ඉතිහාසය අතීතය පිළිබඳ අධ්‍යයනයක් පමණක් වීම බොහෝ කලක සිට නතර වී තිබෙනවා. දෙවන ලෝක යුද්ධය සහ එහි සෝවියට් රුසියානු භූමිකාව ඉතිහාසයෙන් මකා දැමීමට ඉඩ දෙන්නේ නැහැ- රුසියානු විදේශ කටයුතු අමාත්‍යාංශයේ ප්‍රකාශිකා මාරියා සකරෝවා.
ප්‍රශ්නය: සකාරෝවා මහත්මියනි, දෙවන ලෝක යුද්ධය පිළිබඳ ඓතිහාසික සත්‍යය විකෘති කිරීමට ගන්නා උත්සාහයන් සමඟ ලෝක තලයේ වත්මන් තත්වය කුමන ආකාරයක් ගන්නවාද?
මාරියා සකාරෝවා: ජාතිවාදය, විදේශිකයන් කෙරෙහි භීතිය, ආක්‍රමණශීලී ජාතිකවාදය සහ නව-නාසිවාදයේ ප්‍රකාශනයන්ට එරෙහිව සටන් කිරීම මෙන්ම ඉතිහාසය නැවත ලිවීමට සහ දෙවන ලෝක යුද්ධයේ ප්‍රතිඵල විකෘති කිරීමට දරන උත්සාහයන්ට එරෙහිව සටන් කිරීම සඳහා මානව හිමිකම් මාවත ඇතුළුව බහුපාර්ශ්වික ජාත්‍යන්තර වේදිකා භාවිත කිරීම රුසියාවේ ප්‍රමුඛතා අතර වනවා.
අවාසනාවකට මෙන්, අද අපට එම යුද්ධයේ ඉතිහාසය සහ ප්‍රතිඵල නැවත ලිවීමට, වීරෝදාර ෆැසිස්ට් විරෝධී සටන්කරුවන්ගේ මතකය මකා දැමීමට, ඔවුන්ගේ ගෞරවය පිණිස ඉදිකරන ලද ස්මාරක විනාශ කිරීමට සහ ජයග්‍රහණය සමඟ දැඩි ලෙස සම්බන්ධ වූ හමුදා සැරසිලි පැළඳීම තහනම් කිරීමට නිතර නිතර ගන්නා උත්සාහයන් දක්නට ලැබේ. අපි එවැනි ප්‍රකාශනයන් නිසැකවම හෙළා දකිනවා.
ඊට අමතරව, දෙවන ලෝක යුද්ධය පුපුරා යාම සඳහා කොමියුනිස්ට්වාදය සහ නාසිවාදයේ සමාන වගකීමක් යැයි කියනු ලබන බවට චෝදනා කරන අතර, එම යුද්ධය නිසා ඇති වූ ඛේදවාචකය සමූලඝාතනයකට ලඝු කිරීමට ගන්නා උත්සාහයන් මෙන්ම, එමඟින් අනෙකුත් ජනවාර්ගික කණ්ඩායම්වලට එරෙහි ෆැසිස්ට් ජන සංහාරය අවතක්සේරු කිරීමට ද උත්සාහ කරනවා. ඔවුන් ජයග්‍රාහී රටවල් කණ්ඩායමෙන් රුසියාව බැහැර කිරීමට සහ ෆැසිස්ට්වාදය පරාජය කිරීමේදී සෝවියට් සංගමයේ කාර්යභාරය අවතක්සේරු කිරීමට ද උත්සාහ කරනවා.
