ඒ අවමන රත්න ශ්‍රී ට පමණක් නොවේ..
ප්‍රවීණ කිවිවර රත්න ශ්‍රී විජේසිංහයන්ට අවමන් කළා යැයි කියන ඔක්තෝබර් 31දා මම සිටියේ හොරණ මිල්ලනිය ප්‍රාදේශීය සභාවේ සාහිත්‍ය උළෙලට දේශකයෙකු ලෙස සහභාගී වෙමිනි.එහි පැමිණ සිටි පාර්ලිමේන්තු මන්ත්‍රීනී ඔෂානි උමංගා ද මගේ වැඩසටහන අවසානයේ හොරණ සාහිත්‍ය උළෙට ද යන බව පවසා නික්ම ගියා ය.
එදා ඊට රත්න ශ්‍රී පැමිණෙන බවක් මම දැනසිටියේ නැත.
අද මම රත්න ශ්‍රී විජේසිංහයන්ට කතා කළෙමි.අදාල සිදුවීම ඔහු දන්නේ ද උත්සවයෙන් පසුව බව මා සමග පැවසී ය.
රත්න ශ්‍රී විජේසිංහ මහතාට දැරියක් විසින් ගෙනයන්නට සූදානම් කර තිබූ වතුර වීදුරුවකට අදාල සාහිත්‍ය උත්සවයේ පූරක භූමිකාව සිදුකළ ගත් පුද්ගලයෙකු විසින් කෙළ ගසා තිබේ.ඉන් කම්පනයට පත් දැරිය එය රත්න ශ්‍රී වෙත එය රැගෙන ගොස් නැත.
සිදූවීම එයයි.
අදාල පූරකයා කවර අරමුණකින් මේ අශිෂ්ට ක්‍රියාව සිදු කළේ දැයි සංවිධායකයින් සෙවිය යුතු ය.එය සාහිත්‍ය කරුවන් ලෙස අපි පිළිකුළෙන් බැහැර කරමු.එවැන්නක් සාහිත්‍ය කරුවෙකුට මතුනොව කිසිදු මනුෂ්‍යයෙකුට නොසිදුවිය යුත්තකි.
මෙම සිදුවීම පිළිබඳ කරන සාකච්ඡාවේ දී මතුකළ යුතු තවත් කරුණු රැසක් තිබේ.
මා නිතර එවැනි සාහිත්‍ය දේශන වලට සහභාගී වන්නෙකු නිසා එම අද්දැකීම් මෙහි ලිවිය යුතු යැයි සිතමි.
දැන් බොහෝ ප්‍රාදේශීය සභා වල දේශපාලන බලය ඇත්තේ මාලිමාවේ දේශපාලන අධිකාරිය සතුව ය.තවදුරටත් ඒවායේ කරන සාහිත්‍ය කලා උළෙල පැරණි යල් පිනූ එක නොවිය යුතුය.
ඒවා නව දැක්මකින් නිර්මාණශීලීත්වයකින් පොහොසත් විය යුතු යැයි මම යෝජනා කරමි
සාහිත්‍ය උළෙල නිළධාරීන්ගේ කයිවාරු මඩුවක් නොවිය යුතු ය.සාහිත්‍ය දේශකයා පැමිණ සිටියදී නිළධාරීන් සහ ජනතා නියෝජිතයින් තමන් ද සාහිත්‍ය ගැන දන්නා බව පෙන්වන සන්දර්ශන නොවිය යුතු ය.
පාසල් දරුවන් රැගෙන විත් පැය ගණන් උන්ට සාහිත්‍ය එපා කරවනු මම දැක තිබේ.ඇතැම් විට අප සාහිත්‍ය දේශනය පටන් ගන්නා වෙලාව වනවිට ඒ දරුවන් වෙහෙසට පත්ව අවසන් ය.
උන්ට සාහිත්‍ය දේශකයා වදයක් වේ.
දරුවන්ගේ මනස නොතේරෙන නිළධාරීන්ගේ කෙරුවාව එහෙමය.
පොල්තෙල් පහන දල්වන්නට පළමුව ඇරයුම් කරන්නේ ආරාධිත සාහිත්‍යකරුවාට නොවේ.දේශපාලකයන්ගේත් නිළධාරීන්ගේත් දීර්ඝ නාමාවලිය කෙළවර ආරාධිත දේශකයාගේ ද නම කියති.
අගට දරුවන් දෙදෙනෙකුටද ඇරයුම් කරති.
සැබෑ ලෙසම පළමුව ඇරයුම් කළ යුත්තේ ඒ දරුවන්ට ය.අප පළමුව පිළිගත යුත්තේත් අවස්ථාව දිය යුත්තේත් දරුවන්ටය.
මන්ද ඒවායේ අයිතිය දරුවන්ට මිස නිළධාරීන්ට නොවේ.
අපට දරුවන් විශේෂ බව අප උන්ට පෙන්විය යුතු ය.
මම මේ අදහස බොහෝ සාහිත්‍ය උත්සව වලදී සංවිධායකයන්ට පවසා තිබේ.
බෙර ගසා පිළිගත යුත්තේ නිළධාරීන් හෝ දේශපාලකයන් නොව ඒ සාහිත්‍ය උළෙල අයිති දරුවන් ය.අප අලුත් විය යුත්තේ එහෙම ය.
ඇතැම් සාහිත්‍ය උළෙලවල පූරකයා දේශකයා වන අයුරු අප දැක තිබේ.තමන් දේශකයාට වඩා සාහිත්‍ය දන්නා බව පෙන්වීමේ හීනමානයක් ඔහුට ඇත.
ඒ හේතුවෙන් කාලය විශාල ලෙස අපතේ යයි.
එදා රත්න ශ්‍රී සහභාගී වූ වැඩසටහනේ ද පූරකයා අති විශාල කාලයක් කා දැමූ බව ඔහු මා සමග පැවසී ය.
මේ පැරණි සාහිත්‍ය උළෙල මාදිලියෙන් අප අලුත් විය යුතුය.
දේශපාලන වෙනස විසින් ඉල්ලා සිටින නිර්මාණශීලිත්වය සංස්කෘතික වැඩ බිමට පැමිණිය යුතුය.
එසේ නොමැතිව වාර්ෂිකව ලැබෙන මුදලකින් කළ යුතු නිසා කරන යල්පිනූ සාහිත්‍ය උළෙල වලින් පලක නැත.ප්‍රාදේශීය සභාවල සිටින මාලිමාවේ සහෝදරවරු මේ නව වෙනසට මුළ පිරිය යුතු බව මෙහි ලියා තබමි.
- රවී සිරිවර්ධන
(උපුටා ගැනීමකි)
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..