ඉන්දියානු කුළුබඩුවල විෂ අඩංගු වීම ගැන නවසීලන්තය රජය විමර්ශන අරඹයි
නවසීලන්තයේ ආහාර සුරක්ෂිතතා නියාමන ආයතනය ඉන්දියාවේ ප්රමුඛතම කුළුබඩු සන්නාමයන් වන MDH සහ එවරස්ට් සන්නාමයන් එක්සත් ජනපදය ඇතුළු අනෙකුත් රටවල පරීක්ෂාවකට ලක්වීමෙන් පසු පළිබෝධනාශක අපද්රව්ය මිශ්ර වී ඇතිදැයි තහවුරු කර ගැනීමට විමර්ශන අරඹා ඇතැයි වාර්තා වේ.
TradeImex ආයතනයට අනුව, ඉන්දියාව පසුගිය වසරේ, දකුණු ආසියාතික රටවල් 180 කට පමණ ඩොලර් බිලියන 3.89 ක් වටිනා කුළුබඩු නැව්ගත කර ඇති අතර, ලෝකයේ විශාලතම කුළු බඩු අපනයනකරුවාද විය. ඉන්දියානු කුළුබඩු ආහාරවල රස සහ මස් වර්ග ඉවීමට පෙර පදම් කිරීමට ගන්නා අමුද්රව්ය ලෙස ලෝකයේ ප්රසිද්ධියට පත්ව තිබේ.
කෙසේ වෙතත්, පසුගිය මාසයේදී හොංකොං රාජ්යය විසින් MDH හි කුළුබඩු මිශ්රණයන් තුනක් සහ එවරස්ට් නිෂ්පාදන වලින් එකක් ඒවායේ පිළිකා ඇති කරන පළිබෝධනාශක වන එතිලීන් ඔක්සයිඩ් ඉහළ මට්ටමක පවතින බව පවසමින් අලෙවි කිරීම අත්හිටුවා තිබේ. එලෙසම සිංගප්පූරුව රාජ්යය සමහර ඉන්දියානු කුළුබඩු අලෙවිය ද නවතා දැමීමටද කටයුතු කර ඇත.
"එතිලීන් ඔක්සයිඩ් යනු මිනිසුන් තුළ පිළිකා ඇති කරන රසායනික ද්රව්යයක් වන අතර නවසීලන්තයේ සහ අනෙකුත් රටවල ආහාර ජීවානුහරණය සඳහා භාවිත කිරීම ක්රමානුකූලව ඉවත් කර ඇත." යනුවෙන් නවසීලන්ත ආහාර සුරක්ෂිතතා ආයතනයේ වැඩබලන නියෝජ්ය අධ්යක්ෂ ජනරාල් ජෙනී බිෂොප් උපුටා දක්වමින් රොයිටර් පුවත් සේවය වාර්තා කළේය. "MDH සහ එවරස්ට් කුළුබඩු නවසීලන්තයේ ද ඇති බැවින්, අපි මෙම ගැටළුව සොයා බලනවා." ඔහු වැඩිදුරටත් පැවසුවේය.
රොයිටර් වාර්තාවට අනුව MDH සහ එවරස්ට් ඔවුන්ගේ නිෂ්පාදන පරිභෝජනයට ආරක්ෂිත බව ප්රකාශ කර ඇත. කුළුබඩු අපනයන ක්ෂේත්රයේ දැවැන්තයන් දෙදෙනා එක්සත් ජනපදය, යුරෝපය, අග්නිදිග ආසියාව, මැද පෙරදිග සහ ඕස්ට්රේලියාවට තම නිෂ්පාදන අපනයනය කරයි.
අප්රේල් මාසයේදී, එක්සත් ජනපද ආහාර හා ඖෂධ පරිපාලනය (FDA) ඉන්දියාවේ විශාලතම වෙළඳ නාම දෙකේ නිෂ්පාදනවල පළිබෝධනාශක අඩංගු විය හැකිද යන්න පිළිබඳව පරීක්ෂණයක් දියත් කළ බව FDA ප්රකාශකයෙක් රොයිටර් වෙත පැවසීය. 2021 වසරේ සිට MDH කුළුබඩු එක්සත් ජනපදයට කරණු ලැබූ නැව්ගත කිරීම්වලින් 14.5% ක සාමාන්යයක් ප්රතික්ෂේප වී ඇති බව ද පුවත් ඒජන්සිය වැඩිදුරටත් වාර්තා කළේය.