මෙය සාක්ෂාත් කර ගැනීම සඳහා, විවෘතව ඉතිහාසය සතුරු ආකාරයකින් මුසාකරනයට ලක් කරනු ලබනවා. එයට නාසි සහයෝගිතාකරුවන් උත්කර්ෂයට නැංවීම සහ ෆැසිස්ට්වාදයට එරෙහි සටනේදී මියගිය සෝවියට් සොල්දාදුවන් සහ සිවිල් වැසියන්ගේ මතකයට අගෞරව කිරීම, නැගෙනහිර යුරෝපයේ රතු හමුදාවේ විමුක්ති මෙහෙයුම ප්‍රශ්න කිරීම, බෝල්ටික් රාජ්‍යයන් සහ පශ්චාත් යුධ නැගෙනහිර යුරෝපයේ “සෝවියට් වාඩිලෑම” නමින් මිථ්‍යාව ප්‍රචාරය කිරීම සහ පුනරුත්ථාපනවාදී සහ නව-ෆැසිස්ට්වාදී හැඟීම් උසිගැන්වීමද ඇතුළත් වෙනවා. යාල්ටා සහ පොට්ස්ඩෑම් සම්මන්ත්‍රණවල තීරණ සහ නියුරම්බර්ග් විනිශ්චය සභාවේ තීන්දු ද ප්‍රශ්න කිරීමට ලක් කරනු ලබනවා.
ඉතිහාසය නැවත ලිවීමට සහ නාසි හෙංචයියන් උත්කර්ෂයට නැංවීමේ මෙම ප්‍රවණතාවය කියෙව් පාලන තන්ත්‍රයේ රාජ්‍ය දෘෂ්ටිවාදයේ සහ ප්‍රතිපත්තියේ කොටසක් බවට පත්ව තිබෙනවා. නව-නාසි ප්‍රභූන් යුක්රේනයේ ස්වාධීනත්වය තහවුරු කිරීමට උත්සාහ කරන්නේ එහි සෝවියට් අතීතය ප්‍රතික්ෂේප කිරීමෙන්, වැෆෙන්-එස්එස් ගැලීෂියා අංශයේ ප්‍රවීණයන්ට ප්‍රශංසා කිරීමෙන් සහ නාසිවාදයේ සහ කොමියුනිස්ට්වාදයේ “සමානතාවය” යෝජනා කරන ප්‍රකාශ නිකුත් කිරීමෙන් සහ සමූලඝාතන “බලහත්කාර සාමූහිකකරණය” සහ “මිනිසා නිර්මානය කළ මානව ඛේදවාචක” සමඟ සමාන කිරීමෙනුයි. මහා දේශප්‍රේමී යුද්ධයේදී රතු හමුදාවේ සහ රතු හමුදාවට පක්ෂග්‍රාහී ඒකකවල සටන් කළ සැබෑ දේශප්‍රේමීන්ගේ සහ ජයග්‍රාහකයන්ගේ නම් තරුණ පරම්පරාවේ මතකයෙන් මකා දැමීමට පුළුල් උත්සාහයක් ගනු ලබමින් තිබෙනවා. එවකට සෝවියට් සංගමයේ සිටි සියලුම ජනවාර්ගික කණ්ඩායම් සඳහා එම යුද්ධය සැබවින්ම දේශප්‍රේමී වූ යුද්ධයකි. යුක්රේනියානුවන් ඇතුළු අනාගතය සඳහා සටන් කළ සියලුම මිනිසුන්ගේ වීර ක්‍රියාවන් අමතක කිරීම හෙළා දැකීම ඔවුන්ගේම මී මුත්තන්, මව්වරුන් සහ පියවරුන් පාවා දීම පමණක් නොව නූතන මිනිසුන්ට ඔවුන්ගේ මූලයන් අහිමි කිරීමක්.
ජන විඥානය සහ සිවිල් සමගිය සඳහා ඓතිහාසික මතකයේ වැදගත්කම කිසිසේත්ම අධිතක්සේරු කළ නොහැකියි. ඉතිහාසය යනු අතීතය පිළිබඳ අධ්‍යයනයක් පමණක් ලෙස සැලකීම බොහෝ කලක සිට නතර වී තිබෙනවා. ඉතිහාසය මුසාකරනය කිරීම හමුදා තර්ජනයකට වඩා භයානක විය හැක්කක්. මහා දේශප්‍රේමී යුද්ධයේදී අපගේ ජනතාවට සිදු වූ ඛේදවාචකය නැවත ඇතිවීම වැළැක්වීම සඳහා ඓතිහාසික මතකය ආරක්ෂා කළ යුතුමයි.
