රාජ්‍ය සේවක පඩි හා මහාචාර්ය ලියනගේ අමරකීර්ති උද්දාමය..
බරපතළ ආර්ථික බිඳවැටීමකට මුහුණු දී, බංකොලොත් වී ඇති ලංකාවේ - මේ උගත්, විද්‍යාර්ථීන් ගේ උකටලී හා නෝංජල් ආකල්ප පද්ධතිය ද - මෙරට සුවිශේෂී නිදහස් අධ්‍යාපනයේ තවත් එක් අවාසනාවන්ත ප්‍රතිඵලයකි. උගත්කම හේතුවෙන්ම ලද මහත් සිවිල් සමාජ බලයක් පරිහරණය කරන නමුදු, මේ උගතුන් පොදු ජනයා පෙළන වත්මන් සමාජ අර්ථ ක්‍රමයේ සාහසික ප්‍රවාහයන්ට එරෙහිව කිසිවක් කිරීමට නොව - එවැන්නක් ගැන සිතීමට පවා බිය වෙති. එනමුත් ඉතා ඉහළ අතිරේක දීමනා, නිදහස් වාහන බලපත්‍ර, නිසරු විදෙස් සංචාර බඳු පොදු ජනයා හට අහිමි ආර්ථිකමය වරදාන ඉදිරියේ දී ඔවුන් ගේ මේ නෝංජල් හා උකටලී ස්වභාවය වහා අතුරුදන් වේ. එබඳු දෑ වෙනුවෙන් - මහජන මුදලින් උගෙන, මහජන මුදලින්ම යැපෙන මේ උගතුන් ඒ ඒ අවස්ථාන්හි දී පවත්නා රජය ට එරෙහිව - 'මහජන මුදලින්' කිසියම් වරදානයක් ලබා ගැනීම වෙනුවෙන් මාරාන්තික සටනක යෙදෙති.
2012 වසරේ දී අපේ සරසවි ඇදුරෝ නිදහස් අධ්‍යාපනය වෙනුවෙන් මෙරට දළ දේශීය නිෂ්පාදනයෙන් [Gross Domestic Product (GDP)] 6% ක් වෙන් කරන ලෙස ඉල්ලා මහත් උද්ඝෝෂණයක් සිදු කළහ. තෙමසකට වැඩිකලක් සිසුන් වෙත ඉගැන්වීමෙන් වැළකී, වීදි සටන් කළ හ. බැලූ බැල්මට නම් මේ සටන, මෙරට පොදු ජනයා වෙනුවෙන් කෙරූ සටනෙකි. ඉක්බිති රජය එකවැරම මේ සරසවි ඇදුරන් ගේ වැටුප් හා දීමනා තුන් හතර ගුණයකින් ඉහළ දැමූ හ. එවිට ලක්ෂයක් හමාරක් වැටුප් ලැබූ මේ සරසවි ඇදුරන් ගේ මාසික ආදායම, ලක්ෂ හතරහමාරක් පහක් දක්වා ඉහළ නැඟිණ. ඉක්බිති ඔවුන් ගේ සටන නැවතිණ. එදවස ලංකාවේ දළ දේශීය නිෂ්පාදනයෙන්, අපගේ සුවිශේෂී නිදහස් අධ්‍යාපනය වෙනුවෙන් වෙන්කළ මුදල් ප්‍රමාණය, ප්‍රතිශතයක් ලෙස සැළකූ කල, 1.5% ක් පමණ විය. ඉන් දස වසක් ඉක්ම ගිය තැන, එනම් 2022 වසර වන තෙක් ද - එම ප්‍රතිශතය නොවෙනස්ව පැවතිණ. එනමුත් මේ අවනඩුව පිළිබඳව අපේ සරසවි ඇදුරෝ 'මීක්' නොකීහ. අනතුරුව ඉන්ද්‍රජාල මායාකරුවන් බඳු අපේ උසස් මූල්‍ය නිළධාරීන්, කිසියම් විශේෂ ගණනය කිරීම් වැලක් සිදුකොට, 2023 වසරේ දී අදාල ප්‍රතිශතය 8.68 % ක් බවට වාර්තා පිළියෙල කළහ. 2023 වසරේ දී මෙරට නිදහස් අධ්‍යාපන වැඩපිළිවෙළෙහි කිසිදු විශේෂ වෙනසක් සිදු නොවූ බවත්, බංකොලොත් ලංකාවේ පොදු ජනයා ගේ ජීවිතය අවරින් අවරට ඇද වැටුණු බවත්, මෙරට ජීවත් වූ කිසිවෙකුටත් රහසක් නොවේ. මෙබඳු සංඛ්‍යා ලේඛන විජ්ජා මඟින් මෙලොව කිසිදු රටකට ආර්ථික ජයග්‍රහණයන් අත් කර ගත නොහැක. මෙරට පොදු ජනයා දැන් මෙබඳු සංඛ්‍යා ලේඛන විජ්ජා මගින් ප්‍රමෝදයට පත් කොට, කුල්මත් කිරීමට ද නොහැක. මේ මෙරට පොදු ජනයාගේ මුදලින් උගත් විද්‍යාර්ථීන් ගේ පංති ක්‍රියාකාරිත්වය පිළිබඳ, එක් අවාසනාවන්ත හා විළි ලජ්ජාව උපදවන සුළු උදාහරණයක් පමණි.
ලංකාවේ පංති සටන තුළ - මහජන මුදලින් උගෙන, එයින්ම නඩත්තු වන අපේ වෛද්‍යවරුන් ගේ, ඉංජිනේරුවන් ගේ හා රාජ්‍ය පරිපාලන නිළධාරීන් ගේ සැබෑ චර්‍යාව හෙවත් පංති ක්‍රියාකාරිත්වය ද මෙයට කිසිසේත්ම අසමාන නොවේ. ගැඹුරු විශ්ලේෂණකින් නොව, බැලූ බැල්මට වුව, පොදු ජනයා ගේ සාමාන්‍ය දිවිපෙවෙතට වඩා වෙනස් අයුරේ, කිසියම් විනෝදකාමී ජීවිතයක් ගත කිරීමට මහත් සේ ආශා කරන, සිවිල් බලයක් සහිත මේ නිදහස් අධ්‍යාපනයේ උගතුන්, ලංකාවේ පංති සටනේ දී - කිසිවිටෙකත් මෙරට පොදු ජනයා නියෝජනය නොකරති. අවසාන විග්‍රයේ දී ඔවුන් නියෝජනය කරනුයේ, ස්වාර්ථයම අනුදත් මෙරට සාහසික අධිපති පංතිය යි.
(මුහුණුපොතෙන් උපුටාගන්නා ලදී.)
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..