අමෙරිකානු තානාපති කාර්යාලයේ ගේට්ටුව අසළදී නායක ස්වාමීන්වහන්සේට ලැබුණු "උපහාරය"
මා අමෙරිකාවට ගියේ 1999 ජනවාරි මාසයේදී ය. 2014 දී මහනුවර අස්ගිරි මහා විහාරයේදීත් කොළඹ අරලියගහ මන්දිරයේදීත් වේයන්ගොඩ උදම්මිට ශ්‍රී සුමනාරාමයේදීත් පැවැත්වුනු උත්සවවලින් අනතුරුව කැනේඩියානු තානාපති කාර්‍යාලයෙන් ශ(ර්)ලි වයිටින් තානාපතිතුමියගෙන් සහ අමෙරිකානු තානාපති කාර්‍යාලයෙන් මිශෙල් සසූන් තානාපතිතුමියගෙන් උපහාර සඳහා ආරාධනා ලැබිණ. ඒ මා ඒ රටවල් දෙකට කළ ඇති සේවය ඇගයීම පිණිසය. උපහාර ආරාධනා මත ගිය මට අමෙරිකානු තානාපති කාර්‍යාලයයේ ගේට්ටුව අසලදී සිදුවූ රසවත් දෙයක් ගැන ලියන්නට සිතුනි.
කොල්ලුපිටියේ අමෙරිකානු තානාපති කාර්‍යාලය ඉදිරිපිට වාහන නැවතීම තහනම් ව පැවති බැවින් ගෝල්ෆේස් පැත්තේ සිට පැමිණ තානාපති කාර්‍යාලයට ප්‍රතිවිරුද්ධ පැත්තේ වාහනය නතර කර බැස්සෙමි (මට ලංකාවේ වාහනයක් නොමැති වූ නිසා ඒ සඳහා බටලීයේ කළ්‍යාණමිත්‍ර මනෝජ් ගුණවර්ධන මහත්මාගේ ජීප් රථය ලැබිණ).
පාර පැන ආරක්ෂක ගේට්ටුව අසලට යනවිටම ගේට්ටුව පිටත වීසා පෝලිමේ සිටි අයෙක් මෙසේ කීවේය; "ගණයා අමෙරිකාවට පනින්න වගේ හදන්නේ." ඔහු අසලම සිටි අනෙකා මෙසේ කීවේය; "එහෙ ගිහින් පදමට ගහලා ගෑණුත් එක්ක නිදි වදියි."
(ඇතැම්විට ඔවුන්ගේ සිහිනය එය වන්නට ඇත).
එවිටම ආරක්ෂක ගේට්ටුවෙන් පිටතට පැමිණි ආරක්ෂක නිළධාරි මහත්මා මෙසේ පැවසීය: "අනේ නායක ස්වාමීන්වහන්ස, ඔබවහන්සේට තානාපති ලේකම්තුමිය කෝල් එකක් ඇරන්, නමුත් ඔබවහන්සේ ආන්සර් කළේ නෑ. (ජීප් රථයට u -turn ගසා ගේට්ටුව ළඟට එන ලෙසට සඥා කරමින්) ඔබවහන්සේ VIP ආරාධානවකටනේ වඩින්නේ, ජීප් එකෙන්ම අර ගේට්ටුවෙන් ඇතුළට වඩින්න."
ජීප් රථයට ගොඩවෙන ගමන් අර අපහාස වචන කියූ දෙදෙනා දෙස බලා මම මෙසේ පැවසුවෙමි: "Good luck with your visa application, sirs!” මා එසේ කිව්වේ සිනාසෙමිනි. එවිට වීසා පෝලිමේ සිටි ද්‍රවිඩ නෝනා මහත්මියක් සිංහලෙන් මෙසේ කීවාය: "අපේ රටේ ස්වාමී කෙනෙකුට ලොකු රෙස්පෙක්ට් එකක් ලැබිලා, සතුටුයි." එතුමිය එසේ කිව්වේ අර සිංහලයන් දෙදෙනාටද ඇසෙන ලෙසට විය යුතුය.
තානාපති කාර්යාලයේ ගිලන්පස වළඳා තානාපතිතුමිය සමඟ පැවති පැය දෙකක සාකච්ඡාවෙන් පසුව ජීප් රථයට යාමට දොරෙන් එළියට එනවිට ඊට සමාන්තරව පැවති වීදුරු බිත්තියකින් වෙන්වූ තිබුණු කොටසෙහි පිහිටි දොරටුවෙන් වීසා සම්මුඛ පරීක්ෂණ අවසන්ව පිටව යන පස් හය දෙනෙක් අතර අර සිංහලයන් දෙදෙනාද යනු දුටිමි. 'ඔවුනට විසා ලැබුණානම් හොඳයි,' ඒ මගේ සිතුවිල්ලයි.
