මවුබිම ගැන වැරදිම ළමයින්ගේ ඔලුවට දාන්න එපා.. රටට ආදරය කරන හැටි කියලා දෙන්න..

Jul 3, 2025 at 08:52 AM

|

Lanka Leader

අපි පුරුද්දට වගේ කියන නිසා අපේ ළමයින්ට පුංචි කාලෙ ඉඳන් ඇහෙන්නෙ මවු බිමේ වැරදි පමණයි.  එහෙම ළමයි හැදුවම උන් කවදා හරි රට දාලා යනවා කියන සිතිවිල්ල එක්ක ජීවත් වනවා මිස තම රට හදන්නට වැඩ කරන්නේ නෑ.

සමහර රටවල් හඳට මිනිස්සු යැවුවාට ඉස්කෝල වල ඉස්පිරිතාලවල ආතල් එකට වෙඩි තබා මිනී මරන බවත් අපේ රටේ එහෙම නැති බවත් කියා දෙන්න.

තවත් රටක් චිත්‍රපට හදන්න රුපියල් බිලියන ගනනක් වියදම් කලාට, පරමාණු බලය තිබුනට නිවාස වලින් 60% කට කක්කුස්සි නැති බව කියා දෙන්න.

තවත් රටක් මොබයිල් phone වලිං අංක 1 උනාට එරට මිනිස්සු බල්ලොත් මරං කන බව කියා දෙන්න.

වතුරට වඩා තෙල් තියන තවත් රටක ඒක පුද්ගල ආදායම ලක්ෂ ගණණක් උනාට කාන්තාවන්ට ජන්ද අයිතියවත් නැති බවත්, තමාව අයත් පිරිමියෙක් නැත්නම් හිරෙං නිදහස් වීමත් තහනං බව කියාදෙන්න.

තවත් රටක් නිදහස් අධ්‍යාපනයෙන් ඉගෙන ගත්ත අපේ දොස්තරලා ලොකු  පඩිවලට ගත්තට එහෙ නිදහස් අධ්‍යාපනය නැති බවත්, එහෙ දොස්තර කෙනෙක් වෙන්න හුඟාක් සල්ලි නැත්නම් බැරි බවත් කියාදෙන්න.

මානව හිමිකම් ගැන කියාදෙන සුද්දෙ ඉන්න රටක ව්‍යවස්ථාව අනූව,එරට මුල් පදිංචි කාරයො සත්තු ගනයට ලා සලකන බව කියා දෙන්න.

ප්‍රජාතන්ත්‍රවාදය ලොව උපරිම සාධාරණත්වයයි පවසමින් අන් රටවලට ඉන් ඔබ්බට කිසිවක් නොකරන්න යයි බල කරන රටවල් 3ක් එක්සත් ජාතීන්ගේ සංවිධානය ප්‍රජාතන්ත්‍රවාදීව ගන්නා තීරන අක්‍රිය කිරීමට කිසිදු ප්‍රජාතන්ත්‍රවාදයක් නැති නීශේධ බලය යොදාගන්නා බව කියා දෙන්න.

කොල පාටින් ඇති තම ඩොලර් නෝට්ටු සියල්ල මතම In God we trust ලෙස මුද්‍රණය කර ඇති රටේ ප්‍රධානතම ආදායම් මාර්ගයක් වන්නේ අවි වෙළඳාම ඛවත්, ඔවුන්ගේ රටේ ආදායම් පවත්වාගැනීම සඳහා ලොව තැන තැන යූද ඇවිලවීම සිදුකල යුතූව ඇතිබවත් කියාදෙන්න.

සෑම රටකම හොඳ නරක ඇති බවත් තම රට ආදරයෙන් සැලකියයුතු බවත් කියාදෙන්න.

- අරුණළු