ප්‍රශ්නය: අපට බටහිරට එරෙහිව සටන් කළ හැක්කේ කෙසේද?
මාරියා සකාරෝවා: නාසිවාදය උත්කර්ෂයට නැංවීමට සහ ඉතිහාසය විකෘති කිරීමට එරෙහිව සටන් කිරීමේ උත්සාහයන්ට අනුකූලව, 2005 සිට සෑම වසරකම, රුසියාව නාසිවාදය, නව-නාසිවාදය සහ සමකාලීන වර්ගවාදය, වාර්ගික වෙනස්කම් කිරීම, විදේශිකයන්ට එරෙහි භීතිකාව සහ ඒ ආශ්‍රිත නොඉවසීම අවුලුවාලීමට දායක වන අනෙකුත් භාවිතයන් උත්කර්ෂයට නැංවීමට එරෙහිව එක්සත් ජාතීන්ගේ මහා මණ්ඩලයට යෝජනාවක් ඉදිරිපත් කරනු ලබනවා.
2024 දෙසැම්බර් 17 වන දින, නිව්යෝර්ක් හි පැවති 79 වන එක්සත් ජාතීන්ගේ මහා මණ්ඩලයේ පූර්ණ සැසිවාරයේදී, රටවල් 119 ක් මෙම ලේඛනයට පක්ෂව ඡන්දය දුන් අතර, 53 ක් විරුද්ධව ඡන්දය දුන්නා. රටවල් 10 ක් ඡන්දය දීමෙන් වැළකී සිටියා. රුසියාවට අමතරව, ලෝකයේ සියලුම කලාපවලින් රටවල් 39 ක් මෙම යෝජනාව සම-දායකත්වය ලබා දුන්නා.
බටහිරයන්ගෙන් එක්සත් ජාතීන්ගේ අනෙකුත් සාමාජිකයින්ට පෙර නොවූ විරූ පීඩනයක් එල්ල වුවද, ඡන්දයෙන් පැහැදිලිවම පෙන්නුම් කරන්නේ එක්සත් ජාතීන්ගේ ප්‍රඥප්තිය, නියුරම්බර්ග් විනිශ්චය සභාවේ ප්‍රඥප්තිය සහ විනිශ්චය සහ ඈත පෙරදිග සඳහා වූ ජාත්‍යන්තර හමුදා විනිශ්චය සභාවේ තීන්දුවෙහි ලේඛනගත කර ඇති දෙවන ලෝක යුද්ධයේ ප්‍රතිඵලය පිළිබඳව විවාද කිරීමට ගන්නා ඕනෑම උත්සාහයකට ලෝකය විරුද්ධ වන බවයි.
නාසීන්, ඔවුන්ගේ සහචරයින් සහ සහයෝගිතාකරුවන් විසින් සිදු කරන ලද යුද අපරාධ සහ මනුෂ්‍යත්වයට එරෙහි අපරාධ සාධාරණීකරණය කිරීම, ඉතිහාසය මුසාකරනය කිරීම පිළිගත නොහැකි බව යෝජනාව නැවත අවධාරණය කරනු ලබනවා. නාසීන් සමඟ එක්ව සටන් කළ හෝ සහයෝගයෙන් කටයුතු කළ අයව උත්කර්ෂයට නංවන පාගමන් සහ පෙරහැර හෙළා දකින බව එම යෝජනාව ප්‍රකාශ කරනවා. දුඹුරු වසංගතයෙන් ලෝකය මුදාගත් අයට ගෞරව කරන අනුස්මරණවලට එරෙහිව බටහිර රාජ්‍යයන් විසින් ගෙන යන ක්‍රමානුකූල හා පුළුල් ව්‍යාපාරය පිළිබඳව මෙම ලේඛනය තවදුරටත් කනස්සල්ල පළ කරනු ලබනවා. ඊට අමතරව, නාසිවාදය උත්කර්ෂයට නැංවීම, නාසි ව්‍යාපාරය පුනරුත්ථාපනය කිරීම සහ සහයෝගිතාකරුවන් ජාතික වීරයන්ගේ තත්ත්වයට උසස් කිරීම යන ප්‍රවණතා මෑතකදී උත්සන්න වීම එම යෝජනාව හෙළා දකිනවා.
