දේශපාලන උවමනාවන් වෙනුවෙන් විශ්ව විද්‍යාල බිලිදෙන අනීතික අධ්‍යාපන ප්‍රතිපත්ති රාමුව වැළැක්විය හැක්කේ කෙසේද?
දැනට ගෙවමින් පවතින්නේ මැතිවරණ සමයයි. සාකච්ඡා, එකඟතා, විරෝධතා යනාදී සියල්ල මතින්, දේශපාලන පොරපිටිය මීළඟ ජනාධිපතිවරයා තීරණය කිරීම සඳහා සකස් වෙමින් පවතී. පසුගිය සතියේ ඉතා තීරණාත්මක දේශපාලන හමුවක් මාධ්‍ය වාර්තා කර තිබුණි. පාර්ලිමේන්තු මන්ත්‍රී සුමන්දිරම් ප්‍රමුඛ දෙමළ සන්ධානයේ පිරිසක් ජනාධිපති රනිල් වික්‍රමසිංහ හමුවී තිබුණි. මෙම හමුව අවසානයේ සුමන්දිරම් මහතා ඉතා පැහැදිලිව ඉල්ලා සිටියේ , ජනාධිපතිවරණයේ දී රනිල් වික්‍රමසිංහට සහය වීම සඳහා දහතුන් වන ව්‍යවස්ථාව සංශෝධනය ජනාධිපතිවරණයට පෙර ක්‍රියාත්මක කළ යුතු බවයි. පලපුරුදු දේශපාලනඥයෙකු ලෙස, පවතින දේශපාලන තත්ත්වය තම දේශපාලන අරමුණු සඳහා යොදා ගැනීම සුමන්දිරම් මහතාට නුපුරුදු දෙයක් නොවේ.
එම සතියේම ජනාධිපතිවරයා විසින් විශ්වවිද්‍යාල ආචාර්යවරු පිරිසක් හමුවූ බවද මාධ්‍ය වාර්තා කර තිබුණි. එය විවෘත හමුවීමක් වූ අතර, උසස් අධ්‍යාපන ක්ෂේත්‍රයේ ඉහළම බලධාරීන්ද මෙම රැස්වීමට සහභාගී වී තිබීම දක්නට ලැබුණි. මෙහිදී ජනාධිපතිවරයා, විශ්වවිද්‍යාල ඉහළ ප්‍රමිතියකට ඔසවා තැබීම තම අභිප්‍රාය බව සඳහන් කළ අතර, රාජ්‍ය විශ්ව විද්‍යාල ප්‍රතිව්‍යුහගත කිරීම පිළිබඳව ද අදහස් දක්වා ඇත. එයින් නොනැවතී, විශ්වවිද්‍යාල කළමනාකරණය සඳහා නව මොඩලයක් හඳුන්වා දෙන බවද පවසයි. මෙම හමුව සඳහා රාජ්‍ය විශ්වවිද්‍යාල ආචාර්යවරුන්ගෙ කොපමණ නියෝජනයක් තිබුණු දැයි මෙම ලේඛකයාට අදහසක් නොමැත. ඒ කෙසේ වෙතත්, ජනාධිපතිවරයාගේ අදහස් දැක්වීමේ අනුව, ඔහු තව දින කිහිපයකින් දූර කාලය හැරයන ජනාධිපතිවරයෙක් ලෙස අදහස් දක්වා නැති අතර, එයට සහභාගි වූ ආචාර්යවරු ද එය එසේ නොසලකා ඇති බව පෙනෙන්නට ඇත. මෙය ඉතා පැහැදිලිව ජනාධිපතිවරයා විසින් ඉදිරි මැතිවරණය ඉලක්ක කොට ගෙන, සිය ඡන්ද ව්‍යාපාරය වෙනුවෙන් පවත්වන ලද හමුවක් බව පෙනේ. මෙම හමුවීම් ද්විත්වය තුළින් ඉතා පැහැදිලි වෙනසක් අවධාරණය කළ හැක. සුමන්දිරම් මහතා, දේශපාලන අභිලාෂ ඉටු කර ගැනීම වෙනුවෙන් ජනාධිපතිවරයාට යම් පීඩනයක් එල්ල කරන බව පැහැදිලිය. එය දියුණු හා තියුණු දේශපාලනික මැදිහත්වීමකි. අනෙක් අතට, විශ්ව විද්‍යාල ආචාර්යවරුන්ගේ හමුව, ජනාධිපතිවරයාගේ ප්‍රතිරූපය නැංවීම වෙනුවෙන් වූ හුදු සුහද හමුවකි.
