අපි කොතැන ද?
ඇමෙරිකාවේ ආර්ථිකය සුපිරියට ම නැගලා යනවා නම් ඩොනල්ඩ් ට්‍රම්ප් ජනාධිපතිවරයා ආරක්‍ෂණවාදී තීරු බදු පනවන්නේ නෑ. මේ වෙද්දි ඇමෙරිකාව ප්‍රමුඛ අධිරාජ්‍යවාදී රටවල්වල ආර්ථිකය නොන්ඩි ගහනවා. ඉතින් ඇමෙරිකාවේ දේශීය කර්මාන්ත නගා සිටුවීම අරමුණු කරගෙන තීරු බදු යුද්ධයක් මෙහෙයවන්න ට්‍රම්ප් ජනාධිපතිවරයා යොමුවෙලා. මෙහෙම ආරක්‍ෂණවාදී ප්‍රතිපත්තියකින් ඇමෙරිකාවේ රැකියා රැකගන්න, ආර්ථික වර්ධනයට දිරිදෙන්න, ආරම්භක මට්ටමේ පවතින කර්මාන්තවලට සපෝට් එකක් දෙන්න පුළුවන් කියලා ඔහු හිතනවා. කොහොම හරි, ට්‍රම්ප් ජනාධිපතිවරයා මේ නැටුම නටන්නේ ඇමෙරිකාවේ ආර්ථිකය නොන්ඩි ගහන හින්දා කියන එක හංගන්න පුළුවන් කාරණයක් නෙවෙයි.
මේ වෙද්දි බටහිර යුරෝපයේ තත්ත්වය ගැන අමුතුවෙන් විස්තර කරන්න ඕන නෑ. 2023, 2024 අවුරුදු දෙකේ දී ම ජර්මනියේ ආර්ථිකය හැකිළුණා. 2023 දී, ජර්මනියේ උද්ධමනය සීයට 6 ඉක්මවලා ගියා. 2024 අවුරුද්දේ ඒ රටේ විරැකියාව සීයට 3.4 ක් තරම් ඉහළ අගයක් ගත්තා. මුළු යුරෝපය ම දේශපාලනිකවත් අනාථවෙලා. පහුගිය දවසක ට්‍රම්ප් ජනාධිපතිවරයා මුණගැහෙන්න ගිය යුරෝපයේ නායකයෝ පුටු පේළියක වාඩිවෙලා දොස්තර කතා කරන කල් වගේ හිටිය හැටි අපි හැමෝම වගේ දැක්කා. තමන්ගේ රටවල් නැගලා යනවා නම් නායකයෝ ඒ තරම් අසරණවෙන්නේ නෑ.
අධිරාජ්‍යවාදය නඩත්තුවෙන්නේ ප්‍රාග්ධන වෙළෙඳාමෙන්. 1980 න් පස්සේ කර්මාන්ත අංශයේ නිෂ්පාදනය මුළුමනින් ම වගේ “පරිධියේ” රටවල්වලට තල්ල කරපු හින්දා අධිරාජ්‍යවාදී රටවල් ප්‍රාග්ධන බිස්නස් එක තමන්ගේ ප්‍රධාන ම කර්මාන්තය බවට පත් කරගත්තා. ඉතින් මේ ප්‍රාග්ධන බිස්නස් එක නැතුව අධිරාජ්‍යවාදී රටවල්වලට පණ ගැට ගහගන්න බෑ. තමන්ගේ නිෂ්පාදන කර්මාන්ත නැතිවෙලා ගියාට පස්සේ සෘජු විදේශ ආයෝජන (FDI) බිස්නස් එක දිගට ම කරගෙන යන්න අධිරාජ්‍යවාදී රටවල් කැමැති නෑ. ඒ වෙනුවට, උන් කැමැති BlackRockලා වගේ ගිනි පොලීකාරයෝ ඉස්සරහට දාලා ණය දෙන්න. අපේ මේ සිරිලංකාව වගේ රටවල්වලට “ජාත්‍යන්තර ස්වෛරීත්ව බැඳුම්කර” (ISB) කියලා විකුණන්නේ ඒ කළු කඩේ ප්‍රාග්ධනය තමයි.
චීනය ඇතුළු රටවල් නිෂ්පාදනයෙන් කප් ගහද්දි ඒ රටවල්වල විදේශ සංචිතත් කඳු ගැහෙන්න පටන්ගත්තා. මේ වෙද්දි වැඩියෙන් ම විදේශ සංචිත හිමි කරගත්ත රට බවට චීනය පත්වෙලා ඉවරයි. විදේශ සංචිත හිමිකම් ලැයිස්තුවේ ඇමෙරිකාවට ලැබිලා තියෙන්නේ 15 වැනි තැන. අපේ සිරිලංකාවටත් වඩා පුංචි තායිවාන දූපත ඒ ලැයිස්තුවේ 6 වැනියා බවට පත්වෙලා. හොං-කොං ප්‍රදේශයට 8 වැනි තැන ලැබිලා. සිංගප්පූරුවට 11 වැනි තැන ලැබිලා. තායිලන්තය 15 වැනි තැනට ඇවිල්ලා ඇමෙරිකාව 16 වැනි තැනට තල්ලු කරලා දාන්න වැඩි දවසක් ගතවෙන එකකුත් නෑ.
ලෝකය පුදුමාකාර විදිහට වෙනස්වෙමින් තියෙනවා. අධිරාජ්‍යවාදී කඳවුර බිඳ වැටෙමින් තියෙනවා. ඒත් අපි ඒ ගැන හිතන්නේ නෑ. නොබැඳි විදේශ පිළිවෙතක් අනුගමනය කරමින් ලෝකයට ම ආදර්ශයක් වෙච්ච අපි දැන් කඩාගෙන වැටෙන අධිරාජ්‍යවාදී කඳවුරට හේත්තුවෙලා ආරක්‍ෂාවෙන්න හදනවා. අනුර දිිසානායක ජනාධිපතිවරයා සහ මාලිමා ආණ්ඩුව BRICS ගැන කතා කරන්නෙවත් නෑ. මේ දකුණු ආසියානු කලාපයේ ඉන්දියාව ඇතුළු හැම රටක් ම වගේ ෂං-හයි සහයෝගිතා සංවිධානයේ රාජ්‍ය නායක රැස්වීමට යද්දි ඇමෙරිකාවේ අනුග්‍රහයෙන් අරගල කරලා ආණ්ඩු පෙරලපු අපේ සිරිලංකාවත් බංග්ලාදේශයත් එහෙම එකක් නෑ වගේ ඉන්නවා.
මේ උදාවෙලා තියෙන්නේ ආසියාවේ සියවස. ඒත් ඒ ගැන වගේ වගක් අනුර දිසානායක ජනාධිපතිවරයාටත් මාලිමා ආණ්ඩුවටත් නෑ. ඒ විතරක් නෙවෙයි. තමන් නොදන්න සභ්‍යත්වයක්, සංස්කෘතියක් ගැන කියවා කියවා රඟන නළු බට්ටෝ මේ ගැන කියන්නෙත් නෑ. මුළු රට ම අඳුරට තල්ලු කරලා තමන්ගේ බඩ වඩාගන්න තමයි මේ හැම එකෙක් ම දඟලන්නේ.
- ආචාර්ය වරුණ චන්ද්‍රකීර්ති
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..