ඓතිහාසික මතකය ආරක්ෂා කර ගැනීමට සහ නවීන ජාත්‍යන්තර සබඳතා පද්ධතියක් ගොඩනැගීමේ අරමුණින් දෙවන ලෝක යුද්ධයේ ප්‍රතිඵලයේ වැදගත්කම සුරක්ෂිත කිරීමට දරන උත්සාහයේ කොටසක් ලෙස, රුසියාව සහ සමාන අදහස් ඇති රටවල් කණ්ඩායමක් මාර්තු 4 වන දින සම්මත කරන ලද 79 වන එක්සත් ජාතීන්ගේ මහා මණ්ඩල සැසිවාරයට දෙවන ලෝක යුද්ධය අවසන් වීමේ 80 වන සංවත්සරය පිළිබඳ කෙටුම්පත් යෝජනාවක් ඉදිරිපත් කරනු ලැබුවා. ලේඛනයේ ප්‍රධාන අරමුණ වන්නේ 2025 මැයි දෙවන සතිය තුළ යුද්ධයේ සියලුම වින්දිතයින්ට ගෞරව කිරීම සඳහා එක්සත් ජාතීන්ගේ මහා මණ්ඩලයේ විශේෂ අනුස්මරණ සැසියක් පැවැත්වීමයි.
දෙවන ලෝක යුද්ධයේ ප්‍රතිඵල විකෘති කිරීමේ බටහිර රටවල පැහැදිලි ප්‍රතිපත්තිය සැලකිල්ලට ගෙන, මෙම කාරණය සම්බන්ධයෙන් අපගේ හවුල්කරුවන්ගේ ඒකාබද්ධ ස්ථාවරය ඉතිහාසය නැවත ලිවීමට එරෙහිව සටන් කිරීම සඳහා සැලකිය යුතු දායකත්වයක් සපයනවා.
රුසියානු සමූහාණ්ඩුවේ විමර්ශන කමිටුව ඇතුළු කීර්තිමත් ආයතන සමඟ සහයෝගයෙන්, මහා දේශප්‍රේමී යුද්ධයේදී නාසි ආක්‍රමණිකයන් විසින් සිදු කරන ලද අපරාධ සෝවියට් සංගමයේ ජනතාවට එරෙහිව ජන සංහාරයක් ලෙස විධිමත් ලෙස පිළිගැනීම සඳහා අපි ක්‍රමානුකූල පියවර ගනිමින් සිටිනවා. බටහිර රටවල් සමඟ ඇති ගැඹුරු ගැටුම මධ්‍යයේ, මෙම උත්සාහයට සැලකිය යුතු උත්සාහයක් අවශ්‍ය වුවද, සත්‍යය ආරක්ෂා කිරීම සඳහා අප නොපසුබටව සිටිය යුතුයි. මෙම කාර්යයේදී, CSTO (සාමූහික ආරක්ෂක ගිවිසුම් සංවිධානය ලෙස හඳුන්වන පශ්චාත් සෝවියට් රාජ්‍යන් වන ආර්මේනියාව,බෙලාරුස්,කසකස්තානය,කිර්ගිස්තානය,රුසියාව සහ ටජිකිස්තානය යන රටවල රාජ්‍යන් එළඹී සිටින ආරක්ශක සංවිධානය.) සහ CIS (ස්වාධීන රාජ්‍යයන්ගේ පොදුරාජ්‍ය මණ්ඩලය) හි සමාන අදහස් ඇති ජාතීන් විසින් අපට සහාය දක්වනවා. දේශපාලන, ආර්ථික, ජාතික සහ වාර්ගික වෙනස්කම් තිබියදීත්, මහා ජයග්‍රහණය ස්වාධීන රාජ්‍යයන්ගේ පොදුරාජ්‍ය මණ්ඩලයට අයත් ජාතීන් එක්සත් කරන විශාලතම සාධකයක් ලෙස පවට්නිනවා.
