නන්දන අපට වීරයෙක්.... රටේ රාළ කියන කතාව..
රටේ රාළ කියන මේ කතාවත් එක්ක ඔයලා එකඟ වෙන්නත් පුළුවන් නොවෙන්නත් පුළුවන්.ඒත් මේ කතාව නොකියා බෑ.මේක ජවිපෙ ගැන කරන විග්‍රහයක් නෙවෙයි.මේක ජවිපෙ උදාහරණයට අරගෙන නන්දන ගුණතිලක ගැන කියන කතාවක්.88/89 සමූලඝාතනයෙන් පස්සේ 94 වෙනකොට ජවිපෙ නැවත නැගිටීම පිටි පස්සේ හිටිය යෝධ සෙවනැල්ල නන්දන ගුණතිලකයි.89දී විජේවීර ඝාතනය කළාට පස්සේ ජවිපෙ විසිරුණු කුඩා කණ්ඩායමක් බවට පත්වෙලා තිබුණා.
ගොඩක් දෙනෙක් යටත්ව්ම හෝ බාරවීම තෝරගෙන තිබුණා. සමහර තැන්වල ඉතිරිවුන අය ආරක්ෂිතව කැලෑවලට පසු බස්සගත්තා.තවත් සමහරු ආණ්ඩුවේ ඔත්තුකරුවන් වෙලා අනෙකා පාවාදෙන තැනට පත්වෙලා හිටියා.ඇත්තටම 88/89 මර්ධනයෙන් පස්සේ jvp කාරයෝ වැඩියෙන්ම බය උනේ jvp කාරයන්ට.jvp කාරයෙක් දැක්කොත් jvp කාරයෙක් හැංගෙනවා. 88/89 පස්සේ 90වේ අඟ භාග්‍ය වනතුරු ජවිපෙ පස්සෙන් ආරක්ෂක අංශ පැන්නුවා.90වෙදිත් ඝාතන සිද්ධවුනා.මේ වගේ පසු බිමක ජවිපෙ පළවෙනි පෙළ දෙවෙනි පෙළ සම්පුර්ණයෙන්ම විනාශ වෙලයි තිබුණේ.
සෝමවංශ අමරසිංහ රටින් පිටකරලා තිබුණා.මර්ධනය ඒ මොහොතෙත් ක්‍රියාත්මක වෙමින් තිබුණා.මේ වගේ පසුබිමක තමයි නන්දන පක්ෂයට ගොඩනැගීමේ ක්‍රියාවලිය අතට ගන්නේ. ඒ වෙනකොට නන්දන එක්ක කමල් දේශප්‍රිය (සෙනවි) සහ තව කීපදෙනෙක් හිටියා.නන්දන සහ සෙනවි පක්ෂය ගොඩනැගීම පටන් ගත්තේ මරණ වරෙන්තූව අතේ තියාගෙන.නන්දන කීයටවත් හතුරාට යටත් උනේ නෑ.
තනිව සටන් කරන්න පුළුවන් ආත්ම විශ්වාසයක් නන්දනට තිබුණා.නන්දනලා හතර ඝාතෙන් වැටිලා තිබුණ ජවිපෙ නැවත දෙපයින් හිටෙව්වා.ජවිපෙට නැවත නැගිට්ටවීමේ නියමුවා විදිහට අදත් සළකන්නේ සෝමවංශ අමරසිංහ.හැබැයි ඒ වෙනුවෙන් වැඩිම දාඩිය මහන්සිය හෙළුවේ නන්දන ගුණතිලක.නන්දන හදපු ජවිපෙ අද අපේ රටේ රාජ්‍ය බලය අරගෙන.අද රටේ නායකයා ජවිපෙ නායකයායි.
ඇත්තටම මේක හරිම අමුතු කතාවක්.88/89 සටන පාවලා දීලා පැනලා ගිය හාදයා අද රටේ ජනාධිපති.ඉතිහාසය පුරාම වැරදි තීරණ ගනිමින් පක්ෂ සහෝදරවරු ගණනාවකගේ ජීවිත විනාශ කරපු හාදයා අද ජනාධිපතිගේ උපදේශක.හතුරාට යටත්වෙලා බිල්ලාට ගිහින් තමන්ගේ සගයන් පාවාදුන් එකා අද ඇමති.එදා හතුරාට යටත් නොවි සටන් කරපු,තමන්ට පැවරුණ වගකීම හරියට ඉෂ්ඨ කරපු නන්දනලා විසිවෙලා විතරක් නෙවෙයි අද පැලවත්තේ යමපල්ලන්ගේ ප්‍රධාන ඉළක්කයක් බවටත් පත්වෙලා.
