චීනය න්‍යෂ්ටික අවි බල ව්‍යාප්තිය වේගවත් කරයි - වාර්තාව
පසුගිය මාස කිහිපය තුළ චීනය සිය න්‍යෂ්ටික අවි බලය “වෙනත් ඕනෑම රටකට වඩා වේගයෙන්” ව්‍යාප්ත කරමින් සිටින බව ස්ටොක්හෝම් ජාත්‍යන්තර සාම පර්යේෂණ ආයතනයේ (SIPRI) වාර්ෂික වාර්තාව පවසයි. බීජිං පරිපාලනය 2023 ජනවාරි මාසයේ සිට න්‍යෂ්ටික ද්‍රව්‍ය අඩංගු මිසයිල ශීර්ෂ 90 ක් සිය යුද අවි තොගයට එක්කර ඇතැයි එම වාර්තාව පවසයි
කෙසේ වෙතත්, අනෙකුත් න්‍යෂ්ටික බලයෙන් සන්නද්ධ ජාතීන් ද ඔවුන්ගේ මහා විනාශකාරී ආයුධ නවීකරණය කරමින් සිටින අතර ඔවුන් සතුව ඇති ක්‍රියාකාරී න්‍යෂ්ටික ද්‍රව්‍ය අඩංගු මිසයිල ශීර්ෂ සංඛ්‍යාව වැඩි කරමින් සිටින බවද එම වාර්තාව පෙන්වා දෙයි.
ඉරිදා ප්‍රකාශයට පත් කරන ලද SIPRI වාර්තාවට අනුව, එක්සත් ජනපදය සහ රුසියාව ලෝකයේ න්‍යෂ්ටික අවිවලින් 90%කට ආසන්න ප්‍රමාණයක් සතු විශාලතම න්‍යෂ්ටික බලවතුන් වේ.
"කෙසේ වෙතත්, චීනය "වෙනත් ඕනෑම රටකට වඩා වේගයෙන් සිය න්‍යෂ්ටික අවි ගබඩාව ව්‍යාප්ත කරමින් සිටිනවා.", SIPRI හි Weapons of Mass Destruction Program සමඟ සම්බන්ධ ජ්‍යෙෂ්ඨ නිළධාරියෙකු වන Hans M. Kristensen පවසයි. SIPRI හි වාර්තාවලට අනුව පෙනී යන්නේ බීජිං හි න්‍යෂ්ටික අවි ගබඩාව 2023 ජනවාරි සහ 2024 ජනවාරි අතර න්‍යෂ්ටික ද්‍රව්‍ය අඩංගු මිසයිල ශීර්ෂ 410 සිට 500 දක්වා වර්ධනය වී ඇති බව පවසයි.
පසුගිය ඔක්තෝම්බර් මාසයේදී එක්සත් ජනපද ආරක්ෂක දෙපාර්තමේන්තුවේ නිකුත් කළ වෙනම වාර්තාවකින් පෙන්වා දුන්නේ චීනය “2023 මැයි වන විට ක්‍රියාකාරී න්‍යෂ්ටික ද්‍රව්‍ය අඩංගු මිසයිල ශීර්ෂ 500කට වඩා සන්තකයේ තබාගෙන ඇති බවයි. පෙන්ටගනය එම වාර්තාව මගින් අනාවැකි පළ කළේ 2030 වන විට මෙම සංඛ්‍යාව 1000 ඉක්මවනු ඇති බවයි.
Sඓඵ්ර්‍ඓ පවසා සිටින්නේ, "පළමු වතාවට, චීනය දැන් සාම කාලය තුළ මිසයිල මත කුඩා න්‍යෂ්ටික ද්‍රව්‍ය අඩංගු ශ්‍රීර්ෂ ප්‍රමාණයක් යොදවනු ඇති" බවයි. බීජිං සතුව න්‍යෂ්ටික ද්‍රව්‍ය අඩංගු මිසයිල ශීර්ෂ 24 ක් අධි මෙහෙයුම් සඳහා සීරුවෙන් තබා ඇති බව පවසන අතර, එක්සත් ජනපදය හා රුසියාව සම්බන්ධයෙන් ගත් කළ එම සංඛ්‍යාව 1,700 කට වඩා වැඩි ය.
