ඉරාන ජනපති ගමන්ගත් හෙලිකොප්ටරය හදිසි ගොඩ බෑමක, බේරාගත් පිරිස් ආරක්ෂිත ස්ථාන කරා යවයි
ඉරාන ජනාධිපති ඊබ්රාහිම් රාසි රැගත් හෙලිකොප්ටරයක් මීට පැයකට පමණ පෙර “හදිසි ගොඩබෑමක්” කිරීමට සිදු වීම හේතුවෙන් හදිසි සේවා අණතුරට පත් වූවන් බේරා ගැනීමට කටයුතු කරමින් සිටින බව එරට රාජ්ය මාධ්ය වාර්තා කරයි.
මේ අතර ජනාධිපති ඊබ්රාහිම් රයිසි රැගත් ගුවන් යානය ඉරානයේ වයඹ දිග අසර්බයිජාන් දේශ සීමාවේ ජොල්ෆා නගරයට ආසන්නව “අනතුරකට” මුහුණපා ඇති බව විදෙස් මාධ්ය වාර්තා කර සිටියේය. ඉරාන විදේශ අමාත්ය හොසේන් අමීර් අබ්දුල්ලහියන්ද යානයේ සිටි බව වාර්තා වේ.
ඉරාන ඉස්ලාමීය රාජ්යයේ ජනරජ ප්රවෘත්ති ඒජන්සිය වෙත අදහස් දක්වමින් හදිසි සේවා අමාත්යාංශයේ ප්රකාශක Babak Yektaparast පැවසුවේ දැඩි මීදුම හේතුවෙන් ගැලවුම්කරුවන්ට හෙලිකොප්ටරයකින් අනතුරට ලක් වූ ස්ථානයට ළඟා වීමට නොහැකි වූ බවයි. වෛද්යවරුන් සහ පරිපූරක වෛද්යවරුන් සමඟ ගිලන් රථ අටකින් යුත් රථ පෙළක් ඒ වන විටත් පිටත් කර යවා ඇති බව ඔහු පැවසීය.
අභ්යන්තර කටයුතු අමාත්ය අහමඩ් වහිඩි ප්රාදේශීය මාධ්ය වෙත පැවසුවේ “සහන කණ්ඩායම් ප්රදේශය දෙසට ගමන් කරමින් සිටින නමුත් මීදුම සහ අයහපත් කාලගුණය හේතුවෙන් අනතුර සිදුවූ ස්ථානයට ළඟා වීමට යම් කාලයක් ගතවනු ඇති” බවයි.
ඉස්ලාමීය ජනරජයේ ප්රකාශක අලි බහද්රි ජාහෝර්මි නිවේදනයක් නිකුත් කරමින් කියා සිටියේ “ සිදුවූ අනතුර” පිළිබඳව සාකච්ඡා කිරීමට ඉරාන ජ්යෙෂ්ඨ නිලධාරීන් රැස්වී ඇති බවයි. විධායක උප ජනාධිපති මොහොමඩ් මොක්බර් ටෙහෙරානයෙන් පිටත්ව හෙලිකොප්ටරය හදිසි ගොඩ බෑම කළ ස්ථානයට ආසන්නයේ පිහිටි වයඹදිග ටබ්රිස් නගරයට ළඟා වී ඇති බව ඔහු තවදුරටත් පැවසීය.
මේ අතර ඉරනා රජය වැඩිදුර තොරතුරු තවමත් ප්රකාශයට පත් කර නොමැති නමුදු ප්රාදේශීය මාධ්ය පරස්පර ප්රකාශ මාලාවක් නිකුත් කර ඇත. ඉරානයේ IIRB පුවත් ඒජන්සිය වාර්තා කළේ, සිද්ධිය "බරපතල" බවටත්, "තුවාල වීමේ ඉහළ සම්භාවිතාවක් පවතින" බවට සැක සංකා වර්ධනය වෙමින් පවතින බවයි.
63 හැවිරිදි රයිසි අසර්බයිජානයේ රාජ්ය සංචාරයක නිරත වී එරට ජනාධිපති ඉල්හාම් අලියෙව් හමුවී නැවත ඉරානයට පැමිණෙමින් සිටින අතර මෙම සිද්ධියට මුහුණ පා තිබේ. මෙම දෙපල දෙරට හවුලේ පවත්වාගෙන යන මායිම දිගේ පිහිටි ප්රධාන වේල්ලක් විවෘත කිරීමට් පීත්ත පටියක් කැපූහ.
දැඩි මතධාරියෙකු සහ අධිකරණයේ හිටපු ප්රධානියෙකු වන රයිසි, එරට උත්තරීතර නායකයා ලෙස සලකන 85 හැවිරිදි අයතුල්ලා අලි කමේනිගේ විභව අනුප්රාප්තිකයෙකු බව විශ්ලේෂකයින් විසින් ඉඟි කර ඇත.
