නැවතත් දඩයමට..
පොසොන් පෝය විසින් එක්තරා ආකාරයක දඩයම් නැවැත්වීමකුත් සංකේතවත් කරනවා. ඒ උතුම් කාර්යය සිද්දවුණේ දඩ කෙළි නැවැත්වීමක් විදිහට. අදටත් එංගලන්තය ඇතුළු හුඟක් රටවල්වල දඩ කෙළි පැවැත්වෙනවා. නෝර්වේ සහ ජපානයේ මිනිස්සු තල්මස්සු පවා දඩයම් කරනවා. ඒ මුහුදු මංකොල්ලකාර රටවල් දෙකේ මිනිස්සු තල්මස්සු දඩයම් කරන්නේ මුහුදට යන්න තියෙන බය නැති කරගන්න කියලයි මම හිතන්නේ.
බුද්ධාගම විසින් අපිට ලබාදුන්නේ ලෝකයට, සතා සීපාවට හානි නො කරන උතුම් ජීවන ක්‍රමයක්. මේ ලෝකය අපේ දේපළක් නෙවෙයි කියලා ඒ අනුව අපි ඉගෙනගත්තා. බුද්ධාගම විසින් අපිට අල්පේච්ඡතාවත් පුරුදු කළා. ධනවාදය විසින් ඇති කරපු පාරිභෝජනවාදයෙන් මිදෙන්න පුළුවන් අල්පේච්ඡතාව තුළින් කියලා දැන් බටහිර පඬිවරු පවා කියනවා. ඒත් අපි මේ දේවල් ඉතාමත් හොඳින් දැනැගෙන හිටියා. ඒ වගේ ම, අපි මේ පිළිවෙත් අපේ ජීවිතවලට බද්ධ කරගෙන අනුගමනය කළා.
අපි සල්ලි පොට්ටනි බැන්දේ නෑ. ඉතින් අපේ රටේ සිටුවරු බිහිවුණෙත් නෑ. අපේ රජවරු පවා අල්පේච්ඡ, සරල ජීවිත ගත කළා. අපේ රජවරු මහ මාළිගා හැදුවේ නෑ. නගර ප්‍රාකාර, බලකොටු ඉදි කළේ නෑ. අපිට තිබුණේ ජනතාව රංජනය කරන පාලන ක්‍රමයක්. අපි සමානාත්මතාව, සමාජ සාධාරණය පිළිගත්තා. ධනය රැස් කළේ නැතත් අපි අපේ “වස්තුව” දන් දුන්නා. අසරණයන්ට පිහිටවුණා. ආගන්තුකයන්ට සත්කාර කළා.
ඒත් යටත්විජිත පාලන විසින් සහ අධිරාජ්‍යවාදය විසින් අපේ ජීවිත බරපතල විදිහට වෙනස් කරලා. ආයෙත් දඩයමේ යන්න කියලා වයිකිං - ෂයිලොක් ලිබරල් සංස්කෘතිය විසින් අපේ ජීවිතවලට බල කරනවා. ඉතින් අපි දැන් ආයෙත් දඩයමේ යනවා. පොසොන් පෝයට “ඌරු මස් සමඟ පොල් රොටී” දෙන දන්සලක් පවත්වනවා කියලත් මම දැක්කා. මේක ඒ දන්සල සංවිධානය කරන කීප දෙනාගේ නොහික්මුණුකමක් නෙවෙයි. අපේ මේ සමාජය දැන් හික්මවන්නේ වයිකිං - ෂයිලොක් ලිබරල් සංස්කෘතිය විසින්. ඉතින් අපි හැමෝම දැන් දඩයමේ යනවා. මස් රාත්තල ම ඉල්ලනවා. ඉවරයක් නැතුව පොට්ටනි බඳිනවා.
දැන් අපි ඉස්සර රජවරුවත් හදපු නැති මහ මාළිගා හදනවා. අවුරුදු පන්සීයක් විතර ජීවත්වෙනවා කියලා ධනය පොට්ටනි බඳිනවා. ඉඩම් බදාගෙන ඒවාගේ මායිම් වෙනුවෙන් නඩු කියනවා. එකිනෙකා මරාගන්නවා.