වාර්තාවට අනුව “දශකයේ ආරම්භය වන විට චීනයට රුසියාව හෝ ඇමරිකා එක්සත් ජනපදය තරම් අන්තර් මහද්වීපික බැලස්ටික් මිසයිල (ICBM) තිබිය හැකි නමුත්, එහි න්‍යෂ්ටික ද්‍රව්‍ය අඩංගු මිසයිල ශීර්ෂ තොගය තවමත් ඒ දෙකෙහිම තොගවලට වඩා ඉතා කුඩාව පවතිනු ඇතැයි අපේක්ෂා කරයි.”
ඊයේ(16) The Telegraph සමඟ පැවති සම්මුඛ සාකච්ඡාවකදී නේටෝ මහලේකම් Jens Stoltenberg හෙළිදරව් කළේ, න්‍යෂ්ටික ධාරිතාව වැඩි මිසයිල ගබඩාවෙන් ඉවත් කර ඒවා සූදානම්ව තැබීම පිළිබඳව සාමාජික රටවල් සාකච්ඡා කරමින් සිටින බවයි. රුසියාවෙන් සහ චීනයෙන් පැන නගින තර්ජන ඔහු උපුටා දක්වමින්, එක්සත් ජනපදය ප්‍රමුඛ මිලිටරි කන්ඩායම මොස්කව් සහ බීජිං වෙත තමන්ගේම න්‍යෂ්ටික හැකියාවන් සම්බන්ධයෙන් පැහැදිලි පණිවිඩයක් යැවීමට අවශ්‍ය බව අවධාරණය කළේය.
China rapidly expanding nuclear arsenal – report
සම්බන්ධිත පුවත් | Related News
ප්‍රධාන පුවත්
චීන නැව් ඉලක්ක කරගත් එක්සත් ජනපද නවතම වරාය ගාස්තු සැලැස්ම 'අමෙරිකාවේ සහ අන් ජාතින්ගේ අවශ්‍යතාවලට හානි කරන' බව චීනය පවසයි. නීත්‍යානුකූල අයිතිවාසිකම් ආරක්ෂා කිරීමට පියවර ගන්නා බවට සපථ කරයි
ONLINE පනත ඉවතට
සිරි දළදා වන්දනාව අද ඇරඹෙයි
වියට්නාමයේ ශ්‍රමණවේශධාරීන් පිරිසක් ලංකාවේ පාද චාරිකාවක... මහානායක හිමියන් බෞද්ධ කොමසාරිස්ට ලියයි
’’ඡන්ද නීති කඩන කතා එපා’’ මැකෝගෙන් ජනපති ලේකම්ට ලිපියක්
‘අවමාන තර්ජනය නවත්වනු’ - චීනය ඇමරිකාවට තදින් පවසයි
අමෙරිකාව පැනවූ තීරු බදු වලින් රටවල් 28ක් නිදහස් කරන්නැයි එක්සත් ජාතීන්ගේ සංවිධානය ඉල්ලයි. එහෙත් ශ්‍රී ලංකාව ලයිස්තුවට ඇතුලත් නැහැ
245% ක තීරු බදු පනවන බවට එක්සත් ජනපදයෙන් චීනයට තර්ජන
සිරි දළදා වන්දනාවට සියල්ල සූදානම්
රට බේරා ගන්න උදව් කළාට මට මෙහෙම ද සලකන්නේ.. පිල්ලෙයාන් කඳුළු සළමින් ඇසුවා - උදය ගම්මන්පිල
ට්‍රම්ප් තම වෙළඳ යුද්ධය තුළ සැබවින්ම කැමති දේ...
ආණ්ඩුව කළ නොහොබිනාම දේ තමයි තිලක් සියඹලාපිටිය විදුලිබල මණ්ඩලයේ සභාපති කිරීම - සංඛ චන්දිම අභයවර්ධන (වීඩියෝ)
හිසතෙල් ගෑමේ නැකැත අද
ආණ්ඩුව තාප බලාගාර මාෆියාවකට අහුවෙලා
ඉදිරියේදී ත්‍රස්තවාදය වැළැක්වීමේ පනත අහෝසි කරනවා - හරිනි අමරසූරිය
යුක්රේනයේ සුමි නගරයේ පැවැති යුක්රේන යුද හමුදා සම්මාන ප්‍රදානෝත්සවයට රුසියාවෙන් මිසයිල ප්‍රහාරයක් - යුක්රේන මන්ත්‍රීවරයෙක් පවසයි