අමෙරිකාව සමග පවතින ගැටුම්කාරී තත්ත්වය සමනය කරගැනීමේ එකඟතාවයක කොටසක් ලෙස, හෝමුස් සමුද්‍ර සන්ධියේ ඕමාන් පාර්ශවයට අයත් මුහුදු තීරය හරහා නෞකාවලට නිදහසේ ගමන් කිරීමට ඉඩ ලබාදීම කෙරෙහි ඉරානයේ අවධානය යොමුව ඇති බව විදෙස් මාධ්‍ය වාර්තා කරයි.

ඉන්ධන සඳහා පනවා ඇති ෆෙඩරල් නිෂ්පාදන බදු තාවකාලිකව ඉවත් කිරීමට කැනේඩියානු අග්‍රාමාත්‍ය මාර්ක් කාර්නි පියවර ගෙන ඇත.

චීනය විසින් ඉරානයට හමුදාමය ආධාර සපයන බවට එල්ල වී ඇති චෝදනා පදනම් කරගනිමින් අමෙරිකා එක්සත් ජනපදය පැනවීමට සූදානම් වන නව වෙළඳ බදු වලට එරෙහිව දැඩි ප්‍රති-ක්‍රියාමාර්ග ගන්නා බවට චීනය අනතුරු අඟවා තිබේ.

ඉරානය සමඟ පවතින යුදමය තත්ත්වය මේ වන විට අවසන්වීමට ඉතා ආසන්න මට්ටමක පවතින බව ඇමෙරිකානු ජනාධිපති ඩොනල්ඩ් ට්‍රම්ප් පවසයි.

මැදපෙරදිග කලාපය තුළ පවතින උග්‍ර යුදමය තත්ත්වය හමුවේ ඉතාලිය සහ ඊශ්‍රායලය අතර පවතින ආරක්ෂක සහයෝගීතා ගිවිසුම අත්හිටුවීමට ඉතාලි රජය තීරණය කර ඇතැයි ඉතාලි අග්‍රාමාත්‍ය ජෝර්ජියා මෙලෝනි ප්‍රකාශ කළේය.

ඉරාන වරායන් ඉලක්ක කරගනිමින් අමෙරිකානු මධ්‍යම අණසක (CENTCOM) විසින් පැනවූ නාවික අවහිරතාවයේ පළමු පැය 24 තුළ කිසිදු නෞකාවකට එය තරණය කිරීමට ඉඩ නොදුන් බව අමෙරිකාව පැවසුවද ස්වාධීන නාවික ගමන් පථ නිරීක්ෂණ දත්ත (Marine tracking data) මගින් අනාවරණය වන්නේ ඉරානයට සම්බන්ධ ඇතැම් නෞකා හෝමූස් සමුද්‍ර සන්ධිය සාර්ථකව තරණය කර ඇති බවයි.

අමෙරිකාව සහ ඉරානය අතර පැවැත්වෙන සාම සාකච්ඡා යළි ආරම්භ කිරීම සඳහා දෙරටේ නියෝජිතයින් මෙම සතියේදී ඉස්ලාමාබාද් නුවරට පැමිණීමට හැකියාවක් ඇති බව විදෙස් මාධ්‍ය වාර්තා කරයි.

ඇමරිකාවේ චිකාගෝ විශ්ව විද්‍යාලයේ දේශපාලන විද්‍යාව පිළිබද මහාචාර්ය ජෝන් මියර්ශෙයිමර් පවසන්නේ 1979 සිට 2021 දක්වා ඇමරිකානු සම්බාධක වල ප්‍රථිපල ලෙස ලෙස මිලියන 38 ක් මිනිසුන් මියගොස් ඇති බවයි.

හෝමූස් සමුද්‍ර සන්ධියට යුද නෞකාවක් ළඟාවීම යනු සටන් විරාමය උල්ලංඝනය කිරීමක් සේ සලකන බව ඉරාන ඉස්ලාමීය විප්ලවවාදී ආරක්ෂක බළකාය (IRGC) පවසයි.