පින්ලන්තය පෙන්වා ලංකාව හයිටියක් කරන්න හදන හරිනිගේ අධ්‍යාපන ප්‍රතිසංස්කරණ..
මේ දවස්වල අධ්‍යාපන ප්‍රතිසංස්කරණ සඳහා පැවැත්වෙන ගුරු පුහුණුවල සිදුවන දේවල් ගැන ඉතාම අපූරු තොරතුරු ගුරුවරුන් හරහා අපට දැන ගැනීමට ලැබෙනවා.
මේ තියෙන්නේ සිංහල විෂය සඳහා පැවැත්වුණු දින හතරක වැඩමුළුවක එක දවසක් ගෙවී ගිය ආකාරය.
උදේ 8 සිට 10.30 දක්වා එකම ගසකට නගින විවිධ සතුන්ගේ පින්තූරය සහිත චිත්‍රයක් පෙන්වමින් අධ්‍යාපනයෙන් සියලු දෙනා සමතුන් කළ යුතු ආකාරය පැහැදිලි කරනවා.ඒ අනුව මාළුවා,ජිරාෆ්, අලියා,කොටියා,වඳුරා ඇතුළු සියලු සතුන්ට ගහට නැඟ ගෙඩි කෑමට හැකි විය යුතුයි.මේක අධ්‍යාපනය ගැන කියන්න 1950 විතර ඉඳලා පතුරු ගහපු සෑහෙන පරන විකාර කතාවක්.හැබැයි ඒක මහා මැජික් එකක් වගේ ආපහු ඉදිරිපත් කරනවා. ඒකෙන් තමයි අධ්‍යාපනයට කරන විකෘතිය සාධාරණීකරණය කරන්නේ.
ඊට පස්සේ දහයයි තිහට තේ බොනවා.
ඊට පස්සේ ගුරුවරු කණ්ඩායම් හයකට බෙදෙනවා.එක කණ්ඩායමකින් දෙන්නා දෙන්නා ඉස්සරහට ගිහින් දුරකථන සංවාදයක් කරන විදිහ රඟපාලා පෙන්නනවා.අනිත් අයට ඒවාට ලකුණු දෙන්න කියනවා.ඊට පස්සේ උපදේශකයෙක් මේ දුරකථන සංවාදවල අඩුපාඩු ගැන පෙන්වා දෙනවා.
ඊට පස්සේ දවල් කෑම කනවා.
ඊට පස්සේ ආපහු ගුරුවරු කණ්ඩායම්වලට බෙදෙනවා.බෙදිලා වෙසක් කාඩ්,උපන් දින කාඩ් වගේ ඒවා හදනවා.ඒවාට ඕන කතුරු,ගම්,පාට පාට කඩදාසි වගේ ඒවා ගුරුවරුන්ට ගෙදරින් අරගෙන එන්න කියලා තියෙන්නේ.මේ විදිහට වෙසක් කාඩ් හැදුවට පස්සේ ඒවා ඉස්සරහට ගිහින් පෙන්නනවා. පෙන්නලා ඒවායේ අඩුපාඩු ගැන කතා කරලා ලකුණු දෙන විදිහ ගැන කියනවා.
ඊට පස්සේ හවස තේ බොනවා.අන්තිමට හවස පහ වෙන කල් කෙටි සමාලෝචනයක් කරනවා.එක දවසක් ඔය විදිහට ඉවරයි.
දවස පුරාම කන බොන එකට අමතරව ගුරුවරු කරලා තියෙන්නේ දුරකථන සංවාද රඟපාන එකයි, වෙසක් කාඩ් හදන එකයි.
ඕක විතරක් නෙමෙයි.දවස් හතරෙන් වැඩි හරියක්ම වැය කරලා තියෙන්නේ ළමයි කරන්න ඕන දේවල් ගුරුවරු කණ්ඩායම් විදිහට බෙදිලා රඟපාන්න.ගුරුවරු සභාව ඉස්සරහට ගිහින් ළමයි වගේ හැසිරෙනවා.වෙසක් කාඩ් හදනවා.දුරකථන සංවාද කරනවා.අඬනවා.හිනාවෙනවා.සිංදු කියනවා.ඔය විදිහට දවස ගෙවෙනවා.
