ලෝකයේ හොඳම ඔත්තුකරුවා කොටුකරගත් සුපිරිම බුද්ධි මෙහෙයුම - ලෝකයේ දරුණුම Cheka බුද්ධි අංශය විසින් දියත් කල Operation Trust
ලෝක ඉතිහාසයේ විවිධ ඔත්තු සේවා ගැන අපි අහලා තියෙනවා CIA, MI6, මොසාඩ් වගේම සෝවියට් දේශයේ KGB ගැනත් අපි දන්නවා. හැබැයි මේ හැමෝම හොල්මන් කරපු, ලෝකයේ දරුණුතම සහ කපටිම බුද්ධි මෙහෙයුමක් ගැන ඔබ අහලා තියෙනවද? ඒ තමයි සෝවියට් රුසියාවේ මුල් යුගයේ ක්‍රියාත්මක වුණු Cheka බුද්දි අංශය විසින් දියත් කල Operation Trust මෙහෙයුම, (Cheka 1917–1922 - විප්ලවයෙන් පස්සේ මුලින්ම හැදුණු බුද්දි අංශය)
මේක මාස්ටර් ප්ලෑන් එකක්, තමන්ගේ දරුණුතම සතුරන්ව තමන් ළඟටම ගෙන්වාගෙන පස්සේ ඒ අයව විනාශ කරපු සුපිරිම ගේමක්... අමුතු අපි අද ඔයාලට කියන්න යන්නේ මේ මෙහෙයුම ගැන,
හිතන්න ඔබ ඉන්නේ රුසියාවේ පාලනය පෙරළන්න හීන දකින දරුණු විප්ලවවාදියෙක් විදියට. එකපාරම රුසියාව ඇතුළෙන් ඔබට රහස් පණිවිඩයක් එනවා "අපි ලෑස්තියි බෝල්ෂෙවික්වරුන්ව, පන්නන්න රහස් සංවිධානයක් ඇතුළේ හැදිලා තියෙනවා. අපිට උදව් කරන්න රුසියාවට එන්න" කියලා.
ඔබත් ඔබේ පිරිසත් එක්ක බොහොම රහසිගතව, ජීවිත අවදානම අරගෙන දේශසීමා පැනලා රුසියාවට ඇතුළු වෙනවා, එහේ ඉන්න රහස් නියෝජිතයෝ ඔබව බොහොම ගෞරවයෙන් පිළිගන්නවා, හැබැයි... ඔබ සෝවියට් දේශයේ පස් පාගපු මොහොතේ ඉඳන් ඔබ ඉන්නේ ඔබේ සතුරා අටවපු මාරක දැලක කියලා ඔබ දන්නේ නැහැ.
ඔබව පිළිගන්න ආපු විප්ලවවාදියෝ විදියට පෙනී ඉන්න අය ඇත්තටම සෝවියට් රහස් පොලිසියේ දක්ෂතම ඝාතකයෝ...💀
සිදුවීම වෙන්නේ මෙහෙමයි...
🎭 1920 ගණන්වල මුල් භාගය සෝවියට් දේශයේ පාලකයා වුණු ලෙනින්ට ලොකුම හිසරදය වුණේ රටින් පිටුවහල් වෙලා හිටපු ධවල රුසියානුවන් මේ අය යුරෝපයේ රටවල් එක්ක එකතු වෙලා සෝවියට් දේශය ඇතුළේ බෝම්බ පිපිරවීම්, මිනීමැරුම් සැලසුම් කළා
සෝවියට් රහස් පොලිසියේ ප්‍රධානියා වුණු ෆීලික්ස් ඩෙසර්ජින්ස්කි ට ඕන වුණේ මේ හැමෝවම එක තැනකට ගෙනල්ලා ඉවරයක් කරලා දාන්න. එයා ගැහුවා සුපිරිම මාස්ටර් ප්ලෑනක්.
ඔවුන් රුසියාව ඇතුළේ ව්‍යාජ සංවිධානයක් හැදුවා එකේ නම MUCR ඔවුන් බටහිර රටවලට පණිවිඩ යැව්වා "අපි සෝවියට් පාලනයට විරුද්ධයි, අපිව විශ්වාස කරන්න, අපිට උදව් කරන්න" කියලා. මේක කොච්චර සාර්ථක රංගනයක්ද කියනවා නම්, බ්‍රිතාන්‍යයේ සහ ප්‍රංශයේ බුද්ධි අංශ පවා හිතුවේ මේක ඇත්තම කැරැල්ලක් කියලා...
🎯 මේ කතාවේ සුපිරිම කොටස පටන් ගන්නේ ලෝකයේ ඒ කාලේ හිටපු භයානකම ඔත්තුකරුවෙක් මේ දැලට අහුවුණාමයි. ඒ තමයි සිඩ්නි රේලි (Sidney Reilly) ඔහුව හැඳින්වූවේ Ace of Spies කියලා. (ජේම්ස් බොන්ඩ් චරිතය ලියන්න Ian Fleming ට පදනම වුණෙත් මොහුයි).
