ඊශ්‍රාලයේ ටෙල් අවිව් නුවර පැවැති විරෝධතාවයකට කඩා වැදුනු මෝටර් රථයක ගැටීමෙන් පස් දෙනෙකුට තුවාල
ඊශ්‍රායල අග්‍රාමාත්‍ය බෙන්ජමින් නෙතන්යාහුට ඉල්ලා අස්වන ලෙස බල කරමින් ටෙල් අවිව් නුවර පසුගිය 6 වෙනිදා විරෝධතාවයක යෙදුනු පිරිසක් වෙතට මෝටර් රථයක් කඩා වැදීම හේතුවෙන් පස් දෙනෙකු තුවාල ලබා ඇතැයි එරට මාධ්‍ය පවසයි. කෙසේ වුවද රියදුරු එම ස්ථානයේදීම අත්අඩංගුවට ගෙන ඇත.
එරට පොලිසිය සමාජ ජාලා වෙත කරන ලද කෙටි ප්‍රකාශයකට අනුව, මෙම සිදුවීම සිදුව ඇත්තේ රාජ්‍ය විරෝධී රැලියක් පැවැත්වෙන ටෙල් අවිව් නුවර "නමිර්" මාර්ගයේය.. මෙම රැළිය ඊශ්‍රායලය පුරා අගමැති නෙතන්යාහුට ඉවත්වන ලෙස බල කරමින් පැවැත්වෙන විරෝධතාවල කොටසක් වූ අතර එහිදී ඊශ්‍රායල ජනතාව තවමත් ගාසා තීරයේ හමාස් ත්‍රස්තයන් විසින් රඳවාගෙන සිටින ප්‍රාණ ඇපකරුවන් ආපසු ලබා දෙන ලෙසද බල කර සිටියේය.
කෙසේ වුවද විරෝධතාකරුවන්ට එල්ල කල ප්‍රහාරය ඊශ්‍රායල දේශපාලඥයින් කිහිප දෙනෙකු විසින් හෙළා දකින ලද අතර, "ප්‍රචණ්ඩත්වය යනු කිසිදා තරණය නොකළ යුතු රතු ඉරක්" බවට ජනාධිපති අයිසැක් හර්සොග් අනතුරු ඇඟවීය.
ඊශ්‍රායලයේ හිටපු අධිකරණ අමාත්‍ය ගිඩියොන් සාර් විරෝධතාකරුවන්ට පහර දීම “පැහැදිලි බරපතල වෛරී අපරාධයක්” ලෙස හැඳින්වමින් වැරදිකරු නීතිය හමුවට පමුණුවන ලෙසද ඉල්ලා සිටියේය. තවද ඊශ්‍රායලයේ හිටපු අමාත්‍යවරයෙකුවූ හිලි ට්‍රොපර් ඊශ්‍රායල නායකත්වයෙන් ඉල්ලා සිටියේ ප්‍රහාරය “සෘජුව සහ පැහැදිලිව” හෙළා දකින ලෙසයි.
කෙසේ වෙතත්, සන්නිවේදන අමාත්‍ය ශොලොමො කර්හි ප්‍රචන්ඩ විරෝධතා උත්සන්න වීම සම්බන්ධයෙන් අදහස් දක්වමින් ප්‍රචණ්ඩත්වය උත්සන්න වීම සම්බන්ධයෙන් “වාමවාදී” දේශපාලකයන්ට දොස් පැවරූ අතර ඔවුන් සමාජය ඉරා දැමීමට කටයුතු කරන බවට චෝදනා කළේය.
හමාස් සංවිධානය සමඟ ඊශ්‍රායලයේ යුද්ධය හයවැනි මාසයට එළැඹීමත් සමඟම ඊශ්‍රායලය තුළ මහා පරිමාණ විරෝධතා යළි ආරම්භ වී තිබේ. ප්‍රාණ ඇපකරුවන් 100කට වැඩි පිරිසක් නිදහස් කිරීමට තුඩු දෙන හමාස් සංවිධානය සමඟ සකච්ඡා ආරම්භ කරන ලෙස ඉල්ලා උද්ඝෝෂකයින් ප්‍රාණ ඇපකරුවන්ගේ පවුල්වල සාමාජිකයන් සහ රාජ්‍ය විරෝධී ක්‍රියාකාරීන්ගේ නායකත්වයෙන් පෙළපාලි මාලාවක් ඊශ්‍රායලයේ නගර කිහිපයක පැවැත්විණි. ඔවුහු හිතාමතාම සාකච්ඡා අසාර්ථක කිරීමට නෙතන්යාහු කටයුතු කළ බවට චෝදනා කළේය.
පසුගිය සතිය මුලදී විරෝධතාකරුවන් ජෙරුසලමේ නෙතන්යාහුගේ නිවසට කඩා වැදීමට උත්සාහ කිරීමත් සමඟ තත්වය නරක අතට හැරුණු අතර කැරලි මර්දන ක්‍රම භාවිතා කිරීමට පොලිසියට බල කෙරුනි.
ඔක්තෝබර් 7දා යුද්ධය ආරම්භ වීමට බොහෝ කලකට පෙර නිත්‍ය විරෝධතාවලට මුහුණ දුන් නෙතන්යාහු, හමාස් සංවිධානය සමඟ වන යුද්ධය "සම්පූර්ණයෙන්ම ජයග්‍රහණය" ලබා ගන්නා තෙක් ඊශ්‍රායලය දිගටම සටන් කරන බවත්, යුද්ධය අවසන් වූ පසු යුදෙව් රාජ්‍යය ගාසා තීරයේ "පූර්ණ ආරක්ෂක පාලනය" පවත්වාගෙන යනු ඇති බවත් අවධාරණය කළේය.
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..