රටේ දේශපාලන බලවේග හෝ කණ්ඩායම් එකට හිටගෙන එකම දිශානතියකින් වැඩ කරපු අවස්ථාවන්...

Aug 27, 2025 at 09:06 AM

|

Lanka Leader

හැමතැනම පෝස්ට්ස් දැක්කා මේ අවස්ථාවෙ එකට එකතු වුනාට කවදාවත් දේශපාලන බලවේග එකම අරමුණක් වෙනුවෙන් එකතුවෙලා නෑ කියලා.

පහල තියෙන්නෙ රටේ දේශපාලන බලවේග හෝ කණ්ඩායම, එකට එකතු වෙලා හෝ එකට හිටගෙන හෝ එකම දිශානතියකින් වැඩ කරපු අවස්ථාවන්...

1. වර්ෂ 1987 දී ඉන්දීය සාම සාධක හමුදාව (IPKF) පළවා හැරීමට ජනතා විමුක්ති පෙරමුණේ සන්නද්ධ අංශය, දෙමළ කොටි සංවිධානය කෙලින්ම ඉන්දීය හමුදාවට ප්‍රහාර එල්ල කරමින් ද, නිළ නොවන වශයෙන් ත්‍රස්තවාදීන්ට අවි සපයමින් එක්සත් ජාතික පක්ෂ රජය ද ක්‍රියාකල බව පැවසේ.

2. රනිල් වික්‍රමසිංහ සහ එරික් සෝල්හයිම් ගේ 2002 ඊනියා සාම ගිවිසුම හරහා රට දෙකඩ කිරීම වැලැක්වීමට පොදුජන එක්සත් පෙරමුණ සහ ජනතා විමුක්ති පෙරමුණ එක්වී රනිල් වික්‍රමසිංහ රජය පරාජයට පත් කලහ.

3. වර්ෂ 2004 සුනාමියේදී සියලු දේශපාලන පක්ෂ ඉතිහාසයේ ප්‍රථම වරට එකට එක්ව ක්‍රියාකල අතර දෙමළ කොටි සංවිධානය විසින් ද ඒක පාර්ශ්වික සටන් විරාමයක් ප්‍රකාශ කරන ලදී. එවකට ජනතා විමුක්ති පෙරමුණ හා සම්බන්ධව ක්‍රියාකල කරාපිටිය වෛද්‍ය පීඨ ශිෂ්‍ය සංගමය හා (මම කරාපිටියේ ශිෂ්‍යයෙකු නොවූවද) කොළඹ සිට ගොස් වෛද්‍ය ශිෂ්‍යයෙකූ ලෙස මම ද එක් වී සහන කටයුතු වලට සක්‍රීය ලෙස දායක වූයෙමි.

4. වර්ෂ 2008 දී දෙමළ කොටි ත්‍රස්තවාදීන් පරාජය කරන සටන නවතන්නට පවා හේතු විය හැකි ලෙස මහින්ද රාජපක්ෂ රජය පෙරලන්න්ට ජනතා විමුක්ති පෙරමුණ සහ එක්සත් ජාතික පක්ෂය එක් විය. නමුත් එම පක්ෂ දෙකේම සමහර මන්ත්‍රීවරු ඊට එරෙහිව මහින්ද රාජපක්ෂගේ දෑත ශක්තිමත් කිරීමට ඔහු හා එක්වූයෙන් ත්‍රස්තවාදය පරාජය කිරීමට හැකිවිය. මගේ මතකය අනුව ජනතා විමුක්ති පෙරමුණේ රිදී සීනුව ලෙස එවකට ඔවුන් සැලකූ විමල් වීරවංශගේ සහ එක්සත් ජාතික පක්ෂ නියෝජ්‍ය නායක කරූ ජයසූරිය ගේ වෙන්වීම් සිදූවීයේ මේ වකවානුවේ දිය. වර්ෂ 2008 ජනවාරි මම ද නාවික හමුදා නිළධාරියෙකු ලෙස සිව්වන සහ විජයග්‍රාහී සිව්වන ඊළාම් යුද්දයට දායක වීමේ ගෞරවනීය අවස්ථාව ලබා ගතිමි.

5. වර්ෂ 2015 දී මහින්ද රාජපක්ෂගේ රජය පෙරලීමට ජනතා විමුක්ති පෙරමුණ වක්‍රාකාරයෙන් එක්සත් ජාතික පක්ෂය හා එක්විය.

6. වර්ෂ 2018 දී රනිල් වික්‍රමසිංහ අග්‍රාමාත්‍ය තනතුරෙන් ඉවත් කර මහින්ද රාජපක්ෂ අග්‍රාමාත්‍ය තනතුරට පත්කළ අවස්ථාවේ ජනතා විමුක්ති පෙරමුණ සක්‍රීය ලෙස එකසත් ජාතික පක්ෂය හා එක්ව කටයුතු කළේය.

7. වර්ෂ 2021 දී කොරෝනා වසංගතය ආරම්භවූ විට රට වසා දමන්නට රජයට බල කරමින් ආර්ථික අර්බුධ ඇතිකිරීමට ජනතා විමුක්ති පෙරමුණ සහ එක්සත් ජාතික පක්ෂය, සමගි ජන බලවේගය එකට එක්විය. මේ දීර්ඝකාලීන රට වසා තැබීම රටේ ආර්ථිකයට මරු පහරක් වූ අතර ඒ සඳහා රැකියාවට නොයා ගෙදර නිදාගෙන වැටුප් ලබා ගැනීමට රහ වැටී උන් රාජ්‍ය සේවකයෝ ද මේ දේශපාලන පක්ෂ හා එක් වූහ. මේ සමයේ මම ජාතික රෝහලේ සේවය කරමින් කොරෝනා රෝග පාලනයට සක්‍රීයව දායක වුනෙමි.

8. වර්ෂ 2022 දී ගෝඨාභය රාජපක්ෂ ගේ රජය පෙරලීම සඳහා කල කුමන්ත්‍රණයේදී එය ආරම්භ කල අවස්ථාවේ එය හෙලා දකිමින් එයට එරෙහිව කටයුතු කල ජනතා විමුක්ති පෙරමුණ, පසුව කුමන්ත්‍රණය සාර්ථක වන බව වටහා ගැනීමෙන් පසු, ජාතික හරිත පෙරමුණ, පෙරටුගාමී සමාජවාදී පක්ෂය, එක්සත් ජාතික පක්ෂය හා සමගි ජන බලවේගය හා එක්ව ඊට සහභාගී වී කුමන්ත්‍රණය සාර්ථක වූ පසු එය තමන්ගේ වික්‍රමයක් ලෙස විදහා පාමින් අනෙකුත් පක්ෂ සූක්ෂමව පසෙකට කරන ලදී.

වෛද්‍ය කෝසල තෙන්නකෝන්

උපුටාගැනීම අවසන්...

පහළ වීඩියෝවේ යටත් විජිත මහතා උසේන් බෝල්ට් මෙන් දිව යන්නේ පාර්ලිමේන්තුවේ පැවති අවුරුදු උත්සවයක ධාවන තරඟයකට නොව රනිල් වික්‍රමසිංහගේ අගමැතිකම ආරක්ෂා කර දීම උදෙසායි. රනිල් වෙනුවෙන් ලේ පවා හැලූ අයෙක් ලෙස ඒ මහතා ඉතිහාසගත වී ඇත.

#සුහාරා

(අන්තර්ජාලයෙන් උපුටා ගැනීමකි)