කැළණි ගඟේ මෝයකට ආශ්‍රිතව මුහුදු රළ හැසිරෙන ස්වභාවික රටාව වෙනස් වී ඇත. මේ නිසා සාගර දියවැල්වලින් ගසාගෙන එන වැලි ස්වභාවිකව ඉවත් වී යෑම වෙනුවට මෝයකට අසල වේගයෙන් එකතු වීම සිදුවේ. එබැවින් මෙම මෝයකට නිරන්තරයෙන් සහ ක්‍රමවත්ව කැනීමට ලක්කිරීම අත්‍යවශ්‍ය කරුණකි.
සාගර හා වරාය ඉංජිනේරු ක්ෂේත්‍රය පිළිබඳ පුළුල් ප්‍රායෝගික අත්දැකීම් ඇති විද්වතුන් පෙන්වා දෙන්නේ මෙම ගැටලුව සඳහා සංකීර්ණ හෝ අතිශය වියදම්කාරී ක්‍රම අවශ්‍ය නොවන බවයි. විදේශීය සමාගම්වලට කෝටි ප්‍රකෝටි ගණන් මුදල් ගෙවා ඩ්‍රෙජර් යන්ත්‍ර ගෙන්වනවා වෙනුවට, ලංකාව සතු දේශීය සම්පත් සහ තාක්ෂණය යොදාගෙන ඉතා අඩු වියදමකින් මෝයකටවල් නිරන්තරයෙන් හෑරීමට හා වැලි ඉවත් කිරීමට හැකියාව පවතින බව විද්වතුන් අවධාරණය කරයි.
මෝයකටවල් අවහිර වූ සැණින් ඒවා කඩිනමින් විවෘත කිරීමට සහ වැලි ඉවත් කිරීමට ස්ථාවර පද්ධතියක් සකස් කර තිබිය යුතු බවට විද්වතුන් යෝජනා කරති.
කෙසේ වුවද, නාගරික සංවර්ධන අධිකාරිය හෝ ශ්‍රී ලංකා ඉඩම් සංවර්ධන සංස්ථාව වැනි වගකිවයුතු ආයතන ක්ෂේත්‍රයට ගොස් ප්‍රායෝගිකව ගැටලුව විසඳීමට කටයුතු නොකරන්නේ මක්නිසා දැයි මෙහිදී ගැටලුවක් මතුවේ. නගරාධිපතිනිය පමණක් නොව අමාත්‍ය බිමල් රත්නායකද මෙම ගැටලුවට විසඳුම් ලබාදීම අත්‍යවශ්‍ය වේ. බැල්තසාර්ව පමණක් බිල්ලට දී ගැලවීමට තරම් මෙම ගැටලුව සරල එකක් නොවේ.
එනිසාම බොහෝ පාර්ශ්ව පෙන්වා දෙන්නේ කයිවාරු දේශපාලනයෙන් ඔබ්බට ගොස් මෙම තිරසර ගැටලු සඳහා වහාම ක්‍රියාත්මක වන පරිදි ප්‍රායෝගික හා තාක්ෂණික විසඳුම් සෙවීම වගකිවයුතු සියලු පාර්ශ්වවල වගකීම බවය.
සම්බන්ධිත පුවත් | Related News
ප්‍රධාන පුවත්
කොළඹ යට වුනාට බිල්ලට දෙන්නේ බැල්තසාර්ව ද?.. බිමල්ගේ අමාත්‍යංශය ගංවතුරෙන් බේරුනාද?
අරගලය පිටුපස වූ බටහිර සහ ඉන්දීය බලපෑම් ගැන ශමින්ද්‍ර ෆර්ඩිනැන්ඩු කළ ආන්දෝලනාත්මක හෙළිදරව්ව..
එක්සත් ජනපද මධ්‍යවාර මැතිවරණ ප්‍රතිඵලය හමුවේ ඩෙමොක්‍රටික් පක්ෂයට සහ ට්‍රම්ප් පාලනයට අභියෝග රැසක්.. – ආචාර්ය ජගත් චන්ද්‍රවංශගෙන් අනාවරණයක්..
මිහින්තලේ කටු සෑය අභියසදී බුද්ධ ශාසනයේ සහ බෞද්ධ උරුමයේ ආරක්ෂාව වෙනුවෙන් 11 වැනි දා විශේෂ අධිෂ්ඨාන පූජාවක් සහ දේව කන්නලව්වක්..
මම දෙමළ තමයි.. ඒත් මම බුද්ධාගම වෙනුවෙන් කඩේ යනවා.. කිසිම කෙනෙකුට ඒක නතර කරන්න බැහැ.. - සුරේෂ් රාගවන්ගෙන් ප්‍රබල ප්‍රකාශයක්..
යෝජිත ත්‍රස්ත විරෝධී පනත සංශෝධනය කරන්න.. - එක්සත් ජාතීන්ගේ විශේෂඥයින් ශ්‍රී ලංකාවෙන් ඉල්ලයි..
11 වැනිදා මිහින්තලේ කටු සෑය අබියසදී දැවැන්ත සත්‍යග්‍රහයක් සහ අධිෂ්ඨාන පූජාවක් අරඹනවා.. - පූජ්‍ය උලපනේ සුමංගල හිමි
සංවිධානාත්මක අපරාධ වැළැක්වීමේ පනත් කෙටුම්පත ගැන පෙත්සම් විභාගය අවසන්.. - තීරණය කථානායකට සහ ජනපතිට..
අනුරාධපුරට අත තියන්න ලෑස්ති වෙන්න එපා.. - බෞද්ධ මහා සම්මේලනය රතු නිවේදන නිකුත් කරයි.. 11 වැනි දා මිහින්තලය පුදබිමේ දී මහා අධිෂ්ඨාන පූජාවක්..
හූති ප්‍රහාරයකින් සෞදි අරාම්කෝ කුලුනට හානි
ඉරානයට ප්‍රහාර එල්ල කරන්න අදහසක් නැතැයි ට්‍රම්ප් කියයි.. බොරතෙල් මිලත් විශාල ලෙස පහළට..
කොළඹට ඇතිවූ ගංවතුර තත්ත්වය සහ නගරයේ පාලනය පිළිබඳ පූජ්‍ය ඇල්ලේ ගුණවංශ හිමියන්ගෙන් දැඩි ප්‍රකාශයක්..
මේ බුද්ධ භූමියට අත තිබ්බොත් වස් වදිනවා.. එලාරවත් හාමුදුරුවරුන්ට මෙහෙම කළේ නෑ.. - අනුරාධපුර පූජා භූමියේ සත්‍යග්‍රහයේ නිරත භික්ෂූන් වහන්සේලා පවසති..
භික්ෂූන් වහන්සේලාට එරෙහිව සිදුවන ප්‍රචණ්ඩ ක්‍රියා සහ අධිකරණ විනිසුරුවරුන් හදිසියේ ස්ථාන මාරු කිරීම ගැන පාර්ලිමේන්තුවේදී පූර්ණ විවාද දෙකක් ගැනීමට මැදිහත් වන්න.. - පොහොට්ටුවෙන් සජිත්ට පණිවුඩයක්..
ශ්‍රී ලංකාවේ යෝජිත සංවිධානාත්මක අපරාධ වැළැක්වීමේ පනත් කෙටුම්පත ගැන එක්සත් ජාතීන්ගේ සංවිධානයෙන් අනතුරු ඇඟවීමක්..
මර්ධනය හමුවේ තානාපති සේවයේ නිරුවත හා මර්ධනයේ පැත්ත මාරුවීම..