මෙම වෙනස මේ මොහොතේ වැදගත් වන්නේ අන් කිසිවක් සඳහා නොව, මෙරට උසස් අධ්‍යාපනයට ඉතා අහිතකර තත්ත්වයක් නිර්මාණය කෙරෙන, වත්මන් රජය විසින් ජනපති රනිල් වික්‍රමසිංහගේ සභාපතිත්වය යටතේ ඉදිරිපත් කරන ලද, දැනට ක්‍රියාත්මක තලයේ පවතින අධ්‍යාපන ප්‍රතිපත්ති රාමුව වළක්වන්නේ කවුද? ඒ කෙසේද? යන්නටයි. මෙම ප්‍රතිපත්ති රාමුවේ අන්තර්ගතය පිළිබඳ ජනතාවට, විශේෂයෙන්ම සිංහල පාඨකයින්ට ප්‍රමාණවත් අවබෝධයක් නොමැති තත්ත්වයක් තුළ, එය පිළිබඳ ඉතා කෙටි හඳුන්වා දීමක් කළ යුතුය. රටේ මූලික නීතිය වන ව්‍යවස්ථාවේ ප්‍රතිපාදන ඉක්මවා යමින් මධ්‍යම රජයද සතුව ඇති විශ්ව විද්‍යාල පිහිටීමේ සහ පවත්වාගෙන යාමේ වගකීම සම්පූර්ණයෙන්ම පළාත් සභාවන්ට පැවරීමට මෙහිදී යෝජනා කරයි. නැවත රාජ්‍ය විශ්ව විද්‍යාල පිහිට නොවීමට රජය ප්‍රතිපත්ති තීරණයක් ගෙන ඇති අතර, නව විශ්වවිද්‍යාල පළාත් සභා යටතේ පමණක් පිහිට වනු ඇත. එමෙන්ම, ව්‍යවස්ථාවේ උපදේශන කාර්යයක් පවරා ඇති පළාත් අධ්‍යාපන මණ්ඩලය සඳහා ස්වයං පාලන බලතල යෝජනා කරයි. ලංකාවේ ඒකීය තත්ත්වය අභියෝගයට ලක් කරමින්, අනුයෝජිතතා මූලධර්මය (The Principle of Subsidiarity) අනුව මධ්‍ය දුර්වල කර, ව්‍යවස්ථාව ඉක්මවා යන බලය විමධ්‍යගත කිරීමේ වුවමනාව විවෘතවම සඳහන් කර ඇත. මෙම කාරණා පිළිබඳ විස්තරාත්මක විග්‍රහයක් සඳහා මෙම පුවත්පතටම මා විසින් රචිත අගෝස්තු 18 දින පළ වූ “විශ්වවිද්‍යාල පළාත්සභා කරණය කිරීමේ අනතුර” ලිපිය කියවන්න.
නිසැකවම විශ්ව විද්‍යාල ආචාර්යවරු සහ ශාස්ත්‍රවේදීන් විශ්ව විද්‍යාල ප්‍රජාව මෙම අනීතික අධ්‍යාපන ප්‍රතිපත්ති රාමුව වැළැක්වීම සදහා පෙරමුණ ගත යුතුය. ඒ මක් නිසාද යත්, මෙම යෝජිත ප්‍රතිපත්ති රාමුවේ ප්‍රධාන ගොදුර වන්නේ මෙරට විශ්ව විද්‍යාල පද්ධතියයි. නමුත් අවාසනාවන්ත තත්වය වන්නේ එයට එරෙහිව ශක්තිමත් මතවාදයක් ජනතාව තුළට රැගෙන යාමට තවමත් අපොහොසත් වීමයි. ප්‍රතිපත්ති රාමුව හරහා විශ්ව විද්‍යාල පද්ධතියට සිදුවන බලපෑම පිළිබඳ නිවැරදි සහ සංගත තක්සේරුවක් විශ්ව විද්‍යාල ප්‍රජාව අතරද පවතීද යන්නද ගැටලුවකි. මෙම ප්‍රතිපත්ති රාමුව පිළිබඳව දැනට සුළු වශයෙන් හෝ ජනගත වී ඇති විරෝධය පවා එක්තරා ධ්‍රැවීකරණය වූ ස්වභාවයක් ගනියි. එනම් මෙහි බොහෝ විවේචකයින් මෙම ප්‍රතිපත්තිරාමුවේ අධ්‍යාපන වෙළඳපොලකරණ නැඹුරුව දෙසට පමණක් ම සිය විවේචන සීමා කරයි. මවිතයට කරුණ නම් ඉතා පැහැදිලිව පෙනෙන්නට ඇති ව්‍යවස්ථා විරෝධී අධ්‍යාපන විමධ්‍යගතකරණය සහ විශ්වවිද්‍යාල පළාත්සභා කරනය මෙම විවේචකයින්ට මගහැරී තිබීමයි. මෙය එක්තරා දුරකට විවේචකයින් දරන දේශපාලන ආස්ථානයන් නිසා සිදුවන දෙයක්ද විය හැක. නව ප්‍රතිපත්ති රාමුවට එරෙහිව ශක්තිමත් මතවාදයක් ජනතාව තුළට රැගෙන යමින් සියලුම පක්ෂ සහ අපේක්ෂකයින් සඳහා යම් පීඩනයක් එල්ල කරමින් නිරත විය යුතු තියුණු දේශපාලනය මැදහත් වීමක් ඇත්තේම නැති තරම්ය. මැතිවරණ සමය ඒ සඳහා තෝතැන්නක් බව නොකියව මනාය. අප අපතේ යවන්නේ මෙම වැදගත් මොහොතයි.