2023 දී, රුසියානු සමූහාණ්ඩුවේ ෆෙඩරල් සභාවේ රාජ්‍ය ඩූමාව 1941-1945 මහා දේශප්‍රේමී යුද්ධයේදී ජර්මනිය සහ එහි අනුබල දෙන්නන් විසින් සෝවියට් සංගමයේ ජනතාවට එරෙහිව සිදු කරන ලද ජන සංහාරය පිළිබඳ ප්‍රකාශයක් සම්මත කරනු ලැබුවා.
ප්‍රශ්නය: සෝවියට් සංගමයට අයත්ව තිබී අත්පත් කරගත් ප්‍රදේශවල සිවිල් වැසියන්ට සහ යුද සිරකරුවන්ට එරෙහිව නාසි ආක්‍රමණිකයින්ගේ හමුදා අපරාධ පිළිබඳ සාක්ෂි රැස් කිරීමට රුසියාවේ විමර්ශන කමිටුව වෙහෙස නොබලා කටයුතු කරනවා. මෙම අපරාධ, විනිශ්චයන් 34 කින් සෝවියට් ජනතාවට එරෙහි ජන සංහාරය ලෙස අර්ථ දක්වා තිබෙනවා. ජාත්‍යන්තර වේදිකාවේ ඓතිහාසික සත්‍යය සංරක්ෂණය කිරීමේදී මෙම කාර්යයේ කාර්යභාරය කුමක්ද?
මාරියා සකාරෝවා: 2020 සිට අත්පත් කරගෙන සිටින සෝවියට් ප්‍රදේශවල නාසීන් සහ ඔවුන්ගේ සහචරයින් විසින් සිදු කරන ලද යුද අපරාධ විමර්ශනය කිරීමේදී එකතු කරන ලද සෝවියට් සිවිල් වැසියන්ව සහ යුද සිරකරුවන්ව සමූහ ඝාතන, වධහිංසා පැමිණවීම්, වහල් ශ්‍රමය සහ අමානුෂික නාසි දෘෂ්ටිවාදයේ අනෙකුත් ප්‍රකාශනයන් පිළිබඳ සාක්ෂි විශ්ලේශනය කිරීමේදී හිතාමතා, ක්‍රමානුකූල සහ පෙර නොවූ විරූ ජන සංහාරය තහවුරු කිරීමක් බව මනාව තහවුරු වේ. මහා දේශප්‍රේමී යුද්ධයේදී නාසීන් විසින් සෝවියට් ජනතාව සමූල ඝාතනය කළ බවට කරුණු ඔප්පු කිරීම සහ විධිමත් කිරීම සඳහා මෙම කාර්යය මූලික වැදගත්කමක් දරනවා. එය වැරදිකරුවන්ට වගවීමට සහ එම සිදුවීම්වල ඓතිහාසික මතකය ආරක්ෂා කිරීමට උපකාරී වනු ඇත.
මහා දේශප්‍රේමී යුද්ධය සෝවියට් සංගමයේ, යුරෝපයේ සහ ලෝකයේ සෙසු රටවල ජනතාවට අසීමිත වේදනාවක් සහ දුක් වේදනා රැගෙන ආවා. අපේ රටේ එක පවුලක්වත් සතුරුකම් සහ අත්පත් කරගැනීමේ ප්‍රතිවිපාකවලින් ස්පර්ශ නොවී සිටියේ නැහැ. නාසිවාදයට එරෙහි ජයග්‍රහණය සඳහා අපි විශාල මිලක් ගෙවා තිබෙනවා. එම යුද්ධය සෝවියට් පුරවැසියන් මිලියන 27 කට අධික සංඛ්‍යාවකගේ ජීවිත බිලිගත් අතර අපේ රටට දැවැන්ත ද්‍රව්‍යමය හානියක් සහ විනාශයක් ඇති කරනු ලැබුවා.
