දේශීය සහ බටහිර වෛද්‍ය ක්‍රමය ඒකාබද්ධ කරන රාජ්‍ය ප්‍රතිපත්තියක් ඕනෑ - ළමා රෝග විශේෂඥ වෛද්‍ය හැරිස් පතිරගේ
රටේ ආයුර්වේද සහ බටහිර වෛද්‍ය විද්‍යාව ඒකාබද්ධව ප්‍රථිකාර කිරීමේ ප්‍රතිපත්තියක් සකස් කළ යුතු බව කොළඹ රිච්වේ ආර්යා ළමා රෝහළේ ළමා රෝග විශේෂඥ වෛද්‍ය, කොළඹ විශ්ව විද්‍යාලයේ වෛද්‍ය පීඨයේ සම්මානිත ජ්‍යෙෂ්ඨ කථිකාචාර්ය සහ ශ්‍රී ලංකා වෛද්‍ය සභාවේ හිටපු සාමාජික විශේෂඥ වෛද්‍ය හැරිස් පතිරගේ මහතා සඳහන් කරයි.
ඒ මහතා සමග මේ සම්බන්ධයෙන් සිදුකළ සාකච්ඡාවක් පහළින්...
ජනාධිපතිවරණ උණුසුම සමග ළමා ශ්වසන රෝග ඉහළ යාමක් පිළිබඳව අහන්නට ලැබෙනවා. එය ඇත්තද?
ළමා ශ්වසන රෝගවල විශේෂ ඉහළයාමක් නම් වාර්තා වෙන්නෙ නෑ. පවතින කාලගුණික තත්වය අනුව යම් යම් වෙනස් කම් ඇති වුවත් ඒවා බරපතල වෙනස්කම් කියන්න බෑ.නමුත් සමස්ත සමාජයේ ශ්වසන රෝග ඉහළ යාහැකි අවධානමක් මේ ජන ඒකරාශී වීම සමග, ඇතිවිය හැකියි.
ඔබත් දන්නවා කොරෝනා හෙවත් කොවිඩ් වසංගත තත්වය හමුවේ මුළු රටෙි ලොකු කුඩා සියලු දෙනා මුව ආවරණ පලදින්න පටන් ගෙන තිබුණ නිසා ශ්වසන ආබාධ විශාල වශයෙන් පහත වැටුනා. නමුත් දැන් නැවැත ජනතාව මුව ආවරණ පැළදීම අත්හැර දමා තිබෙනවා. මේ නිසා ජනාධිපතිවරණ සමයේ ජන ඒකරාශිවීම් බහුලව සිදුවන නිසා ශ්වසන රෝග ඉහළයාමක් සිදුවිය හැකි අවදානමක් තිබෙනවා. නිශ්චිතවම ඒ ගැන කියන්න තව සති කිහිපයක් ගතවිය යුතුයි.
සාමාන්‍යයෙන් අපේ රටෙි සීත කාලයේදී ඒ කියන්නෙ දෙසැම්බර් සිට පෙබරවාරි දක්වා පමණ කාලය තුල ශ්වසන ආබාධ වැඩිවීම ස්වාභාවික තත්වයක්.
පසුගිය කාලය පුරාවට රෝහල්වල ඹෟෂධ හිඟයක් ගැන අහන්න දකින්න ලැබුණා. දැන් ඒ තත්වය කොහොමද?
මෑතක නම් එහෙම ඹෟෂධ හිඟයක් ගැන අහන්න ලැබුණෙ නෑ.
ඔබ ළමා රෝග විශේෂඥයෙකු විදියට ඉතා වටිනා සෞඛ්‍යය මාර්ගෝප දේශ සහිත පොතක් ලියා පලකර තිබෙනවා.ඊට ලැබෙන ප්‍රතිචාර කොහොමද?