මෙහිදී ජනතාව වෙත රැගෙන යා යුතු ඉතාම වැදගත් පණිවිඩය නම් මෙම නව අධ්‍යාපන ප්‍රතිපත්ති රාමුව ජනතාව ප්‍රතික්ෂේප කළ දේශපාලන න්‍යායපත්‍රයකට අනුව යමින් ඉදිරිපත් වී ඇති බවයි. එය ඉතා පහසුවෙන් පෙන්වා දිය හැක. මෙම දේශපාලන න්‍යායපත්‍රය හඳුනා ගැනීම සඳහා මෙම අධ්‍යාපන ප්‍රතිපත්තියේ මතවාදී පදනම වන අනුයෝජිතතා මූලධර්මය (The Principle of Subsidiarity) දෙස විමසීමක් කළ යුතුය. මෙම මූලධර්මය ප්‍රථම වරට ශ්‍රී ලංකාවේ ව්‍යවස්ථා ඉතිහාසය තුළ අත්හදා බැලුවේ යහපාලන රජය විසින් පිළියෙල කරන ලද ව්‍යවස්ථා කෙටුම්පත තුළය. එම කෙටුම්පතේම පිළිගන්නා පරිදි මෙම මූලධර්මය රටේ දැනට පවතින ඒකීය තත්ත්වයට එරෙහිව යයි. දැඩි ජනතා විරෝධතා මත හකුලා ගැනුණු මෙම වෑයම නැවත අධ්‍යාපන ප්‍රතිපත්ති රාමුව තුළින් මතු වී ඇත. ජනපති රනිල් වික්‍රමසිංහ දහතුන් වන ව්‍යවස්ථාව ක්‍රියාත්මක කිරීම අරභයා පාර්ලිමේන්තුව හමුවේ 2023.08.09 දින පැවැත්වූ කතාව විමසූ විට මෙම තත්ත්වය කිසිසේත්ම පුදුමයකට කරුණක් නොවේ. මෙහිදී ජනාධිපතිවරයා ඉතා පැහැදිලිවම යහපාලන සමයේ නැවතූ තැනින් ඉදිරියට යෑම තම අභිප්‍රාය බව සඳහන් කරයි. ඒ සඳහා තමාට ජනවරමක් තිබේද යන්න පිළිබඳ ජනාධිපතිවරයාට එතරම් තැකීමක් නොතිබූ බවක් පෙනේ. ඒ කෙසේ වෙතත් අධ්‍යාපන ප්‍රතිපත්තියේ මතවාදී පදනම යහපාලන යුගයේ අසාර්ථක ව්‍යාපෘතියක් තුළින් මතු කෙරී ඇත. මීට අමතරව විශ්ව විද්‍යාල පිහිටවීම සඳහා පළාත්සභා බලගැන්වීමක් පිළිබඳව ද ජනාධිපතිවරයා අදහස් දක්වන ලදී. විශ්ව විද්‍යාල පිහිටවීම සමගාමී කාර්යයක් ලෙස ව්‍යවස්ථාවේ සඳහන් කර තිබියදීත් ජනාධිපතිවරයා මෙයින් අදහස් කළේ කුමක්ද? ඔහුගේ සභාපතිත්වයෙන් ඉදිරිපත් කරන ලද නව අධ්‍යාපන ප්‍රතිපත්ති රාමුවෙන් එය පැහැදිලි වේ. එනම් විශ්වවිද්‍යාල පිහිටවීමට සහ පවත්වාගෙන යෑමට මධ්‍යම රජයට ඇති ව්‍යවස්ථාපිත අධිකාරිය අහෝසි කර එය පළාත් සභාවේ තනි අධිකාරියකට යටත් කිරීමයි. කොතරම් අදූරදර්ශී තීරණයක් ද? මෙය පළාත්සභා බලගැන්වීමකට වඩා වාර්ගික සහ ප්‍රාදේශීය දේශපාලන අත මාරුවක් වෙනුවෙන් විශ්ව විද්‍යාල බිලිදීමකි. මේ හරහා අප රටට තවදුරටත් ජාතික විශ්ව විද්‍යාල අහිමිවනු ඇත.