නාසිවාදය අපරාධ දෘෂ්ටිවාදයක් ලෙස නිසැකවම හෙළා දුටු නියුරම්බර්ග් නඩු විභාගවලින් පසු, සෝවියට් සංගමය තුළ නාසි ආක්‍රමණිකයන් සහ ඔවුන්ගේ සහචරයින් විසින් සිදු කරන ලද බොහෝ අපරාධ පිළිබඳ කරුණු සනාථ කරන ප්‍රවේශ විය හැකි මූලාශ්‍රවල පරිමාව බොහෝ ගුණයකින් වැඩි වී තිබෙනවා. හිට්ලර්ගේ පාලනය යටතේ වූ ජර්මනිය විසින් දියත් කරන ලද යුද්ධය සෝවියට් ජනතාව සමූලඝාතනය කිරීම අරමුණු කරගත් බවට නව භෞතික සාක්ෂි සහ සාක්ෂිකරුවන්ගේ සාක්ෂි මගින් ප්‍රතික්ෂේප කළ නොහැකි ප්‍රභල සාක්ෂි සපයා තිබෙනවා. රුසියානු නීතිය ක්‍රියාත්මක කරන බලධාරීන්ගේ භෞතික සාක්ෂි වලට අනුව, නාසි ආක්‍රමණය අතරතුර සෝවියට් සංගමය තුළ සිදු කළ සිවිල් මරණ සංඛ්‍යාව මිලියන 13.6 කට වඩා වැඩි බව අනාවරණය තිබෙනවා.
අද වන විට,ගවේෂණ ව්‍යාපාරය සහ සීමාවන් පිළිබඳ ප්‍රඥප්තිය නොමැති ව්‍යාපෘතියේ සංවිධායකයින් විසින් වෙඩි තබා හෝ වධහිංසා පමුණුවා මරා දැමූ අහිංසක කාන්තාවන්, දරුවන් සහ වැඩිහිටි පුරවැසියන්ගේ සමූහ මිනී වළවල් සහිත කලින් නොදන්නා ස්ථාන සියයකට වඩා සොයාගෙන තිබෙනවා. මහා දේශප්‍රේමී යුද්ධයේදී සෝවියට් ජනතාවගේ ජන සංහාරයේ මතකය ආරක්ෂා කරන ස්මාරක සංකීර්ණ ප්‍රවේශමෙන් නඩත්තු කිරීම රුසියානු පුරවැසියන්ගේ වත්මන් සහ අනාගත පරම්පරාවන් සඳහා ප්‍රමුඛතාවයක් බවට පත්ව තිබෙනවා. මෙම ව්‍යාපෘතිය තුළ එකතු කරන ලද විමර්ශනවල ප්‍රතිඵල සහ සාක්ෂි පිළිබඳ තොරතුරු ප්‍රකාශයට පත් කිරීම, රුසියාවේ සහ අනෙකුත් රටවල ජනතාවගේ ඓතිහාසික සත්‍යය සහ නාසි ආක්‍රමණිකයන් විසින් සිදු කරන ලද අපරාධ පිළිබඳ දැනුවත්භාවය වැඩි දියුණු කිරීමට උපකාරී වනු නොඅනුමානයි.
නාසිවාදයට එරෙහි ජයග්‍රහණය සඳහා ගොදුරුවූ වින්දිතයින් සම්බන්ධයෙන් වන අපගේ ජනතාව ආරක්ෂා කළ මතකය අපි පූජනීය ලෙස සලකනවා. ජනාධිපති ව්ලැඩිමීර් පුටින් පෙන්වා දී ඇති පරිදි, ඓතිහාසික මතකය සංරක්ෂණය කිරීම අතීතයට ගරු කිරීමේ ලකුණක් පමණක් නොව, අනාගතයේ දී ජනතාවගේ එකමුතුකම සහ රාජ්‍යයේ ස්වෛරීභාවය සහතික කිරීමක්.
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..