එක්සත් ජාතීන්ගේ මහා මණ්ඩලයේදී රුසියානු - යුක්‍රේන යුද්ධය සම්බන්ධයෙන් ඉදිරිපත් කළ යෝජනාවකට ශ්‍රී ලංකාව සහ ඉන්දියාව ඡන්දය දීමෙන් වැළකී සිටී.

මෙරටට ගෙන්වනු ලබන බාල ගල්අඟුරු හේතුවෙන් රජයට සෑම නැවකින්ම රුපියල් කෝටි 90ක පමණ අතිවිශාල පාඩුවක් සිදුවන බව හිටපු අමාත්‍ය පාඨලී චම්පික රණවක මහතා පවසයි.

යාපනය මණ්ඩතිව් ජාත්‍යන්තර ක්‍රිකට් ක්‍රීඩාංගණයේ ඉදිකිරීම් වහාම නතර කරන ලෙස මධ්‍යම පරිසර අධිකාරියේ අධ්‍යක්ෂ ජනරාල්වරයා විසින් ශ්‍රී ලංකා ක්‍රිකට් ආයතනයට ලිඛිතව දැනුම් දී තිබේ.

ලංකාවට පැමිණෙන රුසියානු සංචාරකයන් ප්‍රමාණය අඛණ්ඩව පහළ යාමක් වාර්තා වන බව නිවැරදි දත්ත ඇසුරින් සමාජ මාධ්‍ය තුළ අනාවරණයක් සිදු කර තිබේ.

න්‍යෂ්ටික ගිවිසුමක් පිළිබඳ ඉරානයේ සහ අමෙරිකාවේ දැඩි වෙනස් දැක්ම මෙන්ම සැලකිය යුතු එක්සත් ජනපද මිලිටරි ගොඩනැගීම හේතුවෙන් සාකච්ඡා ක්‍රියාවලියේ අස්ථාවරත්වය සහ ගැටුමේ අඛණ්ඩ අවදානම ඉස්මතු කළද එක්සත් ජනපදය සහ ඉරානය සාකච්ඡා දිගටම කරගෙන යාමට තීරණය කර ඇත.

බාල ගල් අඟුරු ගනුදෙනුව නිසා රුපියල් කෝටි 767 පාඩුවක් සිදුව තිබෙන බව විදුලිබල මණ්ඩලය පාර්ලිමේන්තුවට පෙන්වා දී තිබුණත් ඊට වඩා විශාල පාඩුවක් එමගින් රටට සිදුව තිබෙන බව ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා පවසයි.

කොළඹ දී පැවැත්වූ සඟ සමුළුව සම්බන්ධයෙන් අදහස් දක්වමන් අරුණළු ජනතා පෙරමුණේ නායක වෛද්‍ය ඒ.ආර්. ක්‍රිෂාන් මහතා පවසන්නේ වඩා වැදගත් වන්නේ එම සමුළුවට පැමිණි භික්ෂූන් වහන්සේලා ප්‍රමාණය නොව උන්වහන්සේලා ලබාදුන් පණිවුඩය බව යි.

කුප්පි ලාම්පුවක් දල්වාගෙන කෙසෙල්වත්ත, සාංචිආරච්චි වත්ත ප්‍රදේශයේ පාළුවට ගිය අඳුරු සහිත ගොඩනැගිල්ලක් තුළ අයිස් මත්ද්‍රව‍ය පානය කරමින් සිටි නීතිඥවරයෙකු කෙසෙල්වත්ත පොලීසිය මඟින් අත්අඩංගුවට ගෙන මාළිගාකන්ද මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුව පෙබරවාරි 26 වෙනිදා දක්වා රක්ෂිත බන්ධනාගාරගත කිරීමට නියෝග කර තිබේ.

නොරොච්චෝල ලක්විජය බලාගාරය සඳහා මෙරටට ගෙන්වන ලද මුල් ගල්අඟුරු නැව් හයේම අඩංගු ගල්අඟුරු, අනුමත ටෙන්ඩර් ප්‍රමිතීන්ට වඩා බෙහෙවින් පහත් මට්ටමක පවතින බව රසායනාගාර වාර්තා මගින් තහවුරු වී ඇතැයි බලශක්ති විශේෂඥ විදුර රලපනාව මහතා පවසයි.