ගාසා තීරයේ ඊශ්රායල-හමාස් ගැටුම ආරම්භයේ සිටම ඊශ්රායලයට එරෙහිව මුළුමනින් ම යුද්ධයට තර්ජනය කරමින් රුසියාවට ආයුධ සහ දේශපාලන සහාය සපයමින් රයිසි වඩ වඩාත් සටන්කාමී විදේශ ප්රතිපත්තියක් අධීක්ෂණය කර ඇත. පසුගිය මාසයේදී ඉරානය ටෙල් අවිව් සහ ජෙරුසලමට එරෙහිව ඩ්රෝන යානා රැල්ලක් දියත් කළ අතර සිරියාවේ සිය කොන්සල් කාර්යාලයට පහර දී ප්රධාන විප්ලවවාදී ආරක්ෂක අණ දෙන නිලධාරීන් දෙදෙනෙකු මරා දැමූ ප්රහාරයට පළිගැනීමක් ලෙස එල්ල කළ බව ප්රකාශ කළේය.
සම්බන්ධිත පුවත් | Related News
ප්රධාන පුවත්
ආණ්ඩුව මගින් පාවාදීම් ඉටුකර ගැනීම සහ ඉන් පසුව ආණ්ඩුව පලවා හැරීමේ සූක්ෂම වැඩපිළිවෙල ගැන වෛද්ය වසන්ත බණ්ඩාරගෙන් අනාවරණයක්.. (වීඩියෝ)
ඉස්ලාම් අන්තවාදී තර්ජන ගැන සලේ 2016 දී ආරක්ෂක මණ්ඩලය දැනුවත් කරලා.. - ඉහළ ප්රධානියෙක් එය නොසලකා හැරලා..
"කැරපොත්තන්ගේ" අරගලයේදී රාහුල් ගාන්ධි අත්අඩංගුවට – ජනතා විරෝධය හේතුවෙන් ගාන්ධිට නිදහස
ඉරානයේ ඉස්ලාමීය විප්ලවවාදී ආරක්ෂක බලකාය කුවේට්හි ඇමරිකානු රේඩාර්, චන්ද්රිකා සන්නිවේදන පද්ධති සහ ගුවන් යානා අංගනවලට දැවැන්ත ප්රහාරයක් එල්ල කරයි!
ආණ්ඩුවේ ලිංගික ඇරියස් පාසල් පද්ධතිය තුළට රිංගවීමේ උත්සාහයක්..
සෞදි අරාබියාවේ දහම් පාසල තානාපති අනින් නවත්වයි.. - ඇමති විජිත ඊට එකඟයි..
ත්රිකුණාමල තෙල් ටැංකි සංකීර්ණය සංවර්ධනයට අන්තර්ජාතික ලංසු කැඳවීමට සැරසේ..
ස්වයංක්රීය AI නියෝජිතයෙක් ප්රධාන AI ආකෘති ගබඩාවකට ප්රහාරයක් එල්ල කරයි!
හිටපු පොලිස්පති අබිරහස් මරණය සියදිවි නසා ගැනීමක්ද? ඝාතනයක්ද? අත්වැරැදීමක්ද? (වීඩියෝ)
ශ්රී ලංකාව කියන්නේ ඉන්දියාවේ දොරකඩ තියෙන බරක් නෙවෙයි; ඉන්දීය සාගරය මධ්යයේ පිහිටි වටිනා වත්කමක්.. - ඉන්දියාවේ ශ්රී ලංකා මහ කොමසාරිස්වරියගෙන් ප්රබල ප්රකාශයක්
ජනාධිපතිට පෞද්ගලිකව නඩු පවරන්න බැහැ - මෛත්රී, රනිල්, අනුරට එරෙහි පෙත්සමට ශ්රේෂ්ඨාධිකරණය දුන් තීන්දුව මෙන්න..
ඉන්දියාවේ 'කැරපොතු ජනතා පක්ෂය' දිල්ලි නුවර වටලයි.. විරෝධතාකරුවන් පාර්ලිමේන්තුව දෙසට..
ඉරාන මිසයිල ප්රහාර හමුවේ ඇමරිකානු ගුවන් ආරක්ෂක පද්ධති අකාර්යක්ෂමයි – අමෙරිකානු මාධ්ය
බෙදුම්වාදීන්ට උවමනා ආකාරයට පුරාවිද්යා බඳවා ගැනීම් පටිපාටි වෙනස් කරයි.. - ජාතික සංවිධානවලින් චෝදනා
මීගමුව නගරාධිපති පල්ලියට එරෙහි වුනා.. ඒකයි එයාට ඉල්ලා අස්වෙන්න සිදුවුණේ.. - මීගමුව හිටපු නාගරික මන්ත්රීවරයකු හෙළිකරයි
ඉරානයට එරෙහි මහා පරිමාණ යුද්ධයකට ඇමරිකාව සූදානම් වෙනවා -Washington Post/Wall Street Journal පුවත්පත් වාර්තා පවසයි