විදර්ශනට තුන අහිමිවීම..
විදර්ශන ඉනිමංකඩ මහතා පොත් ප්‍රදර්ශන භූමියෙන් පන්නා ඇතැයි ගෙන යන කතාවල සත්‍යතාවක් නැහැ. ඔහු සහ ඔහුගේ මිත්‍ර සන්ථවයේ ඇතැම් හැඟවුම් සමාජය නොමග යවන සුළුයි. සංගමය පවසා ඇත්තේ ජනකට සුපුරුදු B- Hall එකෙන් කුටි 02 ක් පමණක් ලබාදිය හැකි බවයි. ඔහු කුටි දෙකකින් සෑහීමකට පත්නොවී 03 ක් ම ඉල්ලා හෙට්ටු කර, කුටි තුනක් ලබා නොදෙන්නේ නම් තම ආයතනය මෙවර පොත් ප්‍රදර්ශනයට සහභාගි නොවෙන බව සංගමයට දන්වා තිබෙයි. සංගමය විසින් ඔහුව ප්‍රදර්ශනයෙන් පලවා හරිනු ලැබුවා නොව කුටි තුනක් ඉල්ලා නොලැබුණු පසුව එයට මුසුප්පු වීමේ ප්‍රතිඵලයක් ලෙස තමන්ම ප්‍රදර්ශනයට සහභාගී නොවීමේ ස්වයං වාරණයක් පනවා ගැනීමකි.
ඇත්ත වශයෙන්ම ඔහුගේ පොත් අලෙවිකර ගැනීමට කුටි 02ක් ප්‍රමාණවත් බව අපගේද හැගීමයි. ඔහු පළ කරන්නේ ක්ෂේත්‍ර කිහිපයකට පමණක් සීමා වූ තෝරාගත් කෘති කිහිපයක් පමණි. ඒ අතර නවකතා,කෙටිකතා කවි පොත් කිහිපයක් හා පරිවර්තන ප්‍රමුඛ වෙයි. ආගම, අධ්‍යාපනය, ළමා සාහිත්‍ය, ජනශ්‍රැති, විද්‍යා ප්‍රබන්ධ, ශාස්ත්‍රීය කෘති, චරිත කතා ආදී පැතිරුණු පරාසයකට විහිදුන විවිධ විෂයික කෘති ඔහු පළ කරන්නේ නැත. සිමා සහිත කෘති ප්‍රමාණයක් පළ කරන ප්‍රකාශකයකු ලෙස ඒවා අලෙවි කිරීමට කුටි දෙකක් ප්‍රමාණවත් නොවන්නේ ඇයි?. කුටි තුනක ඉඩ ඔහුට අවශ්‍ය වන්නේ වෙන වෙන වන්නම් නැටීමටය. ලේඛක සුහද හමු, කොෆි චැට්, ගිටාර් ගැසීම්, කටවුට් ගැසීම් වැනි සරඹ පෙන්වීමටත් එක්ක ඔහුට කුටි තුනක ඉඩ අවශ්‍ය වේ. මෙම ලියුම්කරු ඒ කිසිවක් නොකළ යුතු ඇකැප වැඩ ලෙස සිතන්නේ නැත. නමුත් එළියේ වැස්සට තෙමෙමින් අව්වට කරවෙමින් සිටින ප්‍රකාශකයින් පිරිසක්ද සිටියි. ඒ සියල්ලක්ම පාහේ A,B හෝල් දෙකෙන් කුටි ලබා ගැනීමට විශාල ඉල්ලීම් කරතත් ඒ සියලු දෙනාගේ ඉල්ලීම් එකවර ඉටු කිරීමට ද සංගමයට හැකියාව නැත. වැස්සට ඇතැම් කුටි ජලයෙන් යටවෙන අතර ඇතැම් කුටි වගුරු බිමක සේයාව ගනී. ඇතැම් ප්‍රකාශකයින් එවැනි දුක්ඛ සෙයියාවෙන් පොත් අලෙවි කරද්දී සරඹ සන්දර්ශනවලටත් එක්ක "කුටි තුනක් නොදෙන්නේ නම් සහභාගී නොවෙමි” යන උද්දච්ඡ ප්‍රකාශය තුළ ඇත්තේ මාන්නය සහ ආත්මාර්ථකාමී හැගීම මිස වෙන කුමක් ද ? තමන්ට කුටි තුනක් ලැබිය යුතු බවට ඉදිරිපත් කරන ප්‍රධාන තර්කය වන්නේ වාර්ෂිකව අති විශාල පාඨක පිරිසක් විදර්ශන කුටියට එන බවයි. ඇත්ත වශයෙන්ම ඔහුගේ කුටියට පමණක් නොව ප්‍රදර්ශන භූමියේ සෑම කුටියකම තත්ත්වය එසේය. සෑම ස්ටෝල්(Stall) එකකම අතුරු සිදුරු නැතිව සෙනග ගැවසීම දක්නට ලැබීම එහි යන කාගේත් අත්දැකීමයි.
නමුත් විදර්ශනට හැර සෙසු ඇතැම් ප්‍රකාශකයින්ට කුටි තුන හෝ හතර ලබාදී තිබෙන පදනම කුමක්ද යන්නත් සංගමයේ ඇතැම් පිරිස්ගෙන් විමසූවිට පැවසුවේ ප්‍රකාශන ඉන්ඩස්ට්‍රියට ලැබෙන දායකත්වය අනුව වැඩි ඉඩක් ලබාදෙන බවයි. විදර්ශන ප්‍රකාශක මුහුණු පොතේ ලොකුවට කයිය ගැහුවට ඔහු ළග EPF,| ETFගෙවන එකදු සේවකයෙක් හෝ නොමැති බවත්, රැකියා අවස්ථා ඇති කරමින් පාරිතෝෂික අරමුදලට දායක නොවෙන බවත්, අඩුම Vat සඳහා වන පරිසාදිත මට්ටම වසරකට මිලියන 05 ක අලෙවියක්වත් නැති මුහුණු පොතේ පම්පෝරි ගසන්නෙක්ට වඩා ආයතනයක සමාජ වගකීම මැනවින් තේරුම් ගෙන රැකියා අවස්ථා ඇති කරමින්, බදු ගෙවමින්, පාරිතෝෂික අරමුදලට දායක වෙමින් සිටින සරසවි, සුරස, ගොඩගේ, ගුණසේන, දයාවංශ, සූරිය, සමයවර්ධන වැනි ප්‍රකාශන ආයතනවලට වැඩි ඉඩක් ලබාදීම යුක්තිසහගත බවයි.🙂
©|රත්තනදෙණියේ මේධානන්ද හිමි|.2025.09.25.
(මුහුණුපොතෙන් උපුටාගන්නා ලදී)
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..