අපහාස නීතිය ඉවත් කිරීම රනිල් වික්‍රමසිංහ මහතා විසින් සිදුකළ අපරාධයක් බවත්, අනුන්ට මඩගහන පත්තරය කළ පුද්ගලයකු අද ස්විට්සර් ලන්තයේ සිට මෙරට ශාසනය හදන්න කතාකරන බවත් පූජ්‍ය ගලගොඩඅත්තේ ඥානසාර හිමියෝ පවසති.

ජපානය සහ පිලිපීනය එක්ව නිකුත් කළ ඒකාබද්ධ ප්‍රකාශයක් සම්බන්ධයෙන් අදහස් දක්වමින්, “එම රටවල් දෙක අතර විශේෂ ආර්ථික කලාපය (EEZ) සහ මහද්වීපික තට්ටුවට අදාළ සමුද්‍රීය සීමා නිර්ණය සඳහා විධිමත් සාකච්ඡා ආරම්භ කිරීමට තීරණය කර ඇති” බව සඳහන් කළ චීන විදේශ අමාත්‍යාංශ ප්‍රකාශිකා මාඕ නිං අද පැවසුවාය.

ශ්‍රී ලංකා සංචාරක ප්‍රවර්ධන කාර්යාංශයේ මුදල් අවභාවිත කළ බව කියන සිද්ධියකට අදාළව හිටපු අමාත්‍ය බැසිල් රාජපක්ෂ මහතා ඇතුළු පිරිසක් අත්අඩංගුවට ගෙන අධිකරණයට ඉදිරිපත් කරන ලෙස කොටුව මහේස්ත්‍රාත් අධිකරණය අද (29) අපරාධ පරීක්ෂණ දෙපාර්තමේන්තුවට නියෝග කර තිබේ.

ශ්‍රීලන්කන් ගුවන් සේවය පවත්වාගෙන යෑම සඳහා රාජ්‍ය-පෞද්ගලික හවුල්කාරිත්ව (PPP) ආකෘතියක් හඳුන්වා දීමට රජය සැලසුම් කරමින් සිටින බව ගුවන්සේවා අමාත්‍ය අනුර කුමාරණාතිලක පවසයි.

ආර්ථිකය ස්ථාවර කිරීමේ නාමයෙන් මහ බැංකු අධිපතිවරයා හිතුවක්කාර ලෙස ගනු ලබන තීන්දුවලින් අර්බුදය වර්ධනය වන බව ජාතික සංවිධාන පවසති.

කියෙව්, යුක්රේනය – නැගෙනහිර යුරෝපයේ පවතින දැඩි නොසන්සුන්කාරී වාතාවරණය තුළ, යුක්රේනයේ කියෙව් නුවර පිහිටි තම තානාපති කාර්යාලයේ නිලධාරීන් ඉවත් කර ගැනීමට ඇමරිකානු රජය තීරණය කර තිබේ.

ලෝක වෙළෙඳපොළේ ඉන්ධන මිල ගණන් අනුව ඉදිරියේදී මෙරට ඉන්ධන මිල ගණන් සංශෝධනයේදී මිල අඩුවීමක් බලාපොරොත්තු විය නොහැකි බව ඛනිජ තෙල් නීතිගත සංස්ථාවේ කළමනාකාර අධ්‍යක්ෂ මයුර නෙත්තිකුමාරගේ මහතා පවසයි.

ලංකා කාර්මික සංවර්ධන මණ්ඩලයේ (IDB) සභාපති රවී නිශ්ශංක සිය ධුරයෙන් ඉල්ලා අස්වීමේ ලිපිය භාර දී ඇති බව වාර්තා වේ.

ශ්‍රී ලංකාව තුළ විදුලිය සහ ඉන්ධන මිල නියම කිරීමේදී, ඒවා නිෂ්පාදනය කිරීමට හා සැපයීමට වැය වන සැබෑ පිරිවැය වහාම නිරූපණය වන පරිදි මිල සූත්‍ර සක්‍රිය කළ යුතු බව ජාත්‍යන්තර මූල්‍ය අරමුදල (IMF) සිය නවතම කාර්ය මණ්ඩල වාර්තාව මඟින් අවධාරණය කර සිටියි.