"අපි අපරාධකරුවන් 1,200 කට වැඩි පිරිසක් රඳවාගෙන සිටිනවා. ඔවුන් ටෙක්සාස්, කොලොම්බියා, පේරු, චිලී යන රටවල කලක් පුහුණුව ලැබූවන් බව තහවුරු වී තිබෙනවා. ඔවුන්ව පැමිණ පහර දී ගිනි තැබීම් කිරීමට පුහුණු කරන ලද පුද්ගලයන්. ඔවුන් ජංගම රෝහලක්ට ගිනි තැබීමට උත්සාහ කළ නමුත් ඔබ සහ ප්‍රදේශවාසීන් එක්ව ඔවුන්ව පලවා හැර තිබෙනවා. ඔවුන් මේ කරණු ලබන්නේ විරෝධතාවක්ද නැත්නම් දේශපාලන අරගලයක්ද?" මදුරෝ කැරකස් නුවර වීදිවල රාජකාරි කළ ජාතික ආරක්ෂක භට කණ්ඩායමක් අමතමින් පැවසුවේය.

වෙනිසියුලාවේ ජනාධිපතිවරණය පසුගිය ජූලි 28 වෙනිදා පැවැත්විණි. ජාතික මැතිවරණ කවුන්සිලය ජුලි 29 දා 2025-2031 සඳහා මදුරෝ ජනාධිපති ලෙස පත්ව ඇතැයි ප්‍රකාශයට පත් කළේය. මැතිවරණ කවුන්සිලයට අනුව 51% ක ඡන්ද ප්‍රතිශතයක් මදුරෝට ලැබිණි. මදුරෝගේ පත්වීමට එරෙහිව ජූලි 29 වැනිදා වෙනිසියුලාවේ විරෝධතා ආරම්භ විය.ඒ අනුව කැරකස් හිදි පොලිසිය සහ විරෝධතාකරුවන් අතර ගැටුම් ආරම්භ විය. විරෝධතාකරුවන් නීතිය ක්‍රියාත්මක කරන නිලධාරීන් ඉලක්ක කර ගල් හා මොලොටොව් කොක්ටේල් විසි කළහ. වෙනිසියුලානු අධිකරණ ආරංචි මාර්ග වලට අනුව, ගැටුම් හේතුවෙන් නීතිය බලාත්මක කරන නිලධාරීන් 77 දෙනෙකු තුවාල ලබා ඇත.එලෙසම රාජ්‍ය දේපල විනාශ කිරීම, වෛරය ඇවිස්සීම සහ ත්‍රස්තවාදය පැතිරවීම යන චෝදනා රඳවා සිටි අයට එරෙහිව එල්ල කර තිබේ.

වෙනිසියුලානු රජය පැවසුවේ රටවල් ගණනාවක් වෙනිසියුලානු ජනාධිපතිවරණය නිරීක්ෂණයට සහ ජනතාවගේ ස්වයං නිර්ණ අයිතිය සුරැකීමට මැදිහත් වූ බවයි.

මේ අතර මොස්කව් පරිපාලනය කියා සිටියේ වෙනිසියුලානු විපක්ෂය මැතිවරණ පරාජය පිළිගත යුතු බවයි. ක්‍රෙම්ලිනයේ ප්‍රකාශක දිමිත්‍රි පෙස්කොව් වෙනිසියුලාව තුළ තත්වය අස්ථාවර කිරීමට සහාය දැක්වන  තුන්වන පාර්ශවයේ රටවලට එරෙහිව අනතුරු ඇඟවීය.

CARACAS, August 1 (Sputnik) 

Tens of thousands of Venezuelans are now marching through Caracas in support of the Maduro government