ගුරුවරු විශාල පිරිසකගේ කාලය නාස්ති කරගෙන,කෑම බීම,වෙනත් දීමනා,දේශකයන්ගේ දීමනාවලට සැලකිය යුතු මුදලක් වැය කරගෙන මේ වගේ නාඩගම් තමයි දිගටම කරගෙන යන්නේ.
ප්‍රතිසංස්කරණවලින් මොකද වෙන්නේ කියන්න, මොඩියුල්වල තියන දේවල් ගැන කියන්න,ලකුණු දෙන විදිහ ගැන කියලා දෙන්න වැය වුණු සුළු කාලය හැර දවස් හතරේ වැඩි හරියක් කරලා තියෙන්නේ මේ වගේ විකාරවලට කාලය නාස්ති කිරීම විතරයි.
හරි වැරුද්ද කෙසේ වෙතත් ඒ අවශ්‍යම දේවල් ටික ඕන නම් එක දවසකින් කියන්න පුළුවන්.ඉතුරු දවස් ටිකේ වෙන කරන්න දෙයක් නැති නිසා ගුරුවරු කණ්ඩායම්වලට බෙදිලා ළමයි වගේ රඟපාන එක තමයි වැඩි හරියක්ම සිද්ධ වෙන්නේ.
මේවායින් තමයි ආණ්ඩුව නවීන ලෝකෙට ගැලපෙන පට්ට දියුණුයි කියන අධ්‍යාපනයක් හදන්න ලෑස්ති වෙන්නේ. මේවා මොන තරම් විහිලුද කියලා පොඩි ළමයෙකුට වුණත් තේරෙනවා.
හැබැයි මේ ගුරු පුහුණුවලට ගිහින් ආපු ඇතැම් ගුරුවරු තමන් මාර වැදගත් වැඩසටහනකට සහභාගි වුණා වගේ උද්දාමයකින් අධ්‍යාපන ප්‍රතිසංස්කරණවල හොඳ ගැන කතා කරනවා.
ඇත්තටම ඔවුන් අධ්‍යාපනය ගැන හෝ ලෝකේ වෙනත් රටවල ක්‍රියාත්මක වන ක්‍රමවේද ගැන කිසිම දෙයක් දන්නේ නෑ.කිසිම දෙයක් සන්සන්දනාත්මකව කියවලා හදාරලා නෑ.ගුරු පුහුණුවට කවුරු හරි ඇවිත් කියලා දීපු පට්ට බොරු ටික පරම ඇත්ත කියලා හිතාගෙන පම්පෝරි ගහනවා.ඒ දේශන තියපු අධ්‍යක්ෂවරු, උපදේශකවරු කරන්නෙත් කවුරු හරි තමන්ට කියපු දෙයක් ආපහු වමාරන එක විතරයි.
ඒ කවුරුත් මේවා ගැන ස්වාධිනව අධ්‍යයනය කරලා නෑ.ඒ බොහෝ දෙනෙකුට ගූගල් එකට ගිහින් ඉංග්‍රීසියෙන් ලිපියක් කියවලා තේරුම් ගන්නවත් බැහැ.ඉතින් එහෙම ගුරුවරු තමයි අද මේ ප්‍රතිසංස්කරණ මාර මැජික් එකක් කියලා හිතාගෙන මේවා ගැන කතා කරන්නේ.ඔවුන්ගේ එකම දැනුම් මූලාශ්‍රය මේ ළාමක ගුරු පුහුණුව විතරයි.
ඒ නිසා අපි ගුරුවරුන්ට කියන්නේ කරුණාකරලා මේ පුහුණු වැඩසටහන්වල කියන සුරංගනා කතා ඒ විදිහටම බාර නොගෙන පුළුවන් විදිහට ඒ කතාවල ඇත්ත නැත්ත හොයලා බලන්න.එහෙම නැති වුණොත් මේ බාල සෙල්ලම්වල අනාගත ප්‍රතිපල ඉතාම භයානක විය හැකියි.පින්ලන්තයක් ගැන සුරංගනා කතා කියමින් ලංකාව හයිටියක් බවට පත් කරන මේ ක්‍රියාවලියට හුරේ දැමීමට පෙර මේ ගැන ගැඹුරින් සලකා බැලීම අප කාගේත් වගකීමක්.
- විශේෂ ලියුම්කරුවෙකු විසින්
(අන්තර්ජාලයෙන් උපුටා ගන්නා ලදී)
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..