15 වසරකට පෙර සිදුවූ මනුෂ්‍යත්වයේ කතාවක්...

Nov 26, 2025 at 08:46 AM

|

Lanka Leader

ළමා ශල්‍ය වෛද්‍ය විශේෂඥ චන්දිම සූරියාරච්චි මැතිතුමා ගේ සටහනක් ඇසුරින්...

ඉංග්‍රීසි සටහන මේ සටහන අවසානයේ තිබෙනවා...

මේ කතාවට අවුරුදු 15ක් විතර වෙනවා. ඒ මෙරට බිහිසුණු ත්‍රස්තවාදය අවසන් කිරීමට අපේ ආරක්ෂක හමුදා සිය දිවි පරදුවට තබමින් අවසාන සටනේ යෙදෙන කාලපරිච්ඡේදය...

එල්ටීටීඊ සංවිධානය විසින් ප්‍රාණ ඇපයට තබා සිටි අහිංසක ද්‍රවිඩ වැසියන් බේරා ගැනීම සඳහා මුල්ලි වයිකාල් වල අපේ හමුදා සටන් කරන දින කිහිපය..

එල්ටීටීඊ සංවිධානය යටතේ සිටි ද්‍රවිඩ වැසියන් තමාගේ ග්‍රහණයෙන් මිදී ආරක්ෂක හමුදා වෙතට පලායාම වැළැක්වීම සඳහා එසේ පලා යන අහිංසක ද්‍රවිඩ වැසියන්ට වෙඩි තැබීමට ප්‍රභාකරන්  නියෝග කර තිබුණා...

නමුත් සිය ජීවිතය බේරා ගැනීමට එල්ටීටීඊ ග්‍රහණයෙන් මිදී කෙසේ හෝ ජනතාව ආරක්ෂක හමුදාව වෙත පලා ආවා. එසේ පලා එන යුවළක් සහ ඔවුන්ගේ දින හතක දරුවෙකුත් ඒ අතර වුණා..

එල්ටීටීඊ සංවිධානයේ කෲර ප්‍රහාරයට ඔවුනුත් ලක් වුණා...

මවගේ මුහුණට වැදුනු වෙඩි පහරවල් වලින් ඇය දරුණු තුවාල ලැබූ අතර දින  හතක කුඩා දරුවාත් එල්ටීටී ප්‍රහාරයෙන් දරුණු තුවාල ලැබුවා...

එම කුඩා දරුවා විගසින් ගුවන් මගින් ලේඩි රිජ්වේ රෝහල වෙත එවීමට ආරක්ෂක අංශ කටයුතු කළා....

එම දරුවා යොමුවුණේ විශේෂඥ වෛද්‍ය චන්දිම සූරිය ආරච්චි මහතා වෙතටයි..

එම දරුවාගේ හිසට සහ උදරය ප්‍රදේශයට දරුණු හානි සිදුවී තිබුණා..

මේ දින හතක් වයසෙති කුඩා බිළිඳකුටයි

දරුවාගෙන් දරුණු ලෙස ලේ වහනය වී තිබුණා..

විශේෂඥ වෛද්‍ය චන්දිම සූරියආරච්චි විසින් ශල්‍යකර්ම කිහිපයකටම මේ කුඩා දරුවා භාජනය කරනු ලැබුවා..

වාසනාවකට මෙන් ඊළඟ මාස තුනේ අදහාගත නොහැකි ආකාරයේ සුවපත් වීමක් කරා දරුවා යොමු වුණා..

විශේෂයෙන්ම ඉතාමත් සුන්දර දරු පැටියාව ඉතා පරීක්ෂාවෙන් බලා ගන්නා ලෙස වෛද්‍යවරයා සිය කාර්ය මණ්ඩලයට උපදෙස් දී තිබුණා..

එම වාට්ටුවේ කාර්ය මණ්ඩලය ඉතාමත් ආදරණීය ලෙස දරු පැටියා රැකබලා ගත් අතර  කනිෂ්ට වෛද්‍යවරියන් ස්වේච්ඡාවෙන් මේ දරු පැටියාට තමන් විසින්ම මව් කිරි දෙමින් රැකබලා ගැනීම ඉතාමත් සංවේදී සිද්ධියක් බව සඳහන් කළ යුතුයි..

මෙම කුඩා දරු පැටියා ලේඩි රිජ්වේ රෝහලට ඇතුළත් කළ සමයේම උතුරේ යුධ බිමෙන් දරුණු එල්ටීටී ප්‍රහාරයකින් තුවාල ලැබූ ද්‍රවිඩකාන්තාවක් කොළඹම රෝහලට ප්‍රතිකාර සඳහා යොමු කර තිබුණා..

 දිගු කලක් කෝමා තත්ත්වයේ සිටි ඇය ප්ලාස්ටික් සැත්කම් වලින් ද අනතුරුව සුවපත් වීමෙන් පසු යුධ සමයේ අතුරුදහන් වූ සිය දරු පැටියා සොයන බවත් එමෙන්ම තවත් ද්‍රවිඩ කාන්තාවන් දෙදෙනකුද එසේම අතුරුදහන් වූ දරුවන් සොයන බවත් දැනගන්නට ලැබුණා...

ඒ නිසා සැබෑ මව සෙවීම සඳහා ඩීඑන්ඒ පරීක්ෂණයක් කිරීමට කටයුතු කරනු ලැබුවා..

