සඟ සමුළුව..

Feb 18, 2026 at 07:17 AM

|

Lanka Leader

පෙබරවාරි 20 දා පවත්වන්නට සුදානම් කර ඇති සඟ සමුළුව සම්බන්ධයෙන් රත්තනදෙණියේ මේධානන්ද හිමි උන්වහන්සේගේ සමාජමාධ්‍ය ගිනුමේ තබා ඇති සටහනක් පහළින්.. 

"පෙබරවාරි 20 දා පවත්වන්නට සුදානම් කර ඇති සඟ සමුළුවෙන් ආණ්ඩුවේ බොහෝ දෙනෙකුට විදුලි සැර වැදී ඇති අයුරු සිවුරට එරෙහිව ඔවුන්ගේ මුර  බල්ලන් මුදාහැර ඇති ආකාරයෙන් පෙනේ. එහෙත් මෙවැනි සඟ සමුළුවක් යුගයේ අවශ්‍යතාවකි. සිංහල බෞද්ධ උරුමයන්, එහි වටිනාකම්, හර පද්දතීන් පිළිබඳ කිසිදු වගතුගක් නැති වනචාරී පිරිසකට බලය ලැබීමේ විපාකය දැන් බොහෝ භික්ෂුන්ට වැටහෙමින් තිබීම සාධනීය ලකුණකි. සිංහල බෞද්ධ වචන දෙක සහ ජාතිකත්වය ගැන කතා කරන භික්ෂුන්ට ඉතාම සංවිධානාත්මකව කැත පන්නයේ මඩ අවලාද නගමින් පහරදෙන අකාරය තේරුම් යමින් තිබීම ද මෙවැනි සමුළුවක් ඉක්මන් කිරීමට හේතු විය.  ජාතික ආරක්ෂාව හෝ බෞද්ධ උරුමය වෙනුවෙන් හඬක් නැගූ සැණින් ඔවුන්ට "රාජපක්ෂ ගැත්තන්" යැයි ලේබල් ගසා නිහඩ කරවීමේ මානසික මෙහෙයුමට නොබියව අභියෝග කළ යුතුය. ධර්මපාලතුමා අනාවැකි පළ කළ පරිදිම අද මේ රටේ පාලනය 'කළු සුද්දන්' පිරිසකට පත්ව තිබේ. ඔවුන්ට රට, ජාතිය, ආගම අබිං ය. ආපේ භාෂාව, සිරිත් විරිත්, සංස්කෘතික වටිනාකම් ගැන කතා කිරීම පස්ස පැත්තේ කහඹිලියා ගෑමට සමානය. එනිසා නව අධ්‍යාපන ප්‍රතිසංස්කරණ වැනි ව්‍යාජ මුහුණුවරින් එන මේ රටේ  සිංහල බෞද්ධ පදනම බිඳ දැමීමේ උපායමාර්ග ගැන භික්ෂුව අන් කවරදාටත් වඩා අවදියෙන් සිටිය යුතු කාලයක් පැමිණ තිබේ. එනිසා මේ සඟ සමුළුවෙන් ආණ්ඩුවට දෙන සංඥාව වැදගත්ය. රාජ්‍ය අනුග්‍රහය ලබන කල්ලතෝනින්ගේ මඩ අවලාද චරිත ඝාතන තුළින් භික්ෂුවගේ උරුමයත්, සිංහල බෞද්ධ බලයත් විනාශ කළ නොහැකි බව මේ මිසදුටු පාලකයන්ට  මතක් කරදීම යහපත්ය."

- රත්තනදෙණියේ මේධානන්ද හිමි