ලූලා ද සිල්වාට පැරදුනු ෆ්ලේවියෝ බොල්සොනාරෝ අමෙරිකාවට පළායයි..

Oct 28, 2026 at 09:45 AM

|

Lanka Leader

බ්‍රසීලයේ මෑතකදී නිමාවට පත් වූ ජනාධිපතිවරණයෙන් පරාජයට පත් වූ හිටපු ජනාධිපති ජයර් බොල්සොනාරෝගේ පුත්‍රයා වන සෙනෙට් සභික ෆ්ලේවියෝ බොල්සොනාරෝ, එක්සත් ජනපදය වෙත පලා ගොස් ඇති බව වාර්තා වේ. 

ඔහු සහ ඔහුගේ පවුලේ සාමාජිකයන් සඳහා අමෙරිකානු වීසා බලපත්‍ර ලබා දීමට එරට රාජ්‍ය දෙපාර්තමේන්තුව කටයුතු කරමින් සිටින බව ආරංචි මාර්ග තහවුරු කරයි. 

මැතිවරණ ප්‍රතිඵලය නිල වශයෙන් පිළිගැනීම ප්‍රතික්ෂේප කර ඇති බොල්සොනාරෝ, මුදල් විශුද්ධිකරණ පරීක්ෂණයකට අදාළව ශ්‍රේෂ්ඨාධිකරණය විසින් නිකුත් කරන ලද විදේශ ගමන් බලපත්‍ර භාර දීමේ නියෝගය පැහැර හැරීමෙන් අනතුරුව මෙලෙස රටින් පිටව ගොස් තිබේ.

ෆ්ලාවියෝ, ඔහුගේ භාර්යාව සහ දියණියන් දෙදෙනා මේ වන විට අමෙරිකාවේ ෆ්ලොරිඩා වෙත ළඟා වී ඇති බව වාර්තා වුවද, ඔවුන්ගේ නිශ්චිත ස්ථානය මෙතෙක් අනාවරණය වී නැත. 

විදේශ ගමන් බලපත්‍ර භාර දීමට නියමිතව තිබූ පැය 24ක කාලසීමාව ඉක්මවා යාමෙන් පසු මෙම පලායාම සිදුවී ඇති අතර, ෆ්ලාවියෝ බොල්සොනාරෝ සාමාන්‍ය සංක්‍රමණ ලක්ෂ්‍යයක් හරහා රටින් පිටව ගොස් නැති බව ෆෙඩරල් පොලිස් නිලධාරියෙකු ප්‍රකාශ කර ඇත.

මෙම පලායාම දැඩි ආන්දෝලනයක් ඇති කර ඇති අතර, බ්‍රසීල ජනාධිපති ලුයිස් ඉනාසියෝ ලූලා ද සිල්වා මෙය දැඩි ලෙස හෙළා දකිමින් නීතියට මුහුණ දී නිර්දෝෂීභාවය ඔප්පු කරන ලෙස ඔහුගෙන් ඉල්ලා තිබුණි. 

මෙම සිදුවීම බ්‍රසීලය සහ අමෙරිකාව අතර රාජ්‍යතාන්ත්‍රික සබඳතාවලට මෙන්ම ඉදිරියේදී එරට දේශපාලන අර්බුදය තවත් උග්‍ර අතට හැරීමටද බලපෑමක් එල්ල කරනු ඇතැයි අපේක්ෂා කෙරේ.