කියුබාවේ ජාතික විදුලිබල පද්ධතියට අමෙරිකා එක්සත් ජනපදය විසින් බාධා පැමිණවීම සහ කියුබාවේ නැඟෙනහිර ප්‍රදේශයට ඔස්කාර් සුළි කුණාටුවෙන් සිදුවූ බලපෑමත් සමඟ රට මුහුණ දෙන තත්ත්වය පිළිබඳ සමාලෝචනයක් කියුබාවේ ජනාධිපති, ජාතික ආරක්ෂක කවුන්සිලයේ සභාපති, Miguel Díaz-Canel Bermúdez විසින් සිදුකර තිබේ.

රුසියාවේ ටැටර්ස්ථාන් පළාතේ කසාන් නගරයේ දී රුසියානු ජනාධිපති ව්ලැදිමිර් පුටින්ගේ ප්‍රධානත්වයෙන් බ්‍රික්ස් රාජ්‍ය නායක සමුළුව අද(22) ඇරැඹේ.

එක්සත් රාජධානියේ මහා භාණ්ඩාගාරයේ චාන්සලර් රේචල් රීව්ස් පවසන පරිදි, G7 කණ්ඩායමේ පුළුල් ණය දීමේ වැඩසටහනක කොටසක් ලෙස, රුසියාවට එරෙහි යුක්‍රේනය කරගෙන යන යුද්ධ කටයුතු සඳහා එක්සත් රාජධානිය යුක්රේනයට පවුම් බිලියන 2.26 (ඩොලර් බිලියන 2.94) ණයක් ලබා දීමට නියමිත බව විදෙස් මාධ්‍ය වාර්තා පවසයි.

ඉන්දියාව එක්සත් ජනපදයට ඉතා වැදගත් ඛනිජ පිළිබඳ හවුල්කාරිත්ව ගිවිසුමක් යෝජනා කර ඇති අතර, එය දේශීය විද්‍යුත් වාහන (EV) නිෂ්පාදකයින්ට එක්සත් ජනපද වෙළඳපොලේ ප්‍රතිලාභ ලබා ගැනීමට උපකාරී වන පුළුල් නිදහස් වෙළඳ ගිවිසුමකට තුඩු දෙනු ඇතැයි අපේක්ෂා කරන බව ඉකොනොමික් ටයිම්ස් පුවත් පත ඊයේ(20) ලිපියක් පල කරමින් පවසා සිටියේය.

විශ්‍රාමික ඇමරිකානු ජෙනරාල්වරුන් වන ෆිලිප් බ්‍රීඩ්ලව් සහ බෙන් හොජස්, ලිතුවේනියාවේ කුඩා පරිමාන ජර්මානු හමුදාවකට මහා පරිමාණ රුසියානු ආක්‍රමණයකට එරෙහිව රට ආරක්ෂා කළ හැකි බවට වොෂින්ටනයේ පවත්වන ලද විනිවිද නොපෙනෙන “යුද ක්‍රීඩා” උපුටා දක්වමින් පෙන්වා දුන්නේය.

ඊශ්‍රායල අගමැති බෙන්ජමින් නෙතන්යාහු, තම නිවාඩු නිකේතනය ලෙබනනයේ සිට දියත් කරන ලද ඩ්‍රෝන ප්‍රහාරයකට ඉලක්ක වූ බවත් ඒ අනුව ඉරාන සහාය ලබන හිස්බුල්ලා සන්නද්ධ කණ්ඩායම තමා සහ තම බිරිඳ මරා දැමීමට උත්සාහ කළ බවට චෝදනා කළේය. ඊයේ(19) උදෑසන, පුපුරණ ද්‍රව්‍ය පටවාගත් UAV යානා තුනක් උතුරු ඊශ්‍රායලයේ වෙරළබඩ නගරයක් වන සිසේරියා දෙසට පියාසර කරන අයුරු දැකගත හැකි විය. ඊශ්‍රායල ආරක්ෂක බලකාය (ඓඪ්F) විසින් ඩ්‍රෝන යානා දෙකක් ප්‍රහාර එල්ල කර විනාශ කළ අතර, තුන්වැන්න අගමැතිගේ පෞද්ගලික නිවස අසල පුපුරා ගියේය. ප්‍රහාරය සිදුවන අවස්ථාවේදී නෙතන්යාහු සහ ඔහුගේ බිරිඳ නිවසේ නොසිටි නමුදු සිය හිවාඩු නිකේතනය ආශ්‍රිත භූමියේ සිටි පුද්ගලයන්ගේ ජීවිත වලට හානි සිදුවී ඇත.

චීන ජනාධිපති ෂී ජින්පින් නැගෙනහිර චීනයේ අන්හුයි පළාතේ වැසියන්ගෙන් ඉල්ලා සිටියේ නව සංවර්ධන දර්ශනය සෑම අතකින්ම භාවිතා කරන ලෙසත්, චීන නවීකරණයේ අන්හුයි පරිච්ඡේදයක් ලිවීම සඳහා බහු ජාතික සංවර්ධන උපාය මාර්ගවල එහි භූමිකාව ප්‍රයෝජනයට ගන්නා ලෙසත් ය. චීන කොමියුනිස්ට් පක්ෂයේ (CPC) මධ්‍යම කාරක සභාවේ ප්‍රධාන ලේකම් සහ මධ්‍යම හමුදා කොමිසමේ සභාපති ද වන ෂී, 17 සහ 18 දක්වා අන්හුයි පළාතේ කළ නිරීක්ෂණ චාරිකාවකදී මෙම ප්‍රකාශය කළේය.

ඊශ්‍රායල අග්‍රාමාත්‍ය බෙන්ජමින් නෙතන්යාහුගේ නිවස ඉලක්ක කර ගනිමින් ඩ්‍රෝන ප්‍රහාරයක් එල්ල වී තිබේ.

කියෙව් පරිපාලනයට න්‍යෂ්ටික අවි ලබා ගැනීමට මොස්කව් පරිපාලනය කිසිදා ඉඩ නොදෙන අතර ඒ සඳහා දරන ඕනෑම උත්සාහයකට සුදුසු ප්‍රතිචාරයක් ලැබෙනු ඇතැයි රුසියානු ජනාධිපති ව්ලැඩිමීර් පුටින් අවධාරණය කළේය.