ස්ත්‍රී දූෂකයා, අපරාධකරුවා සහ හමුදාව

Mar 17, 2025 at 01:25 PM

|

Lanka Leader

හැම හමුදාවකටම "හර පද්ධතියක්" තියෙනව. රටින් රටට මේවා සුළු ප්‍රමාණයකින් වෙනස්:-

දේශප්‍රේමය, විනය, පක්ෂපාතීත්වය,  අවංකභාවය, ගෞරවය, දැණුම, ධෛර්යය,   නිර්භීතකම, සමගිය, කැපවීම. 

හමුදාවක පුහුණුව, කාර්‍ය, ප්‍රවේශය, පුද්ගල ආකල්ප, කේන්ද්‍ර වෙන්නේ මේ හරයන් තුලටයි.

මේ හරයන්  හමුදාවෙ විතරක් නෙවෙයි, බහුතරයක් පුරවැසියන්ගේ අඩු-වැඩියෙන් පිහිටල තියෙනව. ඔබ හමුදාවට බැඳුනොත් මෙව්ව ඉස්මතු කරවනව විශේෂයෙන්ම පුහුණුවේදී සහ ඉන් පස්සෙ වෘත්තීය ජීවිතයේදී.  හැබැයි හැමෝටම ඒක දරාගන්න බෑ. එහෙම අය හමුදාව අතෑරල යනව.

ඒ අයගේ මේ හරයන් ආරෝපණය වෙන්නෙ නෑ. 

දැං ඔන්න එහෙම ගියාම එයා තව දුරටත් සෙබලෙක් නෙවෙයි. හමුදාවෙ ඉන්දැද්දිත් මේ හරයන් මූලික හරයන් කර නොගත්තොත් ඔහුත් සෙබලෙක් නෙවෙයි.

අර "චීවරධාරියා" කියන වචනෙන් කියැවෙන්නෙ බුදුන් ගේ මග නොයන පැවිද්දන්ට. ගරුතර මහා සංඝරත්නයට නොවෙයි. අන්න ඒ වගේ. 

දැං එහෙව් එකෙක් අපරාධ කලාම, ඒක හමුදාවේ ආභාෂයෙන් කියල හිතන්න, කියන්න තරං ගොබ්බ වෙන්න එපා. එහෙව් එවුං චීවරයක් දරාගෙන සාසනේ හිටියත්, වෛද්‍ය කබායක් දාගෙන ඔපරේෂන් තියටර් එකක හිටියත්, ශිෂ්‍යයො පිරිවරාගත් ඇදුරුතුමෙක් උනත් ඒ හැසිරීම එහෙමමයි. ඒක නිකං මොඩිලිං කරන හැම යුවතියක්ම, එහෙම නැත්තං හැම නිලියක්ම ගණිකාවක් කියනව වගේ නොහොබිනා කතාවක්.

තව ජාන වලින් ගේන කොටසකුත් තියෙනව. ලමාවිය ගතකරපු පරිසරයෙන් ලැබෙන කොටසකුත්

තියෙනව. එව්වට වෘත්තිය වගකියන්න ඕනෙ නෑ සහ වග කියන්නත් බෑ. ඔය අපරාධ කාරයින්ගේ පසුබිම් අධ්‍යයන වාර්තා ටිකක් අරං බැලුවොත් මේ කාරනා පැහැදිලි වෙනව. 

ඵනිසා විනයගරුක ත්‍රිවිධ හමුදාවට අගෞරව නොකර දූෂකයාට උපරිම දඩුවමි දිය යුතු අතර මෙවැනි දෑ ඉදිරියට ඇති නොවීමට කළහැකි සියලු දෑ කල යුතුව ඇත.

ඔය මාධ්‍යකරණයේ යෙදෙන හොද සිත්  ඇති උදවියත් මේ කාරනා දැනගන්නෝන සහ එහෙම දැන

විශ්‍රාමික හමුදා නිලධාරියෙකුගේ සමාජ මාධ්‍ය ගිණුමකින් උපුටා ගැනීමකි.