රේලි හිතුවේ තමන්ට වඩා වැඩ්ඩෙක් ලෝකේ නැහැ කියලා 1925 සැප්තැම්බර් මාසයේ රේලි රුසියාවට ආවා මේ විප්ලවවාදීන් හමුවෙන්න ඔහු හිතුවේ ඔහු ලෙනින්ගේ පාලනය පෙරළන මහා වීරයෙක් වෙයි කියලා.
හැබැයි ඔහු රුසියානු දේශසීමාව පනිනකොටම චෙකා නිලධාරීන් ඔහුව සෙවනැල්ල වගේ ලුහුබැන්දා ඔවුන් රේලිව එක්කගෙන ගියේ රහස් ආරක්ෂිත නිවසකට රේලි හිතුවේ ඔහු ඉන්නේ තමන්ගේ මිතුරෝ එක්ක කියලා හැබැයි එක මොහොතකදී හැම දෙයක්ම වෙනස් වුණා. හිනාවෙලා හිටපු මිනිස්සු එකපාරම තුවක්කු එළියට ගත්තා.
"Welcome to Moscow, Mr. Reilly You are under arrest"
ලෝකයේ සුපිරිම ඔත්තුකරුවා, සෝවියට්වරුන්ගේ Acting වලට රැවටිලා තමන්ගේම මරණය හොයාගෙන ඇවිත් තිබුණා. ඔහුව ප්‍රශ්න කරලා අන්තිමේදී මොස්කව් වනාන්තරයකදී වෙඩි තබා අවසන් ගමන් යැවුවා.
💰මේ මෙහෙයුමේ තිබුණු දරුණුම සහ හාස්‍යජනකම පැත්ත තමයි බ්‍රිතාන්‍යය සහ අනෙකුත් රටවල් මේ MUCR සංවිධානය ශක්තිමත් කරන්න විශාල වශයෙන් සල්ලි සහ රහස් තොරතුරු එව්වා.
සෝවියට් බුද්ධි අංශ කළේ ඒ සල්ලි අරගෙන තමන්ගේම රහස් පොලිසිය ශක්තිමත් කරන එක ඒ කියන්නේ සතුරන්ගේ සල්ලිවලින්ම සතුරන්ව විනාශ කරන්න සෝවියට් දේශය සමත් වුණා. ඔවුන් වසර 6ක් තිස්සේ මේ නාට්‍යය රඟපෑවා. සමහර වෙලාවට ඔවුන් බොරු පිපිරීම් පවා කළා මොකද ඔවුන්ට ඕන කළා ලෝකෙට පෙන්වන්න සෝවියට් පාලනය දුර්වලයි කියලා.
සමහර නිලධාරීන් රටින් පැනලා යනවා වගේ රඟපෑවා එහෙම කලේ බටහිර රටවල විශ්වාසය දිනාගන්න.
🏚️ 1927 වෙනකොට සෝවියට් දේශයට තර්ජනයක් වෙන්න හිටපු ප්‍රධාන සතුරන් හැමෝම වගේ මරා දාලා හෝ හිරේ දාලා ඉවරයි මෙතනින් එහාට මේ නාට්‍යය රඟපාන්න අවශ්‍ය වුණේ නැහැ.
සෝවියට් දේශය ලෝකෙටම ප්‍රසිද්ධියේ ප්‍රකාශ කළා Operation Trust කියන්නේ ඔවුන්ගේම නිර්මාණයක් කියලා. බටහිර ඔත්තු සේවා ගල් ගැහුණා වසර ගණනාවක් තිස්සේ තමන් රවටනු ලැබූ බවත්, තමන්ගේම සල්ලිවලින් සතුරා පෝෂණය කළ බවත් දැනගත් බ්‍රිතාන්‍ය බුද්ධි අංශ ලෝකය ඉදිරියේ අන්ත අසරණ වුණා.
🔥 Operation Trust කියන්නේ ඉතිහාස කතාවක් විතරක් නෙවෙයි ඒක අදටත් ලෝකයේ බුද්ධි අංශ පාවිච්චි කරන Counter-Intelligence (ප්‍රති-බුද්ධි) කලාවේ බයිබලය වගේ.
ඔබ යම් දෙයක් විශ්වාස කරනවා නම්, ඒක ඔබ දකින නිසාම විශ්වාස කරන්න එපා මොකද, ඔබේ සතුරා ඔබට පෙන්වන්නේ ඔබ දකින්නට කැමති දේ විතරක් වෙන්න පුළුවන් සෝවියට් දේශය ලෝකෙටම ඉගැන්වූ පාඩම ඒකයි.
ඔයාලට මේ වගේ ලෝකය හොල්ලපු රහසිගත මෙහෙයුම් ගැන තවත් කතා දැනගන්න ඕනෙද?
(මුහුණුපොතෙන්)
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..