ප්‍රංශය දණගැස්වූ නාසි හමුදාවේ සුපිරි පෙත්ත.. සෙබළුන් රොබෝවරුන් කළ අදටත් ලෝකය අගාදයකට ඇද දැමු Pervitin රහස
"පැය 72ක් එකදිගට නිදි නැතුව සටන් කරන්න පුළුවන්ද?"
අහද්දිත් පුදුමයි නේද? හැබැයි 1940 අවුරුද්දේ මැයි මාසයේදී, හිට්ලර්ගේ නාසි හමුදාව ප්‍රංශය ආක්‍රමණය කරද්දී මේ පුදුමය ඇස් පනාපිටම සිද්ධ වුණා. ලෝකයම හිතාගෙන හිටියේ ප්‍රංශය කියන්නේ ලේසියෙන් හෙල්ලන්න බැරි මහා බලවතෙක් කියලා. හැබැයි සති හයක් වැනි කෙටි කාලයකින් මුළු ප්‍රංශයම හිට්ලර්ගේ කකුල් දෙක ළඟ දණ ගැහුවා.
මේක කොහොමද වුණේ? ජර්මන් සෙබළුන්ට මැජික් බලයක් තිබුණද? නෑ... ඒ පිටුපස තිබුණේ රසායනාගාරයක හැදුණු පුංචි පෙත්තක්. අද අපි කතා කරන්නේ දෙවන ලෝක යුද්ධයේ ඉතිහාසය වෙනස් කළ ඒ බිහිසුණු රහස, එනම් "Pervitin" (පර්විටින්) ගැනයි.
📍 ජර්මනිය භාවිතා කළේ Blitzkrieg එහෙමත් නැත්නම් විදුලි වේගයෙන් එල්ල කරන ප්‍රහාර කියන උපක්‍රමයයි. මේ උපක්‍රමය සාර්ථක වෙන්න නම් සෙබළුන් රෑ දවල් නැතුව, විවේකයක් නැතුව, සතුරන්ව වට කරගෙන ඉදිරියටම යන්න ඕනේ.
සාමාන්‍ය මනුස්සයෙක්ට දවස් දෙක තුනක් නිදි නැතුව ඉන්න බැහැ. ඇඟ රිදෙනවා, මොළය වෙහෙසෙනවා, බය හිතෙනවා. හැබැයි නාසි සෙබළුන්ට මේ කිසිම දෙයක් දැනුණේ නැහැ. ඔවුන් ප්‍රංශයේ ආර්ඩෙනස් වනාන්තරය මැදින් දවස් තුනක් තිස්සේ නොනැවතී ඇවිදගෙන ආවා. ඔවුන් හරියට රොබෝවරු වගේ. මේ අමුතු ශක්තිය පිටුපස තිබුණේ අද අපි මත්ද්‍රව්‍යයක් විදියට හඳුන්වන Methamphetamine (Crystal Meth) අඩංගු Pervitin පෙත්තයි.
🧪1930 ගණන්වල අගභාගයේදී ජර්මනියේ Temmler රසායන විද්‍යාගාරයේදී තමයි මේ පෙත්ත නිපදවන්නේ. ඒ කාලේ මේක වෙළඳපොළේ ප්‍රසිද්ධ වුණේ හරියට "කොකා කෝලා" වගේ සාමාන්‍ය දෙයක් විදියට. වැඩ අධික අයට, ගෘහණියන්ට, විභාග කරන ළමයින්ට පවා මේක මුලදී නිර්දේශ කළා.
නමුත් යුධ හමුදාවේ ප්‍රධාන වෛද්‍යවරයෙක් වුණු Otto Ranke දැක්කා මේ පෙත්තෙන් පුදුම වැඩක් ගන්න පුළුවන් කියලා. ඔහු සෙබළුන් යොදාගෙන කළ පරීක්ෂණවලින් හෙළි වුණා
මේ පෙත්ත ගත්තම නින්ද යන්නේ නැහැ. බය, තෙහෙට්ටුව සම්පූර්ණයෙන්ම නැති වෙනවා. මනුස්සයෙක්ට අසීමිත ආත්ම විශ්වාසයක් ලැබෙනවා. වේදනාව දැනෙන්නේ නැහැ.
🍬 1940 ප්‍රංශ ආක්‍රමණයට කලින්, ජර්මන් හමුදාව සෙබළුන්ට පෙති මිලියන 35කට වඩා බෙදා දුන්නා. මේවාට හමුදාව ඇතුළේ කිව්වේ Panzerschokolade කියලා. මොකද මේ පෙති සමහර වෙලාවට චොකලට් ඇතුළේ හංගලත් දුන්නා.