ඇත්තටම ඉතාම සතුටුදායක අන්දමේ ප්‍රතිචාර ලැබෙනවා. පොත පළමු මුද්‍රණය අලෙවි වී අවසන්ව තිබෙන නිසා දැන් දෙවන මුද්‍රණයත් පටන් ගත්තා. මෙරටෙි විශේෂඥ වෛද්‍යවරුන් මෙන්ම මාධ්‍යවේදීන් හා සාමාන්‍ය ජනතාවත් මෙම පොතේ අන්තර්ගතය ගැන ප්‍රශංසාත්මකව කතා කලා.දරුවෙක් ඉන්න සැම නිවසකම තිබිය යුතු පොතක් බවටත්, එහි ඇති සෞඛ්‍යය උපදෙස් පිලි පැදිමෙන් නිරෝගි දරුවෙකු හදාවඩා ගතහැකි බවටත්, සෞඛ්‍යය ක්ෂෙත්‍රයේ ආචාර්ය මහාචාර්ය වෛද්‍යවරුන් පෙන්වා දී තිබෙනවා. ඒ අතර හෙද හෙදියන් මෙන්ම සෞඛ්‍යය ක්ෂෙත්‍රයේ අනිකුත් කාර්ය මණ්ඩල වලටත් ඔවුන් ගේ රාජකාරියේදී ප්‍රායෝගිකව වැදගත් වන පොතක් කියලත් ඔවුන් සදහන් කර තිබෙනවා.
එමෙන්ම පාසැල් පුස්තකාල පොතක් වශයෙන් අනුමැතියට මේ වන විට ඉදිරිපත් කර තිබෙනවා.
අපේ රටෙි දරු සම්පත රැක ගැනිම අන්සියලු කටයුතු වලට වඩා වැදගත් වෙනවා.මෙහී දී විශේෂයෙන් වෛද්‍යවරුන්ට විශාල වගකිමක් පැවැරෙනවා.ඒ අනුව ළමා සෞඛ්‍යය පිළිබඳ රාජ්‍ය ප්‍රතිපත්ති තව ශක්තිමත් විය යුතුයි කියල ඔබලා යෝජනා කර තිබුණා නේද?
ඇත්තටම රටක හෞතික සම්පත්වලට වඩා අගය කල යුත්තේ සහ රැක ගත යුත්තේ මානව සම්පතයි.අපේ දරුවන් අයත් වෙන්නෙ ඒ මානව සම්පතටයි.මේ නිසා ලෝක සෞඛ්‍යය සංවිධානය වගේම , ඒ සම්බන්ධ ආයතන විටින් විට ළමා සෞඛ්‍යය යහපත් ලෙස පවත්වා ගෙන යාම සදහා නිර්ණායකයන් ඉදිරිපත් කර තිබෙනවා.
මොකද වසංගත රෝග තත්වයන්ට වඩා පහසුවෙන් හා ඉක්මණින් ගොදුරු වන්නේ අපේ කුඩා දරුවන් වීම ඊට හේතුව වී තිබෙනවා.ඒ අතර දැන් කුඩා දරුවන් පවා බෝ නොවන රෝගවලට සීග්‍රයෙන් ගොදුරු වෙමින් තිබෙන තත්වයක් දක්නට ලැබෙනවා.
ඒ ඒ රටවල දැනටමත් ක්‍රියාත්මක වන පාරම්පරික සහ දේශීය වෛද්‍ය ක්‍රමයන් සමඟ ඒකාබද්ධව කටයුතු කල යුතු බව ලෝක සෞඛ්‍ය සංවිධානය අවධාරණය කර තිබෙනවා.කොවිඩ් වසංගත තත්වය සමඟ මේ ඒකාබද්ධ වෛද්‍ය ප්‍රතිකාර ක්‍රමය ලෝකයේ ඇතැම් රටවල ක්‍රියාත්මක වුනා. එයින් ලබා ගත් අත්දැකිම් අපටත් තිබෙනවා.ඒ අනුව බෝවන හෝ බෝ නොවන රෝග සදහා අපේ රටෙි දේශීය වෛද්‍ය සහ ,ආයුර්වේද වෛද්‍ය ක්‍රමයට අනුකූල ජීවන රටාව සහ ආහාර පාන රටාව ආහාර රටාව,ඹෟෂධීය බෙහෙවින් වැදගත් වන බව මේ වන විටත් ඔප්පු වී තිබෙනවා.මේ සත්‍යය තව දුරටත් වසංකල නොහැකි නිසා වෛද්‍ය ක්‍රමය සහ බටහිර වෛද්‍ය ක්‍රම දෙක ඒකාබද්ධව ප්‍රතිකාර කිරිමේ රාජ්‍ය ප්‍රතිපත්තියක් තුළින් ජනතාවට උපරිම සෞඛ්‍ය සේවයක් ලබාගත හැකියි..ජනාධිපතිවරණයෙන් පසුව බිහිවන නව රජය සමඟ මේ සම්බන්ධයෙන් සාකච්ඡා කර ඉදිරි ක්‍රියාමාර්ග ගැනිම ඉතාම වැදගත්.
