මාලිමා අස්වැසුම ඇමතිගේ ‘යාචක මානසිකත්වය’ ඇත්තක්ද?
ලංකාවේ පවුල් සංඛ්‍යාව ලක්ෂ 52ක් වෙද්දී, එයින් 43ක්ම අස්වැසුම ඉල්ලා ඇති බව ග්‍රාමීය සංවර්ධන, සමාජ ආරක්ෂණ සහ ප්‍රජා සවිබලගැන්වීම් අමාත්‍ය උපාලි පන්නිලගේ පවසයි. මෙය නිවැරදි සංඛ්‍යාලේඛනයක් විය නොහැකිය.
පවුල් සංඛ්‍යාව ලක්ෂ 52ක් වන්නේ 2012 ජන සංගණනය අනුවය. එම සංගණනය අවධියේ සංගණන හා නිවාස ඒකක සංඛ්‍යාවට වඩා 2024 සංගණනයේ එම සංඛ්‍යාවන් වැඩිය. එබැවින් පවුල් සංඛ්‍යාව අනිවාර්යයෙන්ම ලක්ෂ 60කට ආසන්න විය හැකිය. ජන හා සංඛ්‍යාලේඛන දෙපාර්තමේන්තුව තවමත් මෙම දත්ත නිකුත් කර නැත.
අස්වැසුම සමාජ සුබසාධන වැඩසටහන සඳහා මුලින්ම අයදුම්පත් කැඳවනු ලැබුවේ දැඩි ආර්ථික අර්බුදයක් පැවති 2022 වර්ෂයේදීය. ඇත්තෙන්ම, මෙම සමාජ සුබසාධන වැඩසටහන කඩිනමින් ක්‍රියාත්මක කරනු ලැබුවේ ද අපේක්ෂා කළ දැඩි දිළිඳුකම නිසාය. ආර්ථික අර්බුදයෙන් අවදානමට පත් සියලු දෙනා අයදුම් කරන ලෙස දිරිගන්වන ලද අතර පවුල් ලක්ෂ 37කට වඩා ඒ අනුව අයදුම් කළ බව වාර්තා විය. ඒ එවකට පැවති අවදානම නිසාය.
එහෙත්, ඇත්ත වශයෙන්ම අස්වැසුම සඳහා යෝග්‍ය වූයේ පවුල් ලක්ෂ 19ක් පමණි. ඒ සියල්ලන්ටම අස්වැසුම ලැබුණේ නැත. ඇත්තටම ලැබුණු සංඛ්‍යාව ඊට වඩා බෙහෙවින් අඩුය. සත්‍යය එයයි. මේවා අස්වැසුම දෙන සුබසාධන ප්‍රතිලාභ මණ්ඩලයේ වෙබ් අඩවියේ තිබෙන දත්තය.
2024 මුලදී අස්වැසුම දෙවන වටය සඳහා නැවත අයදුම්පත් කැඳවන ලදී. නොලැබුණු බොහෝ අය නැවත අයදුම් කළහ. ඒ අය කලින් ද අයදුම් කර සිටි අයයි.
ඇමතිවරයා මේ සංඛ්‍යාලේඛනය හදාගෙන තිබෙන්නේ අර ලක්ෂ 37ට දෙවන වර අයදුම් කළ සංඛ්‍යාව එකතු කරගෙනය. අස්වැසුම ගැන ජාතික ජන බලවේග ආණ්ඩුවේ දැක්ම පමණක් නොව, එය පදනම් වන සාක්ෂිමය පදනම ද අවුල් සහගත බව මෙයින් ඉතා පැහැදිලිය.
රටකට සමාජ සුබසාධන ක්‍රම අවශ්‍යය. මූල්‍ය ආධාර සැපයීමට අමතරව, සමාජ ආරක්ෂණ ක්‍රම මගින් රටකට ආර්ථික හා සමාජීය ප්‍රතිලාභ ලැබේ.
ආදායම් අසමානතාවය අඩු කිරීම: මෙම ක්‍රම මගින් ධනවතුන්ගෙන් බදු ගෙන, දුප්පතුන්ට සහ අවදානම් සහිත කණ්ඩායම් වලට ප්‍රතිලාභ ලබා දීමෙන් ආදායම් පරතරය අඩු කරයි.