හොංකොං හි සොයාගැනීම් වලට දින කිහිපයකට පෙර, ඉන්දියානු හෝ ජාත්යන්තර රෙගුලාසිවලට යටත්ව නොතිබූ කුළුබඩු සහ ඖෂධ පැළෑටිවල පළිබෝධනාශක අපද්රව්යවල අවසර ලත් සීමාව දස ගුණයකින් වැඩි කිරීමට ඉන්දියාවේ ආහාර සුරක්ෂිතතා සහ ප්රමිති අධිකාරිය ඉඩ දී ඇති බව පුවත් ඒජන්සිය වාර්තා කළේය.
අවදානම් තක්සේරුව මත පදනම්ව විවිධ ආහාර ද්රව්ය සඳහා අවශේෂ සීමාව වෙනස් ලෙස නියම කර ඇති බව පවසමින් නියාමන ආයතනය තමන් ගත් ක්රියාමාර්ග ආරක්ෂා කිරීමට කටයුතු කළේය. ඉන්දියාවේ කෘෂිකර්ම හා ගොවීන්ගේ සුබසාධන අමාත්යාංශය එහි මධ්යම කෘමිනාශක මණ්ඩලය සහ ලියාපදිංචි කිරීමේ කමිටුව හරහා පළිබෝධනාශක නියාමනය කරයි.
New Zealand investigates Indian spices over contamination
සම්බන්ධිත පුවත් | Related News
ප්රධාන පුවත්
ඇමරිකා අලුත් බද්දෙන් ලංකාව අමාරුවේ..- ලංකා වාණිජ මණ්ඩලය
මහා සංඝරත්නයට, සම්බුද්ධ සාසනයට ද්වේෂසහගතව අගෞරව කිරීම පිළිබඳව කුප්රකට
ගම්මන්පිල සහ ඉන්දීය නීති සමාගමේ පාලන හවුල්කරු සුරනා අතර හමුවක්.. සාකච්ඡාව පිටුපස සැඟවුනු ඉන්දීය න්යාය පත්රයක් තිබුනාද?
චීනය සහ ශ්රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්රියා කරනවා!-ශ්රී ලංකාවේ චීන තානාපති කාර්යාලය
චීන ජනපති ලබන සතියේදී උතුරු කොරියාවේ සංචාරයකට සැරසෙයි..
සිංහල ජාතිකවාදී රාජ්ය ජාතිය ආගම පදනම්කර ගෙන වර්ග සංහාරයක් සිදුකළා.. දෙමළ ජනතාවට එරෙහිව වර්ග සංහාරයක් සිදුකළා කියලා උතුරු පළාත් සභා ප්රකාශනයෙන් කියවෙනවා.. - ජීවන්ත පීරිස් පූජකවරයා යළිත් කියයි..
භාණ්ඩාගාර කොල්ලය ගැන භාණ්ඩාගාර වාර්ෂික වාර්තාවේ කිසිම සඳහනක් නෑ.. - රජිත් කීර්ති තෙන්නකෝන්
සහල් ආනයනය කරන්නේ ජනතාවට සහන සැලසීමේ අරමුණින් නොවේ.. නිලධාරීන්ගේ සහ ඇමතිවරුන්ගේ අතයට කොමිස් ලබාගැනීමේ "ජානගත බැඳීමක්" නිසා.. - ජාතික ගොවිජන එකමුතුවෙන් චෝදනා
ජනපති අනුර හන්දි හන්දි ගානේ කියන ඩොලර් මිලියන 1,000 ක සංචිතයක් නෑ.. - රජිත් කීර්ති තෙන්නකෝන්
බටගොඩ 'සෙනෙහසේ කැදැල්ල' වැඩිහිටි නිවාසය සම්පූර්ණයෙන්ම ගිනිබත් වෙයි.. - 11ක් මරුට - තුනක් අතුරුදන්
ගෝඨාභය කොටු කරන්න නින්දිත වෑයමක් ක්රියාත්මකයි.. - සරත් වීරසේකරගෙන් හෙළිදරව්වක්
හුදෙකලා සිද්ධීන් පදනම් කර ගනිමින් මහා සංඝරත්නයට අපහාස කිරීමේ දැවැන්ත කුමන්ත්රණයක් ක්රියාත්මකයි - මහාචාර්ය පූජ්ය මැදගොඩ අභයතිස්ස හිමි
අනුර මේ ගෙනියන්නේ අහිංසකයන්ගේ ලේ උරා බොමින් ගජමිතුරන්ට “රෝල්ස් රොයිස්” පුදන නරුම පාලනයක්.. - විමල් වීරවංශ
සුරේෂ් සලේ සිය දිවි නසා ගැනීමේ අවදානමක්..
අමෙරිකාවෙන් ශ්රී ලංකාවට 12.5%ක අමතර ආනයන බද්දක්..
ගෝඨාභයට සහ හමුදා නිලධාරීන් දෙදෙනෙකුට විදෙස් ගමන් තහනමක්..