බටහිර වෛද්‍ය විද්‍යව සමඟ දේශීය වෛද්‍ය විද්‍යාව ඒකාබද්ධව කටයුතු කල යුතුයි කියන මතය බටහිර වෛද්‍යවරුන් ගේ පොදු මතයක්ද? සමහර වෛද්‍යවරු ඔය යෝජනාව විවෙිචනය කරනවා නේද?
මමත් බටහිර වෛද්‍ය විද්‍යාව අනුව ප්‍රතිකාර කරන කෙනෙක්.ලෝක සෞඛ්‍ය සංවිධානය 2005 වර්ෂයේ සිටම ඒ ඒ රටවල ක්‍රියාත්මක කෙරෙන පාරම්පරික, දේශීය ප්‍රතිකාර ක්‍රමය සමඟ බටහිර වෛද්‍ය ප්‍රතිකාර ක්‍රමය ඒකාබද්ධ කල යුතු බවට විටින් විට විවිධ නිර්දේශයන් ඉදිරිපත් කර තිබෙනවා.අනෙක බොහෝ අවස්ථාවල අපෙත් අත්දැකිම තමයි මේ ප්‍රතිකාර ක්‍රම දෙක යොදා ගෙන ප්‍රතිකාර කිරිමෙන් ඒ ප්‍රතිකාරවල ගුණාත්මක හා ථලදායිතාව වැඩි කර ගන්න පුළුවන් කියන කාරණය.මේ සම්බන්ධයෙන් බීජින් සම්මේලනය බැංකොක් සම්මෙිලනය වැනි ලෝක ප්‍රසිද්ධ සම්මේලනවලදීත් මේ වෛද්‍ය ක්‍රම දෙක ඒකාබද්ධව ක්‍රියාත්මක කිරිමෙන් ලබා ගත හැකි ප්‍රයෝජන පෙන්වා දී තිබෙනවා. පසු ගිය කොරෝනා කාලයේ මේ තත්වය සාක්ෂි වශයෙන්ම අත්විදින්න පුළුවන්කම ලැබුණා,
නාවින්න ආයුර්වෙිද පර්යේෂණායතනයේ හා රාජගිරිය අයුර්වෙිද රෝහලේ දේශිය සහ ආයුර්වේද වෛද්‍යවරු සමඟ මමත් එකතු වී ඒ තැන්වලදී කොරෝනා රෝගීන් සදහා ප්‍රතිකාර පිළිබඳව අධ්‍යයනයන් කළා ,එයින් අපි අත් දැක්කා බටහිර හා ආයුර්වේද වෛද්‍ය ප්‍රතිකාර ක්‍රම දෙක ඒකාබද්ධ කිරීමෙන් නිරෝගී ජනතාවක් බිහි කර ගන්න පහසුවෙන බව.චීනය කාම්බෝජය වියට්නාමය වැනි රටවල රජයේ රෝහල්වල මේ ඒකාබද්ධ ප්‍රතිකාර ක්‍රමය දැනටමත් ක්‍රියාත්මක වෙනවා. අපේ රටෙිත් වෛද්‍යවරුන් හෙද හෙදියන් හා අනෙකුත් කාර්ය මණ්ඩල මේ ඒකාබද්ධ වෛද්‍ය ප්‍රතිකාර ක්‍රමයේ අවශ්‍යතාව අවබෝධ කර ගෙන තිබෙනවා.
