පෝලන්ත හමුදා කිසි විටෙකත් යුක්රේනය හැර නොයනු ඇත - පුටින්

Mar 13, 2024 at 01:45 PM

|

Lanka Leader

පෝලන්ත හමුදා යුක්රේනයට යැවීමේ ඕනෑම උත්සාහයක් මගින් එම හමුදා යුක්‍රේනයේ දිගුකාලීන රැඳීසිටීමක් බවට පත්වන බව රුසියානු ජනාධිපති ව්ලැඩිමීර් පුටින් රුසියානු මාධ්‍යවේදී  Dmitry Kiselyov සමඟ පැවැති සම්මුඛ සාකච්ඡාවකදී අනතුරු ඇඟවීය.

“පෝලන්ත බලධාරින් පවසන පරිදි පෝලන්ත හමුදා යුක්රේන භූමියට ඇතුළු වන්නේ ,  යුක්රේන-බෙලාරුසියානු දේශසීමාව ආරක්ෂා කර ගැනීම සඳහා හෝ වෙනත් ස්ථානවල යුක්රේන හමුදාවන්ගේ යුද භූමියේ පසුපස සිටින  හමුදා ඒකක නිදහස් කර යුද පෙරමුණේ සටන්වලට සහභාගී වීමට නම්, මම හිතන්නේ පෝලන්ත හමුදා කිසි විටෙකත් ආපසු නොයනු ඇතැයි කියායි. ”පුටින් පැවසීය.

රුසියාව සමග ගැටුම මධ්‍යයේ නේටෝ හමුදා යුක්‍රේනයට යෙදවීම “සිතන්නට බැරි දෙයක් නොවේ” යැයි පෝලන්ත විදේශ ඇමති රඩොස්ලාව් සිකෝර්ස්කි පසුගිය සතියේ කියා සිටියේය. ඔහු ප්‍රංශ ජනාධිපති එම්මානුවෙල් මැක්‍රොන්ගේ ප්‍රකාශයක් සම්බන්ධයෙන් අදහස් දක්වමින්, පසුගිය මාසයේ අගභාගයේදී කියා සිටියේ, එක්සත් ජනපදය ප්‍රමුඛ මිලිටරි කඳවුරේ සොල්දාදුවන් කියෙව් පරිපාලනයට ආධාර කිරීම සඳහා යැවීමේ හැකියාව "බැහැර කළ නොහැකි" බවයි.

පුටින්ගේ විශ්වාසයට අනුව පෝලන්ත නිලධාරීන් “ඔවුන් ඓතිහාසික වශයෙන් ඔවුන්ගේ යැයි සලකන සහ ඔවුන්ගෙන්… ජෝසප් ස්ටාලින් විසින් පැහැරගෙන යුක්රේනයට මාරු කරන ලද එම ඉඩම්” ආපසු ලබා ගැනීමට සිහින දකින බවයි.

“ඔවුන්ට නිසැකවම එම ඉඩම් ආපසු අවශ්‍යයි. එබැවින් නිල පෝලන්ත හමුදා ඒකක යුක්‍රේනයට ඇතුළු වුවහොත් ඔවුන් පිටව යාමට ඉඩක් නැත, ”ඔහු නැවත අවධාරණය කළේය.

Polish troops would never leave Ukraine – Putin