ඉතා පැහැදිලිව මෙම පණිවිඩය ජනතාවට සංවේදී වනු ඇත. මෙරට සාමාන්‍ය ජනතාවට අධ්‍යාපනය විශේෂයෙන්ම උසස් අධ්‍යාපනය සමාජ සංචලනය සඳහා ඇති ප්‍රධාන මෙවලමයි. එය තුළ සමාජ සාධාරණත්වය අහිමි වීම, වාර්ගික අභිලාෂ හා ප්‍රාදේශීය වාදය මතුවීම, විනිවිද භාවයෙන් තොරවීම දැඩි මහජන කම්පනයට හේතුවනු ඇත. මේ හරහා ගොඩ නැගෙන මහජන අප්‍රසාදය මෙකී අධ්‍යාපන ප්‍රතිපත්තිය ආපසු හැරවීම සඳහා යොදාගත හැකි වනු ඇත.
- ආචාර්ය නාලක සමරවීර, ඉංජිනේරු පීඨය, මොරටුව විශ්ව විද්‍යාලය
සම්බන්ධිත පුවත් | Related News
ප්‍රධාන පුවත්
නියෝජ්‍ය ඇමැතිවරු 29ක් දිවුරුම් දෙති
අපි සම්ප්‍රදාය වෙනස් කළා යැයි කියමින් යාපනෙන් ආපු අලුත් මන්ත්‍රී විපක්ෂ නායක පුටුවේ වාඩිවෙලා... අයින් වෙන්න බෑ කියයි (වීඩියෝ)
නාඩු මෙට්‍රික් ටොන් ලක්ෂ 22ක් මෝල්හිමියෝ හංගලා... මෝල්හිමියන්ගේ කූඨ උපායට නව රජයත් හසුවෙලා - ජාතික ගොවිජන එකමුතුවේ සභපාති අනුරාධ තෙන්නකෝන්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි
මහාචාර්ය හිනිදුම සුනිල් සෙනෙවි නිර්මාණ කොල්ලකරුවන්ගේ ලැයිස්තුවේ?
රුසියාවේ නව න්‍යෂ්ටික මූලධර්මයෙහි වන ප්‍රධාන කරුණු
ආණ්ඩුවට ලැබුණු ජනවරමට එරෙහිව ක්‍රියා කරන්නේ නෑ... ජනවරම ආරක්ෂා කරමින් ජනතාවගේ අපේක්ෂා වෙනුවෙන් පෙනීසිටිනවා - ජාතික නිදහස් පෙරමුණෙන් නිවේදයක්
රටට එරෙහි බලවේගවල කුමන්ත්‍රණ පිළිබඳ නිරන්තරයෙන් අවධානය යොමුකළ යුතුයි... සතුරාගේ ඉලක්කය තවමත් එලෙසින්ම ක්‍රියාත්මකයි - මහාචාර්ය පූජ්‍ය මැදගොඩ අභයතිස්ස හිමි
බෙදුම්වාදීන් විසින් මිලට ගත් හිමාලයා භික්ෂූන් ජනපති අනුරට උගුල අටවයි
නාඩු සහල් මෙට්‍රික් ටොන් 65,000ක් ඉන්දියාවෙන් ගෙන්වයි
ජර්මනියෙන් චීනයට තර්ජන
පාස්කු වන්දි ලෙස රු.මිලියන 311ක් ලැබිලා... වින්දිතයන්ට බෙදපු හැටි ගැන උසාවිය වාර්තාවක් ඉල්ලයි
උතුරේ ජනතාව ආණ්ඩුවට ලබාදුන් ඡන්දය ජාතිවාදයට පමණක් නොව බෙදුම්වාදයටත් විරුද්ධ ඡන්දයක්... ආණ්ඩුව එය තේරුම් ගෙන කටයුතු කිරීම වැදගත් - විමල් කියයි (වීඩියෝ)
එක්සත් ජනපදය සැපයූ මිසයිල යොදාගෙන රුසියානු භුමියේ අභ්‍යන්තරය ඉලක්ක වලට ප්‍රහාර එල්ල කිරීමට බයිඩන් යුක්රේනයට අවසර දෙයි- නිව් යෝර්ක් ටයිම් පුවත් පත
නව ආණ්ඩුවේ හොඳ වැඩවලට සහාය ලබාදෙනවා... අපි කකුලෙන් අදින පක්ෂයක් නෙමෙයි - උවිඳු කියයි
ශිෂ්‍යත්ව විභාගයේ ප්‍රතිඵල නිකුත් කිරීම වළක්වාලමින් අතුරු තහනම් නියෝගයක්