අපේ රටෙි ආර්ථික අර්බුදය සමඟ බොහෝ වෛද්‍යවරු රටහැර ගිය බව පසුගිය කාලයේ වාර්තා වුනා.මේ නිසා වෛද්‍යවරුන් ගේ හිඟයක් ඇති බවත් කියවුනා. දැන් තත්වය කොහොමද?
බටහිර වෛද්‍ය හිඟය විටින් විට මතුවෙනවා.නමුත් අපේ රටෙි වෛද්‍ය විද්‍යාලවලින් සහ විදේශීය රටවල වෛද්‍ය උපාධි ලබා වසරක් පාසා වෛද්‍යවරුන් දෙදහසක් පමණ අලුතින් වෛද්‍ය සේවයට එකතු වෙනවා.මෙලෙස වෛද්‍ය සේවයට එක්වන අය වෛද්‍ය ක්ෂෙත්‍රයේ රඳවා ගැනිමේ වැඩ පිලිවෙලක් නිශ්චිතව ක්‍රියාත්මක වෙන්න ඕනේ.එමෙන්ම මානව සම්පත් පිළිබඳව අධ්‍යයනය කරලා අපේ රටෙි ජනගහණයට අනුව අවශ්‍යවන වෛද්‍යවරු සංඛ්‍යාව දියුණු රටවල් සමඟ සංසන්දනාත්මකව ගලපා ගෙන ඉදිරි වසර දහයක පහලොවකට අවශ්‍ය වෛද්‍යවරුන් ගණනය කර ගත යුතු වෙනවා.ඊට හේතුව වෛද්‍ය හිඟයක් ඇති නොවිය යුතු වගේම, රැකියා නොමැති වෛද්‍ය අතිරික්තයක්ද ඇති නොවිමට වගබලා ගත යුතු වෙනවා.අසාමාන්‍ය ආකාරයට වෙනත් නිෂ්පාදන බිහිවෙන ආකාරයට වෛද්‍යවරු බිහි කරන්න බෑ.ඒ නිසා මේ සම්බන්ධයෙන් රජයේ මැදිහත්වීමෙන් දීර්ඝකාලීන ප්‍රතිපත්තියක් සකස් කිරීම ඉතා වැදගත්.
මෙරටෙි වෛද්‍ය හිඟයට පෞද්ගලික වෛද්‍ය විද්‍යාල සදහා වැඩි අවස්ථාවක් ලබා දිය යුතු බවට පසුගිය කාලයේ යෝජනා වී තිබුණා. ඒ ගැන ඔබලා දක්වන ප්‍රතිචාරය කොහොමද?
හතු පිපෙනවා වාගේ වෛද්‍ය විද්‍යාල හදලා වෛද්‍යවරු බිහි කරන්න බෑ.ඒ සදහා රටේ අවශ්‍යතාවයට ගැලපෙන ආකාරයට ,ඉහළ ප්‍රමිතියෙන් යුතු වෛද්‍යවරුන් බිහිකිරීමට රජයේ මැදිහත්වීමෙන් , විශේෂයෙන් ඒ සම්බන්ධ වගකීම දරන ශ්‍රී ලංකා වෛද්‍ය සභාවේ නිර්දේශවලට අනුකූලව වැඩපිළිවෙළක් තිබිය යුතුයි, මිනිස් ජීවිත ජිවිත සමඟ සෙල්ලම් කරන්න බෑ.ගුණාත්මක වෛද්‍ය සේවයක් සදහා අවශ්‍ය මානව සම්පත පිළිබඳව විධිමත් අධ්‍යයනකින් පමණයි මේ පිළිබඳව තීරණ ගත යුත්තේ.අපේ රටෙි දැනට තිබෙන වෛද්‍ය විද්‍යාලවලින් වසරකට සමජ ගත වන වෛද්‍යවරුන් ගේ සංඛ්‍යාව,වසරක් පාසා විදෙස්ගත වෛද්‍යවරු සංඛ්‍යාව,ජනගහණ වර්ධන වෙිගය ආදි මේ සියලු කරුණු අධ්‍යයනය කරලයි පෞද්ගලික වෛද්‍ය විද්‍යාල සම්බන්ධයෙන් තීරණ ගත යුත්තේ.
