රුසියානු වැසියන්ට එල්ල කළ ම්ලේච්ඡ ප්‍රහරායට වගකිව යුතු සියළු දෙනාට දඬුවම් කරනවා- රුසියානු ජනාධිපති වැලැදිමිර් පුටින්
ක්‍රොකස් සිටි හෝල්හි සංගීත ප්‍රසංගය නැරඹීමට පැමිණි ප්‍රේක්ෂකයන් වෙත එල්ල කළ ම්ලේච්ඡ ප්‍රහාරයෙන් පසුව පළමු වරට ජාතිය ඇමතූ පුටින් පවසා සිටියේ ම්ලේච්ඡ ප්‍රහාරයට වග කිව යුතු සියළු දෙනාට දැඩි දඬුවම් පමුණුවන බවයි. ප්‍රහාරයෙන් පසුව තුවාලකරුවන් බේරා ගැනීම මැදිහත් වූ සහන සේවකයන් ඇතුළු ප්‍රතිචාර දැක්වූ සියලු නිළධාරින්ට, නීතිය ක්‍රියාත්මක කරන අංශවල නිළධාරින්ට සහ ප්‍රහාරයට ගොදුරු වූවන්ට උපකාර කළ සාමාන්‍ය පුරවැසියන්ට පුටින් සිය කෘතඥතාව පළ කළේය. එලෙසම මෙවැනි ප්‍රහාර ඉදිරියේදී එල්ල වීම වැලැක්වීම කෙරෙහි අවධානය යොමු කරන බවත් ත්‍රස්ථවාදීන් මෙවැනිම ප්‍රයත්නයන් ඉදිරියේදීද ක්‍රියාත්මක කිරීමට කටයුතු කිරීමට උත්සහා ගනු ඇති බවද ජනාධිපතිවරයා අවධාරණය කළේය.
"මොස්කව් සහ මොස්කව් කලාපයේ මෙන්ම රටේ සෑම ප්‍රදේශයකම, ත්‍රස්ත-විරෝධී සහ කඩාකප්පල්කාරී ක්‍රියාමාර්ග වලක්වාලීමේ අතිරේක ක්‍රියාමාර්ග හඳුන්වා දී ඇත," ඔහු නිවේදනය කළේය, "දැන් ඇති ප්‍රධාන කාර්යය නම් මෙම ලේ වැගිරීම පිටුපස සිටින අය නැවැත එවැනි ප්‍රහාරයක් එල්ල කිරීම වැලැක්වීමයි." යනුවෙන් 22 වනදා රාත්‍රියේ එල්ල කළ ප්‍රහාරය පිටුපස සිටින සියලුම කුමන්ත්‍රණකරුවන්ට දඬුවම් කරන බවට සපථ කරමින් පුටින් සඳහන් කළේය. මේ වන විට වෙඩි තැබීමට සෘජුවම සහභාගී වූ අපරාධකරුවන් හතර දෙනෙකු ඇතුළු සැකකරුවන් 11 දෙනෙකු රඳවාගෙන ඇති බවද ඔහු අනාවරණය කළේය. ප්‍රහාරකයින් යුක්රේනය දෙසට පලා යමින් සිටියදී අල්ලා ගන්නා ලද බවත් මූලික දත්ත වලට අනුව, යුක්රේන පෙදෙසේ දේශසීමා තරණය කිරීමට කවුළුවක් සූදානම් කර තිබූ බවද ඔහු වැඩිදුරටත් පැවසීය.
“මෙම අපරාධය පිටුපස සිටින සියලුම අපරාධකරුවන්, සංවිධායකයින් සහ මහ මොළකරුවන්ට සාධාරණ හා නොවැළැක්විය හැකි දඬුවම් ලැබෙනු ඇත.මම නැවත අවධාරණය කරනවා, රුසියාවට එල්ල කරන ලද මෙම ප්‍රහාරය පිටුපස සිටින්නේ කවුරුන් වුවද, ඔවුන්ට මඟ පෙන්වන්නා කවුරුන් වුවද , රුසියානු ජනතාවට එරෙහිව එල්ල කළ ත්‍රස්තවාදීන් පිටුපස සිටින සියලු දෙනා හඳුනාගෙන දඬුවම් කරනවා.”ජනාධිපතිවරයා ප්‍රකාශ කළේය.
මේ අතර මොස්කව් ප්‍රසංග ශාලාවට එල්ල වූ ප්‍රහාරයෙන් මියගිය සංඛ්‍යාව 133 දක්වා ඉහළ ගොස් ඇතැයි රුසියානු බළධාරිහු ඊයේ(23) ප්‍රකාශ කළේය. ප්‍රහාරකයින් විසින් ඇති කරන ලද දැවැන්ත ගින්නකින් අර්ධ වශයෙන් විනාශ වූ ගොඩනැගිල්ලේ සුන්බුන් ඉවත් කිරීමේ හදිසි සේවා තවදුරටත් ක්‍රියාත්මක බව රුසියානු රජය ප්‍රකාශ කළේය.
ප්‍රසංග ශාලාවට සිදු කර ඇති විනාශයේ පරිමාණය අනුව මිය ගිය හ තුවාල ලැබූවන්ගේ අගය මීටත් වඩා ඉහළ යාහැකි බව වගකිවයුතු අංශ සැක පල කරති..
පසුගිය 22 වනදා සූදනම් කර තිබූ රොක් ප්‍රසංගය ආරම්භ කිරීමට මොහොතකට පෙර පෙර ප්‍රහාරක රයිෆල්වලින් සන්නද්ධව සිටි සැකකරුවන් අඩුම තරමින් හතර දෙනෙකුවත් එම ස්ථානයට කඩා වැදුණි. ප්‍රහාරකයින් ප්‍රසංග ශාලාවට ඇතුළු වූ සිවිල් වැසියන්ට වෙඩි තබා ශාලාව ගිනි තැබූහ.
ප්‍රහාරයෙන් පසු සැකකරුවන් එම ස්ථානයෙන් පලා ගිය නමුත් රුසියානු නීතිය ක්‍රියාත්මක කරන්නන් විසින් බ්‍රයන්ස්ක් ප්‍රදේශයේ දේශ සීමාව අසලදී ඔවුන්ව අත්අඩංගුවට ගන්නා ලදහ. මූලික සොයාගැනීම්වලට අනුව, ප්‍රහාරකයින් යුක්රේනයට පලා යාමට උත්සාහ කර ඇත.
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..