මේ ක්‍රමය ඇතුළේ තමයි ප්‍රාණඝාතය හපන්කමක් විදිහට සැළැකෙන්නේ. මේ ක්‍රමය ඇතුළේ තමයි හොරු ඇතිවෙලා තියෙන්නේ. මේ ක්‍රමය ඇතුළේ තමයි කාම මිථ්‍යාචාරය ගැන උජාරුවෙන් කතා කරන්නේ. මේ ක්‍රමය ඇතුළේ තමයි බොරුව රජ කරවලා තියෙන්නේ. මේ ක්‍රමය ඇතුළේ තමයි සුරාවේ මහිමය ගැන කියවන්නේ.
වයිකිං - ෂයිලොක් ලිබරල් සංස්කෘතිය විසින් මිනිස්සු එකිනෙකාගෙන් වෙන් කරවනවා. සාමුහිකත්වය නරක දෙයක් බවට පත් කරවනවා. මෙහෙම එකිනෙකාගෙන් වෙන් කරවපු මිනිස්සු ආතක් පාතක් නැති අනාථයෝ බවට පත්වෙනවා. මෙහෙම ලිබරල් වෙලා, තනිවෙලා දුර්වලවෙච්ච මිනිස්සුන්ට කිසිම දෙයක් කරගන්න බෑ. ඉතින් අපේ බහුතරය හිඟා කනවා. එකෙක් දෙන්නෙක් ධනය පොට්ටනි බඳිනවා. මේ පොට්ටනි බැඳිල්ලට විරුද්ධව කතා කරන එවුන් නරක මිනිස්සු කියලා හංවඩු ගහනවා.
අපි ආයෙත් දඩයම් යුගයකට තල්ලු කරලා දාලා. මේ දඩයම් යුගය වෙනස් කරන තුරු අපිට ගැලැවිල්ලක් නෑ. අපි අපේ ජනතාව රංජනය කරන ක්‍රමයක් ඇති කරගන්න ඕන. පොට්ටනි බැඳිල්ල ඉවර කරලා දාන්න ඕන. අපි සමානාත්මතාවට මුල් තැන දෙන සමාජයක් නිර්මාණය කරගන්න ඕන. අපි පාරිභෝජනවාදය වළපල්ලට යවන්න ඕන. අල්පේච්ඡතාවේ වටිනාකම ඉහළට ඔසවලා පෙන්නන්න ඕන.
මේ අරමුණු ජයගන්න පුළුවන්වෙන්නේ වයිකිං - ෂයිලොක් ලිබරල් සංස්කෘතිය පරද්දනවා නම් විතරයි. ඒත් ඒ හපන්කම සංස්කෘතික පෙරමුණකින් විතරක් කරන්න අමාරුයි. ඒ වෙනුවෙන් දේශපාලන - ආර්ථික විප්ලවයක් කරන්නත් අපිට සිද්දවේවි. අපේ සාමූහික ආර්ථික ක්‍රියාකාරකම් සහ සාමූහික දේශපාලන ක්‍රියාකාරකම් විසින් අපිට විමුක්තිය කරා යන පාර පෙන්නාවි. ඒ වගේ ම, එහෙම හදාගන්න අපේ සමාජය ශක්තිමත් කරවන සංස්කෘතික විප්ලවයක් කරන්නත් අපිට කියලා දේවි.
කොහොම වුනත් දෙවියෙක්, බ්‍රහ්මයෙක්, දියසේන කෙනෙක් ඇවිල්ලා අපිට බේරගන්නේ නෑ. අපිට තියෙන්නේ අපේ පිහිට විතරයි. බුද්ධාගම තමයි අපිට තමන්ගේ ශක්තියෙන් ඉදි කරගන්න විමුක්ති මාර්ගය ගැනත් කියලා දුන්නේ. ඉතින් අපි අපේ ශක්තිය තේරුම් ගනිමු. අපේ සාමූහිකත්වය වර්ධනය කරගනිමු. මේ උතුම් පොසොන් පෝය දවසේ මේ දඩයම් යුගයෙන් මිදෙන අධිෂ්ඨානය ඇති කරගනිමු.
=== === === === ===
වයිකිං දඩයම් දෙවියා ඌලර් (Ullr) තමයි මේ පින්තූරයේ ඉන්නේ.
=== === === === ===
- ආචාර්ය වරුණ චන්ද්‍රකීර්ති
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..