නන්දනගේ රටේ රාළ දකින සුවිශේෂීම ගුණය යටත් නොවීමේ සහ පාවා නොදීමේ ගුණයයි.88/89 සන්නද්ධ අරගලය පැරදුනා තමයි හැබැයි නන්දන යටත් උනෙත් නෑ සටන පාවලා දුන්නෙත් නෑ.ඒ වගේම දෙවෙනිවර නන්දනලා ගොඩනගපු ජවිපෙ දේශපාලන මණ්‌ඩල ඇතුලේ බටහිර න්‍යාය පත්‍රය ක්‍රියාත්මක වෙද්දී ඊට විරුද්ධ නන්දන පක්ෂය ඇතුලේ ඉඳන් සටන් කළා මිසක ඒක බලහත්කාරයට යටත් වුනේ නෑ තමන්ගේ සටන පාවලා දුන්නේ නෑ.
ඒ සටනේ ප්‍රතිපලයක් විදිහට නන්දනට තමන්ගේ දහඩිය මහන්සියෙන් ගොඩනගමු පක්ෂයෙන් එලියට බහින්න වුනා.එදා පටන් මේ දක්වාම නන්දන පස්සෙන් ජවිපෙ හබාගෙන එනවා. තමන් ගොඩනගපු පක්ෂ තමන් ඝාතනය කරන්න එද්දී නන්දන උන්ට යටත් වුනේ නෑ.තමන්ගේ සටන පාවා දුන්නෙත් නෑ.ඔයාලට මතක ඇති පහුගිය ජනාධිපතිවරණයට ඉස්සෙල්ලා ජවිපෙ හිටිය පරණ නායකයෝ ජවිපෙට දිගටම හරහට ගැහුවා.
හැබැයි අනුර ජනාධිපති උනාට පස්සේ ඔක්කොම කඩේ වැහුවා. ඇත්තටම ගොඩක් අය රටට හොරෙන් පැලවත්තට විතරක් පේන්න සුදු කොඩිය දාලා යටත් වුනා.අද ජවිපෙ අවබෝධයෙන් එයාලා නිහඩව ඉන්නවා.හැබැයි නන්දන ඒ නිවට යටත්වීම තෝරගත්තේ නෑ.තමන් පස්සෙන් පැලවත්තේ යමපල්ලෝ එලවගෙන එන බව දැන දැනත් උන්ට අභියෝග කරන්න පුළුවන් කොන්දක් නන්දනට තිබුණා.නන්දන ගැන රටේ රාළගේ මතකය යන්නේ 1997 ට.
රටේ රාළ රත්නපුර දිස්ත්‍රික් කමිටුවට තේරුනේ 1997දී.ඒ සාකච්ඡාව කරන්න දේශපාලන මණ්ඩලයෙන් ආවේ නන්දන. නන්දන එදා කියපු කතාවෙන් අදත් රටේ රාළගේ කණ් පිරිලා.ඒ හඩ ස්ථාවරයි,හරිම නිශ්චිතයි.ඉලක්ක සහගතයි,එඩිතරයි.අපේ දේශපාලන ඔයාලා යම් හොඳක් දකිනවා නම් ඒවා පිටිපස්සේ හිටියේ නන්දන ගුණතිලක සහ තවත් සහෝදරයෙක්.එයා මෙතනනට මේ මොහොතේ අදාල නෑ.රටේ රාළ දිගටම කියපු කතාවක් අදත් කියන්නම්." මගේ දේශපාලන අඩියක් දිගයි නම් ඒකේ අඟල් 06වත් නන්දන ගුණතිලක."
යටත් නොවී දුෂ්කරතාවයන් විඳගෙන අරමුණ වෙනුවෙන් සටන් කරන්න අපට දැනුම සහ ධෛර්යය දුන්න නායකයෙක් නන්දන. නන්දනගේ රෝගී තත්වය ගැන සතුටින් ඉන්න,පැයෙන් පැයට තොරතුරු අරගෙන පැලවත්තේ ගුරුන්නාසේට වාර්තා කරන නීතිය නොදත් නීතිඥයාට රටේ රාළ කියන්න තියෙන්නේ මෙච්චරයි.කමක් නෑ සතුටු වෙයල්ලා.නන්දන තවමත් ජීවිතය වෙනුවෙන් ලොකු සටනක් දෙනවා,නන්දන පරදින එකක් නෑ.
මේ රටේ සුවහසක් ජනතාව දේශපාලන භේදයකින් තොරව නන්දනගේ ජීවිතය වෙනුවෙන් එකතුවෙමින් ඉන්නවා.ඇත්තටම ජපුර රෝහලේ සෞඛ්‍ය කාර්යමණ්ඩල විශාල සහයෝගයක් දුන්නා.දැන් රාගම රෝහලේ වෛද්‍යවරු උපරිමය කරනවා.මේ අතර මැද තව කතාවක් තියනවා.ඒත් ඒක කියන වෙලාව මේක නෙවෙයි.ඔව්..අපට තවත් සටනක් තියනවා.ඒ සටනට නන්දන එන්නම ඕනි.නන්දන අපට නම් තවමත් වීරයෙක්.
හරි එහෙනම් ගිහින් එන්නම්.
ජයවේවා.
මීට
රටේ රාළ.
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..