එම පරීක්ෂණයෙන් අනතුරුව සැබෑ මව සොයා ගැනීමට හැකි වූ අතර ඇය කලින් සඳහන් කළ කෝමා තත්ත්වයට පත්ව ප්ලාස්ටික්ස් සැත්කමකටද භාජනය වූ කාන්තාවයි...

වසර 15 කට පසු ඒ කුඩාත් දරුවා අද යොවුන් වියට පා තබන දරුවෙක් ලෙස මවත් සමග පැමිණ යේ ඔහුගේ ජීවිතය බේරාදුන් ඒ විශිෂ්ට ජීවකවරයා විශේෂඥ වෛද්‍ය චන්දිම සූරියආරච්චි මහතා හමුවූ මොහොත...

එම දරුවා අද යාපනයේ ප්‍රධාන පෙළේ පිරිමි පාසලක හොඳින් සිය අධ්‍යාපන කටයුතු කරමින් සිටිනවා...

ඒ මානුෂීය ගුණය විදහා දැක්වූ,

 විශේෂඥ ළමා ශල්‍ය වෛද්‍ය විශේෂඥ චන්දිම සූරිය ආරච්චි මහතා ඇතුළු මෙරට සෞඛ්‍ය ක්ෂේත්‍රයේ සහ ආරක්ෂක අංශවල  ශ්‍රී ලාංකිකයන්ට හිස නමා ආචාර කරමි...

එමෙන්ම යුධ සමය ගැන මෙරට ගැන වේදිකාවල බෙරිහන් දෙන,

  වෙනත් රටවල් වලට ගොස්, 

දේශපාලනයට ඡන්ද හිඟා කෑම සඳහා, 

 ශ්‍රී ලාංකික යුද හමුදාව කළ යුධ අපරාධ ගැන හොයන බවට අදටත් කියන,

 තුට්ටු දෙකේ දේශපාලනඥයින්ට මෙයින් ඉගෙන ගත යුතු බොහෝ දේ තිබෙනවා..

එතරම් දරුණු යුද්ධයක් පවතින මොහොතක සිය සෙබලුන් ත්‍රස්තවාදින් හමුවේ මරා වැටෙන මොහොතක මේ කුඩා දරුවා ගුවන් යානයකින් කොළඹ ඒවා ප්‍රතිකාර කිරීමට තරම් අපේ ආරක්ෂක හමුදාව මානුෂීය වූ බව ඒ අමනයන් කිසිදා පවසන්නේ නෑ...

නමුත් මේ කුඩා දරුවාටත් මෑණියන්ටත් තිබෙන කෘතගුණ සැලකීමේ ගුණයට ද අප ගරු කළ යුතුයි...

යාපනයේ සිට කොළඹ විත් සියදිවි බේරාදී මව සොයා දුන් ඒ විශිෂ්ට ජීවකයාට ඔවුන්ගේ ආචාරය පහළොස් වසරකට පසුවත් ඔවුන් පුද කරනවා...

අපේ බොහෝ එවුන්ට නැත්තේ ඒ ගුණයයි...

සමහර ජාත්‍යන්තර මාධ්‍ය සමඟ එක් වී අපේ හමුදාවට කරන අපහාස වලට ප්‍රතිචාර වශයෙන් ශ්‍රී ලංකා ආරක්ෂක අංශ වෙතින් මේ සිද්ධිය අලලා The Last Phase නමින් වාර්තා වැඩසටහනක්  සකස් කර තිබුණා..

වෛද්‍ය සූරියආරච්චි ගේ සටහන පහතින්..

Like to narrate a interesting story regarding a patient whom I have operated visited me after 15 years!🫠

During the last phase of ethnic war in 2009 Sri lankan Army commenced a humanatarian mission to rescue the tamil civilians who got trapped in the war no fire zone in Mulivaikkal, Mullativu district. LTTE with their leader Prabhakaran kept them as hostage and shot at   any one trying to escape through Nanthikadal lagoon to SL Army controlled area!

Young LTTE tamil couple had decided to escape with their newly born baby. Their own LTTE militants mercilessly shot at them injuring both mother and her 7 day old new born baby and separating them.

Mother's was shot at her head and her nose got completely disintegrated with gun shot injuries.

Baby was airlifted and transferred directly to my ward at LRH. Baby had severe head and abdominal injuries. One of the bullets had entered from front and gone through the bladder and exited from behind near the spine and we didn't expect him to survive as baby had bled a lot!

I did several operations on him over the period of next three months and he made a remakable recovery.

My staff took care of him very well and infact one of my junior lady doctors volunteered to breast feed the baby as she had a new born baby her self at that time!

I had to allocate staff to keep and eye on him specially during the patient visiting hours as he was a very cute adorable baby all alone in a single cot without a guardian. Police couldnt trace the parents and was presumed dead.

Six months later we got to know a probable mother recovering following a coma and complex plastic surgery in nearby National hospital who also had been transferred from war zone during the last stages of the war.

We had to get legal advice from the Courts to identify the real biological mother and do "maternity DNA testing"as two other tamil mothers with missing babies also came forward and claimed the baby as their own!

Later on Ministry Of Defence SL did a documentary video " The Last Phase" based on this incidence to counter attack the "alleged war crimes commited by the SL Army"by the western media.

It was a pleasant surprise when mother and son visited me today. He is studying well  in a leading boys school in Jaffna.😊

- ලාල් ද අල්විස්

(අන්තර්ජාලයෙන් උපුටාගන්නා ලදී)