අපි දැක්කා රෝහල් කීපයක් සම්බන්ධ කරගෙන පෞද්ගලික වෛද්‍ය විද්‍යාල ඇති කිරීමට ගත් උත්සහයන් කීපයක්.
වෛද්‍ය ක්ෂෙත්‍රයේ ප්‍රධාන අංශ හතරක් තිබෙනවා. වෛද්‍ය,ළමා වෛද්‍ය,ශල්‍ය වෛද්‍ය හා නාරි ප්‍රසව වෛද්‍ය කියන ප්‍රධාන අංශ හතරට අමතරව විශේෂඥ වෛද්‍ය අංශ පනහකට ආසන්න සංඛ්‍යාවක් තිබෙනවා. ඒ හැම අංශයක් ගැනම දැනුමක් සහ ප්‍රායෝගික සායනික පුහුණුවක් සෑම වෛද්‍ය සිසුවෙකුම ලබා ගත යුතු වෙනවා. ඒ අනුව වෛද්‍යවරයකු බිහිකිරිම විධිමත් සැලසුමක් නැතුව කරන්න බෑ. මුදල්.තිබුණා කියල වෛද්‍යවරු බිහි කරන්න බෑ කියල අපි කියන්නෙ ඒ නිසයි.
ඔබ මුලින් සදහන් කලා බෝ නොවන රෝගවලට අපේ දරුවන් ගොදුරු වෙන ප්‍රමාණය සීග්‍රයෙන් වැඩි වෙලා කියල.මේ තත්වයට හේතුව මොකක්ද?
මට රිජ්වෙි ළමා රෝහලේ බාහිර රෝගි අංශයේ තිබෙන අත්දැකිම් අනුව දිනකට ප්‍රතිකාර ලබා ගැනිමට දරුවන් 1500 පමණ පැමිණෙනවා, ඒ අතරින් මෑත කාලයේදී, දියවැඩියාව,අධික රුධිර පිඩනය,හෘද රෝග,හා කෙලොස්ටර්රෝල් වැඩි විම කියන මේ රෝගි තත්වයන්ට ගොදුරු වූ දරුවන්ගේ සංඛ්‍යාවේ වැඩිවීමක් අප නිරීක්ෂණය කලා, මේ නිසා අලුතින් ළමා දියවැඩියා සායන කිපයක් ආරම්භ කරන්න සිදුව තිබෙනවා.මේ තත්වයට ප්‍රධානම හේතුව ජිවන රටාවෙි වෙනස්කම් හා ආහාර රටාවෙි වෙනස්කම් කියල පැහැදිලියි.විශේෂයෙන්ම අපි ව්‍යවහර භාෂාවෙන් කියනවා නම් කෘතිම සහ ක්ෂණික ආහාර පාන වලට ඇබ්බැහිවීම මේ රෝගි.තත්වයන්ට ප්‍රධාන හේතුවක් කියල කියන්න පුළුවන්.ඒ නිසා දෙමාපියන් , ගුරුවරුන් සහ වැඩිහිටියන් දරුවන් ගේ ආහාර පාන රටාව ගැන විශේෂ සැලකිල්ලක් දැක්විය යුතුයි.පුංචිකාලයේ දරුවන්ට නොයෙක් කෑම දෙනවා.දැන් වෙළෙඳ පොලේ තිබෙන කෑම දරුවන්ට දෙනවා නම් ඒ ගැන අවබෝධයෙන් හා අවධානයෙන් යුතුව තමයි දෙමාපියන් කටයුතු කල යුත්තේ.
