බොරු ගොතා කඩුවෙල මහේස්ත්‍රාත්වරිගේ චරිතය ඝාතනය කිරීම...

May 19, 2025 at 11:25 AM

|

Lanka Leader

කඩුවෙල මහේස්ත්‍රාත්වරිය සම්බන්ධ කතාව මුළුමනින්ම ගොතන ලද්දක් බව තතු දත් අය පවසනවා. 

ඇය නිල මැදිරියේ වැඩබලන මහෙස්ත්‍රාත් වරයෙක් සමග  ලිංගිකව හැසිරුණා කියන්නේ කැලෑ  පත්තර ගැසීමට ප්‍රසිද්ධියක් උසුලන ලංකා ඊ නිවුස්  වෙබ් අඩවිය. එහෙම සම්බන්ධයක් තිබුණත් ඒ වැඩේ කරන්න සෙනග එන යන තව සේවකයන් ඉන්න මහේස්ත්‍රාත් නිල මැදිරිය තෝරා ගන්නේ නැහැ. ඒවාට පෞද්ගලික තැනකට යනවා මිසක්. නඩු කාරයෝ කියන්නේ ඕකට විතරක් මොළේ  නැතිව වැඩ කරන අය නෙමෙයි. මෙතැන ජනතාව නොමග යවන්න ගහපු තුරුම්බුව තමයි සේවකයෙක් වීඩියෝ කරලා කියන එක. ඒකත් අමු බොරුවක්. වීඩියෝ කරන්න දොර ජනෙල් ඇරගෙන ඔය වැඩේ කරන්නේ නැහැ. මෙය අසත්‍ය මුසු ගොතන ලද කතාවක් බව හරි පැහැදිලියි. 

නමුත් මේ රටේ  හරකුන්ට ඕන බොරුවක් කරතියාගෙන දුවන්න ඇති රාජපක්ෂ කෙනෙක් ගාවල තියෙන එක. ඊ නිවුස් මඩ පත්තරකාරයා එම ලිපියේ ඊට අවශ්‍ය නිලය හරියටම අල්ලලා තියෙනවා. ඒ තමයි යෝෂිත රාජපක්ෂට අදාළ නඩු දෙකක් මුලින් ඇහුවේ මේ කඩුවෙල උසාවියේ කියන එක. එහෙම නම් ඉතිං  මහේස්ත්‍රාත්වරිය ලිංගිකව හැසිරුණා කියන එකත් මුන්ට බොරු වෙන්න බෑ.  

සාමාන්‍යයෙන් මෙවැනි චෝදනාවක් ආවම අධිකරණ සේවා කොමිසම කරන්නේ  මහේස්ත්‍රාත්වරියගේ වැඩ තාවකාලිකව අත්හිටවලා පරීක්ෂණයක් පවත්වන එක. දැන් ඒක  වෙනවා. මේ බොරුව වැඩිකල් නොයා මහේස්ත්‍රාත්වරිය නිදොස් කොට නිදහස් වෙන බව පැහැදිලියි. හැබැයි මේ රටේ  අවිචාර මිනිසුන් නිසා ඇගේ විනාස වූ චරිතයට  සාධාරණයක් ඉටු වෙන එකක් නෑ. දැන් ඒ හානිය වෙලා ඉවරයි. 

- රත්තනදෙණියේ මේධානන්ද හිමි -

(මුහුණු පොතෙන් උපුටා ගන්නා ලදී)