2035 චීන මෝටර් රථ සුනාමිය..

Jul 26, 2025 at 07:55 AM

|

Lanka Leader

ඕස්ට්‍රේලියාවට ආනයනය කරන මෝටර් රථවලින් අඩක් පමණ දශකයක් ඇතුළත චීනයෙන් පැමිණෙනු ඇතැයි නව වාර්තාවකින් හෙළි වී තිබේ . ජපානය දැනට  ඔස්ට්‍රේලියාවෙ  මෝටර් රථ ආනයනයෙන් සියයට 32 ක ප්‍රමුඛස්ථානය ගන්නා අතර චීනය සතුව ඇත්තේ සියයට 17 ක් පමණි .

නමුත් 2035 වන විට ආසියානු සුපිරි බලවතා වන චීනය සියළුම ආනයන වලින් සියයට 43 ක් සමඟ වෙළඳපොළ ආධිපත්‍යය දරනු ඇතැයි විශ්වාස කරයි.

ජපන් මෝටර් රථයට සමාන ඔප්ෂන්  සහිත චීන වාහනයක් ,ජපන් රථයකට වඩා  ඩොලර් 15,000 ක් පමණ මිල අඩු වේ.

චීනයේ නිෂ්පාදිත මෝටර් රථවල මෙම දැවැන්ත ප්‍රවාහය සමඟ තරඟ කිරීම සඳහා සමහර නිෂ්පාදකයින්ට ඔවුන්ගේ මිල අඩු කිරීමට සිදුවිය හැකි බවත්, එය පාරිභෝගිකයින්ට විශාල ජයග්‍රහණයක් වනු ඇත.

මේ මොහොතේ, ඕස්ට්‍රේලියාවේ මෝටර් රථ ගැනුම්කරුවෙකුට චීනයේ නිෂ්පාදිත විවිධ වෙළඳ නාම 23 කින් මෝටර් රථ  තෝරා ගත හැකි අතර, BYD වඩාත් ජනප්‍රිය වෙමින් පවතී.

 චීනයේ තවමත් ඕස්ට්‍රේලියාවට ඇතුළු වී නොමැති වෙළඳ නාම 100ක් පමණ ඇති බව වාර්තා වේ.

චීනයේ සිට ඕස්ට්‍රේලියාවට පැමිණෙන මෝටර් රථ තවමත් සියලුම දේශීය පරීක්ෂණ සහ ප්‍රමිතීන් වලින් සමත් විය යුතු අතර, ඒවා ඉතා ලාභ සිට ඉතා මිල අධික මිල ගණන් පරාසය තුළ අලෙවි කෙරේ.

ඔස්ට්‍රේලියාවෙ හෝ වෙනත් රටක හෝ තෝරා ගැනීමට චීන මෝටර් රථ විශාල ප්‍රමාණයක් ඇති  නමුත් අප  මිලදී ගන්නේ කුමන මෝටර් රථයද යන්න ගැන සැලකිලිමත් විය යුතුය .මන්ද අතීතයේ සිදුවූ ආකාරයට  සමහර සන්නාම වසර පහක් හෝ 10 කින්   අතුරුදන් විය හැකිය. එවිට ඔබේ මෝටර් රථය සේවා කිරීමට ඔබට ස්ථානයක් නොලැබෙනු ඇත. රිකෝල් නෝටිස් නොලැබීම ,අමතර කොටස් නොමැතිවීම වැනි දේ සිදුවිය හැකිය.නමුත් ජපන් ,කොරියන් සන්නාම කෙටි කාලයක් තුල වාහන නිශ්පාදනය හෝ සේවා සැපයීම නතර කර නොමැත.

චීන වාහන සහ විදුලි වාහන අතිශෝක්තියෙන් ප්‍රචාරණය කරන සමහරු ,අනාගතයේ වාහනයක් යනු  අවුරුදු පහක් පාවිච්චි කර විසිකරන දෙයක් ලෙස පෙන්වා ඇත.මෙය අනාගතයේ නොව දැනට වසර ගානක සිට දියුණු රට වල සිදුවෙමින් පවතී.එය චීන,ජපන්,යුරෝපීය,විදුලි ,ICE ඕනම වාහනයකට පොදුය.සමහරු බ්‍රෑන්ඩ් නිව් වාහනය කි.මි 50,000 ට පෙර මාරු කරති.තව සමහරු කි.මි 20000 පාවිච්චි කර ඩීලර්ට විකුණා එම වර්ගයේම නව මොඩලයක් මිලදී ගනිති.ඔය අතර එකම වාහනය අවුරුදු ගානක් පැද අවසානයේ යකඩ වලට විකුණා දමයි.

වාහන හීන නොවන රටක වාහනයක් අවුරුදු පහකින් මාරු කිරීමට බොහෝ දෙනෙකුට හැකිය.ඩොලර් 20000 සිට ආදායමේ හැටියට බ්‍රෑන්ඩ් නිව් රථයක් මිලදී ගත හැකිය.මේ හේතුව නිසාම සාධාරණ මිලට පාවිච්චි කල වාහනද මිලදී ගත හැකිය.

මේ කියන්නෙ චීන වාහන ගන්න එපා කියා නොවේ.චීනයේ ගෘහ කර්මාන්තයක් ලෙසත් වාහන හදන බව සිහියේ තබා ගන්න.චීන වාහන සහ විදුලි වාහන ගෙන්වන ආයතන වලින් සහ ඔවුන්ගෙන් යැපෙන පේජ් වල තොරතුරු විතරක් විමසා බලා තීරණයකට නොයන්න.

එලෙසම චීන වාහන සහ විදුලි වාහන ඇලජික් ,තාමත් චීන වාහන හදන්නෙ අපේ සීයලගෙ කාලෙ චීන හදපු කොලිටියටම කියල හිතන ,දැනට පවතින ප්‍රවණතා පිලිනොගන්න අයගේ උපදෙස් ගැනත් දෙවරක් සිතා බලන්න.

මේ හෑල්ල ලියන මම වාහනයක් ගන්නවා නම් කරන්නෙ මොකක්ද? 

ජපන් හෝ කොරියන් වාහනයක් ගන්න හැකියාවක් ඇති නිසා මේ මොහොතේ එම නිශ්පාදන කෙරෙහි අවධානය යොමු කරමි.

ICE වාහන ආනයනය තහනම් කරන තුරු (  තව දිගු කාලය තුල සිදු නොවේ) විදුලි වාහන නොගනිමි.

EV ෆීලින් එක ගන්න අවශ්‍ය නම් මාස හයකට කුලියට වාහනයක් ගෙන පාවිච්චි කරමි.

(අන්තර්ජාලයෙන් උපුටාගන්නා ලදී)