ලංකාවේ මුස්ලිම් ජනගහණය 10.7% දක්වා.. වැඩිම ප්‍රතිශතයක් නැගෙනහිරින්..

Nov 6, 2026 at 11:53 AM

|

Lanka Leader

ජනලේඛන හා සංඛ්‍යාලේඛන දෙපාර්තමේන්තුව මගින් සිදුකරන ලද 2024 ජනගහන හා නිවාස සංගණනයේ දත්ත වාර්තාවලට අනුව, ශ්‍රී ලංකාවේ මුළු ජනගහණයෙන් 10.7%ක් (මිලියන 2.34ක් පමණ) මුස්ලිම් ජනගහණය නියෝජනය කරන බව හෙළි වී තිබේ. දිස්ත්‍රික් මට්ටමින් සලකා බැලීමේදී මුස්ලිම් ජනගහණයේ ව්‍යාප්තිය 0.7% සිට 46.5% දක්වා පුළුල් පරාසයක විහිදී පවතී.

එක් එක් දිස්ත්‍රික්කයන් හි මුළු ජනගහණයෙන් මුස්ලිම් ජනගහණයේ ප්‍රතිශතය සලකා බලන විට, වැඩිම ප්‍රතිශතයක් වාර්තා වන්නේ ත්‍රිකුණාමලය දිස්ත්‍රික්කයෙනි (46.5%). ඊට අමතරව අම්පාර දිස්ත්‍රික්කයෙන් 45.6%ක ඉහළ ප්‍රතිශතයක් සටහන් වේ.

• ත්‍රිකුණාමලය: 46.5%
• අම්පාර: 45.6%
• මන්නාරම: 27.4%
• මඩකලපුව: 27.1%
• පුත්තලම: 21.6%

දිවයිනේ මධ්‍යම සහ බස්නාහිර පළාත් ආශ්‍රිතවද සැලකිය යුතු මුස්ලිම් ජනගහණයක් වාර්තා වී ඇත.

• මහනුවර: 15.3%
• කොළඹ: 12.6%
• වවුනියාව: 10.3%
• කළුතර: 10.6%
• මාතලේ: 9.9%
• අනුරාධපුරය: 8.8%
• කෑගල්ල: 8.3%
• පොළොන්නරුව: 8.3%
• කුරුණෑගල: 8.1%
• බදුල්ල: 6.1%
• ගම්පහ: 5.5%

දත්ත සටහනට අනුව දිවයිනේ අඩුම මුස්ලිම් ජනගහණ ප්‍රතිශතයක් වාර්තා වන්නේ යාපනය දිස්ත්‍රික්කයෙනි (0.7%). ඊට අමතරව කිලිනොච්චිය (1.0%), මොනරාගල (2.3%), රත්නපුරය (2.3%), මුලතිව් (2.7%), හම්බන්තොට (2.7%), නුවරඑළිය (3.0%), මාතර (3.6%) සහ ගාල්ල (4.2%) යන දිස්ත්‍රික්කවල ද මුස්ලිම් ජනගහණ ප්‍රතිශතය අඩු මට්ටමක පවතී.

සංගණන දත්තවලට අනුව දිස්ත්‍රික්ක 25 හි මුස්ලිම් ජනගහණ ප්‍රතිශත වර්ගීකරණය පහත පරිදි වේ:

30%+ ජනගහණයක් සහිත දිස්ත්‍රික්ක: 2යි (ත්‍රිකුණාමලය, අම්පාර)

20% – 30% අතර: දිස්ත්‍රික්ක 3යි (මන්නාරම, මඩකලපුව, පුත්තලම)

10% – 20% අතර: දිස්ත්‍රික්ක 4යි (මහනුවර, කොළඹ, වවුනියාව, කළුතර)

5% – 10% අතර: දිස්ත්‍රික්ක 7යි (මාතලේ, අනුරාධපුර, කෑගල්ල, පොළොන්නරුව, කුරුණෑගල, බදුල්ල, ගම්පහ)

3% – 5% අතර: දිස්ත්‍රික්ක 3යි

2% – 3% අතර: දිස්ත්‍රික්ක 4යි

2%ට අඩු: දිස්ත්‍රික්ක 2යි (යාපනය, කිලිනොච්චිය)

මෙම සංඛ්‍යාලේඛන මගින් ශ්‍රී ලංකාවේ මුස්ලිම් ජනගහණය දිවයින පුරා ව්‍යාප්ත වී ඇති ආකාරය සහ නැගෙනහිර හා වයඹ දිස්ත්‍රික්ක කිහිපයක නාගරික හා වෙළඳ මධ්‍යස්ථාන ආශ්‍රිතව පවතින ජනගහණ ඝනත්වය පැහැදිලිව පෙන්නුම් කරයි.