සම්බන්ධිත පුවත් | Related News
ප්‍රධාන පුවත්
ගාසා තීරය, ඉරානය හරහා ඉන්දියානු සාගරය වෙත එළඹෙන නව ලෝක යුධ වාතාවරණය ගැන ජාත්‍යන්තර භූගෝලීය විශ්ලේෂිකා ජිහාන් හමීඩ්ගෙන් අනතුරු ඇඟවීමක්..
ඊශ්‍රායලය සහ ඉරානය අතර පෙර නොවූ විරූ ගැටුම: මෙතෙක් අප දන්නා දේ
ඉරානයෙන් ඊශ්‍රායලයට දැවැන්ත බැලස්ටික් මිසයිල ප්‍රහාරයක්..
‘සීනි බද්ද රුපියල් 50 සිට ශත 25ක් තෙක් අඩු කිරීමේදී අපරාධමය වරදක් සිදුව නෑ’ - නීතිපති අධිකරණයට දන්වයි
රුසියානු ජාතික දිනය නිමිත්තෙන් ශ්‍රී ලංකාවේ රුසියානු තානාපතිතුමාගේ ප්‍රධානත්වයෙන් සැමරුම් උත්සවයක්..
ඊශ්‍රායල ප්‍රහාරයට 'දැඩි දඬුවම්' ලබා දෙනවා- ඉරානය සපථ කරයි.
විදුලි ගාස්තු වැඩිකිරීමට IMF කළ බලපෑම මෙන්න..
දරුවන් 60 ලක්ෂයක් වෙනුවෙන් කතාකළ කාන්තා පරපුර සංවිධානයට ජ්‍යෙෂ්ඨ නිතිඥ කල්‍යානන්ද තිරාණගම මහතාගෙන් මල් මිටක්..
ඊශ්‍රායල ගුවන් හමුදාව ඉරානයට "පූර්ව අනතුරු අඟවන" ප්‍රහාරයක් එල්ල කළා- ඊශ්‍රායල ආරක්ෂක අමාත්‍ය ඊශ්‍රායල් කැට්ස්
දරුවන්ගේ ආරක්ෂාව අනතුරේ හෙළා, සමරිසි අයිතීන් සුරකින නීති සංශෝධන එපා.. - ලක්මව දියණියෝ කියති..
ගෝඨාභයගෙන් බදුසහන ගත්තු අයම තමයි, ඔහු එලවන්න ගාලුමුවදොර බුරියානි බෙදුවේ.. - මහාපරිමාණ ජාවාරම්කාරයන් සහ ඩයස්පෝරාවේ සූක්ෂම මෙහෙයුම ගැන වෛද්‍ය වසන්ත බණ්ඩාරගෙන් අනාවරණයක්..
උතුරේ සිංහල ජනයාගේ හිමිකම් සහ අයිතිවාසිකම් සුරක්ෂිත කිරීමේ විද්වත් කථිකාව ජූලි 01 දා සවස 2 ට කොළඹ පුස්තකාල සේවා මණ්ඩල, ප්‍රලේඛන ශ්‍රවනාගාරයේ දී..
60 ලක්ෂයක දරුවන් අනාරක්ෂිත කරමින්, අධිකරණ ඇමැතිවරයාට බලපෑම් කර දණ්ඩනීති සංග්‍රහයේ 365, 365 (අ) වගන්ති සංශෝධනය කිරීමට මානව හිමිකම් කොමිසම දරණ උත්සාහයට කාන්තා පරපුර සංවිධානයේ විරෝධය..
දණ්ඩ නීති සංග්‍රහය සංශෝධනය කිරීම මගින් ළමා අපචාර සහ සමලිංගික ක්‍රියා ප්‍රචලිත කිරීම: ප්‍රවෘත්ති සාකච්ඡාව පිළිබඳව
දින කිහිපයක් තිස්සේ ගැටුම් හේතුවෙන් ලොස් ඇන්ජලීස් නගරයට ඇඳිරි නීතිය පනවයි
විදුලි ගාස්තුව සියයට 15කින් ඉහළට..