උතුම් දළඳා ප්‍රදර්ශනය සම්පූර්ණයෙන්ම අසාර්ථක, කලබගෑනියක් වීමේ වගකීම
උතුම් දළඳා ප්‍රදර්ශනය සම්පූර්ණයෙන්ම අසාර්ථක, කලබගෑනියක් වීමේ වගකීම පැහැදිලිවම රජය භාරගත යුතුය.
දළදා ප්‍රදර්ශනය වත්මන් රජය කොතරම් අසංවිධානාත්මක, සැලසුමක් නැති, පරිපාලනයේ දුර්වලයන් පිරිසක් යැයි කීමට හොඳ උදාහරණයකි.
එයට 2009 වසරේ පැවැති දළදා ප්‍රදර්ශනයෙන් නිදසුන් ලබාගත හැක.
2009 මාර්තු මාසයේ යුද්ධයේ අවසන් සමයේ යුද ජයග්‍රහණයට ආශිර්වාද පතා දළඳා ප්‍රදර්ශනය පැවැත්විය.
එයට ආරක්ෂාවේ දැඩි තර්ජනයක් ද විය.
දළඳා මාලිගාව අසල හෝ තුල එක් බෝම්බයකින්, ප්‍රභාකරන්ට පැරදීමට යන යුද්ධය ජයග්‍රහණයට හැරවිය හැක.
සම්පූර්ණයෙන්ම දකුණේ ජයග්‍රාහී මානසිකත්වය බිඳ දැමිය හැකිය.
ඒ අනුව මෙය ත්‍රස්තවාදීන්ට අවස්ථාවකි. රජයට ප්‍රබල අභියෝගයකි.
යුද්ධයේ දරුණු සහ තීරණාත්මක සමයක උතුරු නැගෙනහිර ක්‍රියාත්මක හමුදා ඛණ්ඩ හෝ කොළඹ බස් බෝම්බ වැළැක්වීම උදෙසා ක්‍රියාත්මක පොලීසිය සහමුලින්ම ගලවා නුවර ගෙන ඒම අපහසුය.
නමුත්!
ආරක්ෂාවේ කිසිඳු ගැටලුවක් හෝ කිසිදු කල්මැරීමක් නොමැතිව අතිසාර්ථක දළදා ප්‍රදර්ශනයක් පැවැත්වීමට මහින්ද රජයට හැකිවිය.
දළදා ප්‍රදර්ශනයට ලක්ෂ 30 ක ජනතාවක් දිවයින පුරා ප්‍රදේශ වලින් පැමිණියහ.
කොටින්ම ගම් පිටින් බස් රථ ගෙන 2009 දළඳා ප්‍රදර්ශනයට ජනතාව පැමිණියහ.
එයට ප්‍රධාන හේතුවක් වූයේ ත්‍රිවිධ හමුදාවේ සටන් වදිනා සිය ඥාතීන්ට, මිතුරන් වෙනුවෙන් ප්‍රාර්ථනා කිරීම සහ භාර වීමය.
2009 දළදා ප්‍රදර්ශනයට පැහැදිලිවම VIP පෝළිමක් තිබුණි. කොටින්ම නුවර සෑම දෙනෙකුම පාහේ සිය සබඳතා ඔස්සේ දන්ත ධාතූන් වැදගත්තේ එම VIP පෝළිමෙනි.
VIP පෝළිමේ උපරිම කාලය පැයකි.
සෙසු පෝළිම් හතරක් තිබුණි. එහි උපරිම කාලය පැය හයකි.
ආරක්ෂාව යුද හමුදාව, පොලීසිය සහ බුද්ධි අංශ විසින් සැපිරුවේය.
පැමිණෙන බැතුමතුන්ට පහසුකම් සැපයීම ව්‍යාපාරික ප්‍රජාවට සහ ප්‍රාදේශීය දේශපාලඥයන්ට පවරා තිබුණි.
කොටින්ම එක් එක් පෝළිමට පහසුකම් සැපයීම නුවර එවකට ප්‍රධාන දේශපාලන නායකයන්ට පවරා තිබූ බව නොරහසකි.
ඔවුන් විසින් ව්‍යාපාරිකයන් සහ ප්‍රාදේශීය දේශපාලන යාන්ත්‍රණය උපයෝගි කරගනිමින් පහසුකම් සැලසීම සිදුකරන ලදි.
* පැමිණෙන ජනතාවට ආහාර පාන වලින් කිසිඳු අඩුවක් නොවීය.
ඒ සඳහා සොෆ්ට්ලොජික්, අබාන්ස්, ඩයලොග් වැනි ප්‍රධාන සමාගම් සියල්ල සහභාගී කරවා ගත්තේය.
එමෙන්ම ප්‍රාදේශීය දේශපාලඥයන් එක්වී සංවිධානය කළ දන්සැල් ද බොහෝ විය.
* සමීපාරක්ෂක පහසුකම් නිසි අයුරින් සපයා තිබුණි.
* ඉතාම වයෝවෘද්ධ, ශාරිරිකව අපහසු පුද්ගලයන්ට මිසෙක සාමාන්‍ය වැඩිහිටියෙකුට කිසිදු කරදරයක් සිදුනොවෙන ලෙසට පෝළිම පැවතිණි.
* කැලි කසල ඉතාම ක්‍රමවත්ම බැහැර කිරීමට අවශ්‍ය පද්ධතිය නාගරික සංවර්ධන අමාත්‍යංශයේ අධීක්ෂණය මත මහනුවර මහනගර සභාව විසින් පවත්වාගෙන ගියහ.
ඒ 2009 වසරයි.
තාක්ෂණය අතිශය දියුණු, ආරක්ෂාවේ කිසිඳු තර්ජනයක් නැති 2025 ඕනෑවටත් වඩා හොඳින් සංවිධානය කිරීමේ විභවයක් තිබුණි.
2009 දළඳා ප්‍රදර්ශනයේ වැඩි ආරක්ෂක අංශ සාමාජිකයන් පිරිසක් යොදවා තිබුණේ ආරක්ෂාව තහවුරු කිරීමටයි.
2025 ඒ මානව සම්පත සහමුලින්ම සංවිධානය කිරීමේ සහ පහසුකම් සැපයීමේ කටයුතු සඳහා යොදාගත හැකිව තිබුණි.
මහනුවර මහනගර සභාව නිසි පරිදි භාවිතා කිරීමට රජය අසමත් ය.
ව්‍යාපාරිකයන් සහ සෙසු යාන්ත්‍රණ වල සහය ලබා ගැනීමට රජය අසමත් ය.
කොටින්ම මාලිමා ආණ්ඩුව ෆේල් ය.
නමුත් දැන් දළඳා ප්‍රදර්ශනය ඉතාම ඛේදාන්තයක් බවට පත්වෙමින් තිබේ.
තමන්ගේ සංවිධාන ශක්තිය ගැන බොරු පම්පෝරී ගැසූ රජයේ රතු තරුව සැබැවින්ම මහපොළවේ සැබෑ අභියෝගාත්මක තත්ත්වයක වැඩ බැරි යාන්ත්‍රණයක් බව ඔප්පු වෙමින් තිබේ.
ඔවුන් විසින් දූෂිත යැයි හංවඩු ගැසූ පසුගිය රජයන් හි ප්‍රාදේශීය යාන්ත්‍රණය සැබෑවටම කාර්යක්ෂම එකක් බව පෙනේ.
- සචින්
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..