සෙබළෙක් මේ පෙත්තක් ගත්තම ඔහුගේ මොළයේ "Dopamine" මට්ටම ඉහළ යනවා. එතකොට ඔහුට හිතෙන්නේ තමන් ලෝකයේ ඉන්න බලවත්ම වීරයා කියලා. සතුරන් දහස් ගණනක් මැදට වුණත් බයක් නැතුව පනින්න මේ "රසායනික ධෛර්යය" උදව් වුණා.
😱හැබැයි මේකේ භයානක පැත්ත මතු වෙන්න වැඩි කාලයක් ගියේ නැහැ. මේ පෙත්තෙන් ලැබෙන්නේ තාවකාලික ගැම්මක් විතරයි. මේවා දිගින් දිගටම පාවිච්චි කරද්දී සෙබළුන්ගේ ස්නායු පද්ධතිය විනාශ වෙන්න ගත්තා.
සෙබළුන් මේ පෙති නැතුව ඉන්න බැරි තත්ත්වයට පත් වුණා. ලිපි මගින් ගෙවල්වලින් පවා මේ පෙති ගෙන්නා ගත්තා.
පෙත්තේ බලය ඉවර වෙද්දී සෙබළුන් දරුණු විදියට කඩා වැටුණා සමහරුන්ට පිස්සු හැදුණා, තවත් සමහරු තමන්ගේම සගයන්ට වෙඩි තබා ගත්තා.
දවස් ගණන් නිදි නැතුව, කෑම නැතුව ඉඳලා සෙබළුන්ගේ ශරීර අභ්‍යන්තරයෙන් දියවෙන්න ගත්තා.
ඇත්තටම කිව්වොත්, හිට්ලර් හැදුවේ සටන් කරන මිනිස්සු නෙවෙයි, රසායනික ද්‍රව්‍යවලින් දුවන "මස් වැදලි" ටිකක්.
💉 ඉතිහාසඥයන් පවසන විදියට ඇඩොල්ෆ් හිට්ලර් පවා ඔහුගේ පෞද්ගලික වෛද්‍යවරයා වූ Theodor Morell හරහා විවිධ මත්ද්‍රව්‍ය එන්නත් කරගෙන තිබෙනවා. යුද්ධයේ අවසාන කාලයේ හිට්ලර්ගේ දෑත් වෙව්ලීම සහ ඔහුගේ අමුතු තීරණ පිටුපස මේ මත්ද්‍රව්‍යවල බලපෑම තිබුණු බව අද පිළිගැනෙන සත්‍යයක්.
⚠️ නාසි හමුදාව මුලදී ජයග්‍රහණය කළේ ඔවුන්ගේ දක්ෂතාවයට වඩා, සතුරන්ව මවිත කළ මේ රසායනික වේගය නිසයි. හැබැයි ස්වභාවධර්මයට විරුද්ධව යන කිසිම දෙයක් ලොකු කාලයක් පවතින්නේ නැහැ. අවසානයේදී ජර්මනිය පරාජය වෙන්න මේ මත්ද්‍රව්‍ය නිසා හමුදාව ඇතුළත ඇතිවුණු විනය පිරිහීමත් එක හේතුවක් වුණා.
අද කාලේ අපි දකින දරුණු මත්ද්‍රව්‍යවල ආරම්භය කොතැනද කියලා දැන් තේරෙනවා නේද..? අද ලෝකයේ වේගයෙන් පැතිර යන වෛරස් වෙලා තියෙන Crystal Meth, Ecstas, Captagon වලට මුලාරම්භය වෙලා තියෙන්නේ නාසි හමුදාව භාවිතා කළ Pervitin කියන ඖෂධය
එදා යුධ බිමේදී සෙබළුන්ව "රොබෝවරු" කරන්න පාවිච්චි කරපු මේ තාක්ෂණය, අද මුළු ලෝකයම විනාශ කරන මාරයෙක් වෙලා.
වර්තමානයේ මැදපෙරදිග කලාපයේ සහ යුද ගැටුම් පවතින ප්‍රදේශවල The Jihadist Drug ලෙස හැඳින් වෙන්නේ Captagon මත්ද්‍රව්‍යය
ISIS වැනි සංවිධානවල සටන්කාමීන් බිය නැති කර ගැනීමට සහ වෙහෙස නොබලා සටන් කිරීමට මෙය භාවිතා කරනවා.. මෙක හරියටම දෙවන ලෝක යුද්ධයේ නාසි සෙබළුන් Pervitin භාවිතා කළ ආකාරයටම සමානයි... ඉතින් ඔයාලට ISIS ලට අනාගතයේ වෙන දේවල් ගැනත් හිතාගන්න පුළුවන් නේ...
📌 ඔබ මොකද හිතන්නේ? යුද්ධයක් දිනන්න මේ වගේ දේවල් පාවිච්චි කරන එක සදාචාරාත්මකද?
(අන්තර්ජාලයෙන් උපුටා ගන්නා ලදී)
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..