සමාජ ස්ථාවරත්වය: මූලික අවශ්‍යතා සපුරා ගන්නා විට, මිනිසුන් අතර ඇතිවන අසහනය සහ ගැටුම් අඩු වේ. එයින් සමාජයේ සාමය සහ සුරක්ෂිතභාවය වැඩි දියුණු වේ.
නිෂ්පාදන හැකියාව ආරක්ෂා කිරීම: රෝගී වූ විට හෝ රැකියා අහිමි වූ විට සහය ලැබීම නිසා, පුද්ගලයන්ට නැවත ඉක්මනින් වැඩට පැමිණීමට සහ රටේ ආර්ථිකයට දායක වීමට ඇති හැකියාව ආරක්ෂා වේ.
ආර්ථික වර්ධනය: සමාජ ආරක්ෂණය මගින් මිනිසුන්ගේ මිලදී ගැනීමේ බලය (Purchasing Power) වැඩි කරන අතර, එය වෙළඳපොළට මුදල් ගලා ඒම හරහා සමස්ත ආර්ථික ක්‍රියාකාරිත්වය උත්තේජනය කරයි.
සරලව කිවහොත්, මේවා ආර්ථික කම්පනවලට එරෙහිව රටේ පුරවැසියන් රක්ෂණය කරන බලසතුකරණ පද්ධති (Empowering Systems) වේ.
ජාතික ජන බලවේගය දැන් ජනතාව යාචක මානසිකත්වයක සිටින බවට අවමන් කළත්, රජයෙන් ඉල්ලාගෙන කෑමට පොළඹවන මෙම යාචක මානසිකත්වය නිර්මාණය කිරීම සඳහා ඔවුන් දක්වන ලද දායකත්වය සුළුපටු නොවේ. එතරම් දුරට නොගොස් 2024 අවුරුද්ද අග හරිය බැලුවත්, ජනාධිපති අනුර කුමාර නත්තලට තෑගි වශයෙන් අස්වැසුම වැඩි කර ඇති බව ඔහුගේ මාධ්‍ය අධ්‍යක්ෂ ජනරාල් මන්ත්‍රී නජිත් ඉන්දික සමාජ මාධ්‍ය සටහනක් තබා තිබුණ අන්දම අපට මතකය. ඡන්ද ලබාගැනීම වෙනුවෙන් රජයෙන් දෙන සහනාධාර මත යැපීම දිළින්දන් අතර පැතිරවීමට ඔවුන් පවා දායක වී තිබේ.
ලෝක බැංකුවේ 2025 වාර්තාවල දැක්වෙන්නේ ශ්‍රී ලංකාවේ ආර්ථිකය යථා තත්ත්වයට පත්වෙමින් තිබුණත්, දරිද්‍රතාවය තවමත් 2019ට සාපේක්ෂව දෙගුණයකට වඩා වැඩි බවයි. රටේ ජනගහනයෙන් හතරෙන් පංගුවක් පමණ දිළින්දෝය. ඔවුන්ට රජය උදව් කිරීම වරදක් නොවේ.
එහෙත්, දිළින්දන්ගේ යාචක මානසිකත්වය ගැන කතා කළාට රජයෙන් යැපෙන දේශපාලකයන් හා රාජ්‍ය සේවකයන්, නිලධාරීන් හා කොන්ත්‍රාත්කරුවන් ආදීහු ඊට අන්තය. රජය දිළින්දන්ට බෙදන්නේ කුඩා හැන්දකිනි. ඉහත කී අයට බෙදන හැන්ද ගොඩක් ලොකුය.
පහත දැක්වෙන්නේ අස්වැසුම පිළිබඳ ගැඹුරින් කළ අධ්‍යයනයක් පාදක කරගෙන අපි ඉදිරිපත් කරපු වාර්තාවේ ලින්කුව, https://www.right2lifelanka.org/aswesumarelief-or-deception
- අජිත් පැරකුම් ජයසිංහ
(අන්තර්ජාලයෙන් උපුටා ගන්නා ලදී)
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..