ජීප් රථයට නැගී VIP ගේට්ටුවෙන් පිටතට පැමිණ ගෝස්ෆේස් දිසාවට ජීප් රථය හරවද්දී පාර අයින දිගේ අප යන දෙසටම ඇවිද යමින් සිටි අර සිංහලයන් දෙදෙනාගෙන් 'එහෙ ගිහින් පදමට ගහලා ගෑණුත් එක්ක නිදි වදියි' කියූ පුද්ගලයා මෙසේ කියනු ඇසින; "හු......වේ.....රිජෙක්ට් කළානේ කෝටි දෙකක් පෙන්නුවත්."
වෙනත් වාහනයක් සඳහා ජීප් රථය හෝන් ගැසූවිට ඔවුන් ජීප් රථය දෙස බැලූවිට ඔවුන්ගේ සහ මගේ නෙත් ගැටින. මා ඔවුන් දෙස බලා සිනා සී මගේ පැත්තේ වීදුරුව ඉහළට දමා වසා දැම්මෙමි. මට ඔවුන් කෙරෙහි ඇතිවුනේ සහකම්පනයකි.
'කීපදෙනෙක් කරන වැරදි නිසා සමස්ථ සංඝයාම බැණුම් අහනවා' යනු අර්ධ සත්‍යයකි. ලෝක ආගමික ඉතිහාසය පුරාම පැවිද්දාට ඉරිසියා කරන ගිහියෝ සිටියහ. මගෙන්ම උදව් ගත් එංගලන්තයේ අමෙරිකාවේ කැනඩාවේ සහ ශ්‍රී ලංකාවේ බොහෝ අය මට කළ අපහාස නොදන්නා සේ අදටත් ඔවුනට උදව් කරමි. ගිහියාගේ උදහසට ලක්වීමට පැවිද්දා වරදක් කිරීමටම අවශ්‍ය නැත. ඔවුන්ගේ ස්වභාවික ඉරිසියාව ඒ උදහස සඳහා ප්‍රමාණවත් ය.
වසර 17ක ට පෙර මා දැන සිටි භික්ෂූන් කෙරෙහි ස්වභාවික ඉරිසියාවෙන් පෙළුනු කෙනෙකුට තම පිළිකා රෝගය සුව කර ගැනීමට මම උපකාර කළෙමි. පෙර තිබූ භික්ෂුන් කෙරෙහි වූ ඉරිසියාව ඉවත් කරගත් ඔහුට පැවිදිවීමට ආශාවක් ඇතිවිය. ඔහු පැවිදි විය. පැවිදිවී සති දෙකකට පසු ඔහු මා ඇමතීය. 'සමාවෙන්න අම්මෝ හාමුදුරුවනේ, මම සිවුරු ඇරියා. සිවුරු දරලම බලන්න ඕනෑ ඒකේ අමාරුව. ඔබවහන්සේ කොහොම ඉන්නවද දන්නේ නෑ. මට දවස් හතරෙන් එපා වුනා ගිහියෝ නිකරුණේ කරන අපහාස අහලා. මට එක වතාවක් පංසලට ආපු එකෙකුගේ කණ පලන්න හිතුනා කිව්ව වල් කතාවකට.'
අද ඔහු වයස්ගතව භාවනානුයෝගි ජීවිතයක් ගත කරයි. ඒ කියූ දෙදෙනාට පසු කලෙකවත් වීසා ලැබුණානම් හොඳ ය.
අපහාස කරන්නා නිතරම මානසිකව චංචල අයෙකි. අපහාස විඳින්නා මානසිකව නිශ්චල වීමෙන් මනුෂ්‍යත්වය සහ ආධ්‍යාත්මය ආරක්ෂා වේ.
විදේශයෙන් ලැබුණු උපහාර මෙන්ම ඒ අමෙරිකානු තානාපති කාර්‍යාලයයේ ගේට්ටුව අසළදී ලැබුණු "උපහාරය" 😁 ද මම සම සිතින් ඉවසුවෙමි.
- පූජ්‍ය දේදුනුපිටියේ උපනන්ද හිමි විසිනි
(මුහුණුපොතෙන් උපුටා ගන්නා ලදී)
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..