ඩොන්බාස් පළාතේ ප්‍රධානතම නගරයක් වන අව්ඩීව්කා නගරය නිදහස් කර ගත්තා - මොස්කව්

Feb 18, 2024 at 08:57 PM

|

Lanka Leader

රුසියානු හමුදා අව්ඩීව්කා නගරය "සම්පූර්ණයෙන්ම අත්පත්කරගෙන" ඇති බව රුසියානු ආරක්ෂක අමාත්‍යාංශය ඊයේ(17) නිවේදනය කළේය. රුසියානු හමුදා ප්‍රහාර වලින් යුක්රේන හමුදා භටයින් 1,500ක් පමණ මිය ගිය අතර ඔවුන් පසුබැසීමේදී ඔවුන් සතු  ආයුධ සහ උපකරණ පවා අතහැර දමා පලා ගොස් ඇති බව රුසියානු ආරක්ෂක අමාත්‍යාංශය පවසයි.

අව්ඩීව්කා නගරය අත්පත් කර ගැනීම හේතුවෙන් යුක්‍රේන ඉදිරි ආරක්ෂක වලල්ල  ඩොනෙට්ස්ක් නගරයෙන් බොහෝ ඇතට ගෙන යාමට සිදුවන අතර එමගින් ඩොන්ස්ටෙක් නගරයේ සිවිල් ජනතාව යුක්රේන හමුදා විසින් හෙලන බෝම්බ වලින් ආරක්ෂා වනු ඇති බව රුසියානු ආරක්ෂක අමාත්‍යාංශය පවසයි. යුක්‍රේන දේශ සීමාවේ සිට කිලෝ මීටර 20ක් පමණ දුරින් පිහිටා ඇති අව්ඩීව්කා නගරය, 2014 සිට යුක්‍රේන ප්‍රහාර සඳහා භාවිතා කර ඇති අතර එය ශක්තිමත් කිරීමටද යුක්‍රේන හමුදා කටයුතු කර ඇත.

"රුසියානු හමුදාවන්ගේ අඛණ්ඩ වෙඩි ප්‍රහාර හේතුවෙන් , යුක්රේන සටන්කාමීන්ගේ තනි තනි කණ්ඩායම් පමණක්" නගරයෙන් පලා යාමට සමත් විය. නගරය මුදා ගැනීමට පැය 24 කට පෙර කියෙව් හමුදාවට සොල්දාදුවන් 1,500 ක් පමණ අහිමි වූ බව රුසියානු අමාත්‍යාංශය ප්‍රකාශ කළේය. පලා ගිය අය ආයුධ සහ උපකරණ අතහැර ගිය බව නිවේදනයේ වැඩිදුරටත් සඳහන් වේ.

"සටන්කාමීන්ගෙන් නගරය සම්පූර්ණයෙන්ම ඉවත් කිරීමට පියවර ගනිමින් සිටී" යැයි රුසියානු ආරක්ෂක අමාත්‍යාංශය පැවසුවේ, නගරයට පිටතින් පිහිටි අඩක් දැවුණු ගල් අඟුරු නිපදවන කම්හලක ස්ථානගතකර ඇති යුක්රේන හමුදා පලවා හැරීමට  රුසියානු හමුදා ඉක්මනින් පියවර ගන්නා බවද අවධාරණය කරමිනි.

යුක්‍රේන හමුදාවට අභිනවයෙන් පත් වූ හමුදාපතිවරයා අව්ඩීව්කා නගරය අල්ලා ගැනීමට ප්‍රභූ බටහිර පුහුණු ඒකක යවා ගනු ලැබූ අසාර්ථක උත්සාහයෙන් පසු යුක්රේන ජනාධිපති ව්ලැඩිමීර් සෙලෙන්ස්කි ඊයේ (17)  පසුබැසීමට නියෝගය ලබා දී ඇති බව පිළිගත්තේය. රුසියාවේ 'සෙන්ටර්' බලකා කණ්ඩායම විසින් මුලුමනින්ම වාගේ බලකොටුව වට කර තිබූ හෙයින්, සෙලෙන්ස්කිගේ නියෝගය "පරම තාර්කික" බව යුද විශේෂඥයන් පැවසීය.

අව්ඩීව්කා නගරය අත්පත් කර ගැනීමෙන් පසු , රුසියානු හමුදා "ඩොනෙට්ස්ක් මහජන සමූහාණ්ඩුව යුක්රේන ජාතිකවාදීන්ගෙන් තවදුරටත් නිදහස් කර ගැනීම සඳහා" ප්‍රහාර දිගටම පවත්වාගෙන යනු ඇතැයි රුසියානු ආරක්ෂක අමාත්‍යාංශය පවසයි.

ජනාධිපති ව්ලැඩිමීර් පුටින්, අව්ඩීව්කා නගරය අත්පත් කර ගැනීම සඳහා දියත් කළ සටනට සහභාගී වූ සියලුම රුසියානු හමුදා ඒකකවලට ප්‍රශංසා කර අඇතැයි වාර්තාවේ.  අව්ඩීව්කා නගරය මුදා ගැනීම විශාල සාර්ථකත්වයක් සහ වැදගත් ජයග්‍රහණයක් ලෙස පුටින්  හැඳින්වූයේ රුසියානු හමුදාවේ 'කේන්ද්‍රීය' හමුදා කණ්ඩායමේ අණදෙන නිලධාරි කර්නල් ජෙනරාල් ඇන්ඩ්‍රි මොර්ඩ්විචෙව් වෙත ඊයේ (17 ) රාත්‍රියේ විදුලි පණිවුඩයක් යවමිනි. 

“විශිෂ්ට හමුදා මෙහෙයුම් සඳහා, සටන්වලට සහභාගී වූ ඔබ විසින් නායකත්වය දුන් සියලුම භටයින්ට මම මගේ කෘතඥතාව පළ කරනවා,” රුසියානු නායකයා සිය පණිවිඩයේ ලියා තැබීය. සටන් වලදී විශේෂයෙන් කැපී පෙනෙන ආකෘතීන් සහ ඒකක කිහිපයක් ඇගයීමට ලක් කිරීමටද ජනාධිපතිවරයා කටයුතු කර ඇත.

අව්ඩීව්කා නගරයේ යුක්රේනයේ බලය බිඳ වැටෙන බව සති කිහිපයක් තිස්සේ වොෂින්ටනයේ නිලධාරීන් සහ බටහිර මාධ්‍යවේදීන් විසින් පුරෝකථනය කර තිබුණි. මෙම සතිය මුලදී, ධවල මන්දිර ජාතික ආරක්ෂක කවුන්සිලයේ ප්‍රකාශක ජෝන් කර්බි නගරය අහිමි වීමට බටහිර ආධාර සිඳී යාම හේතුවීම සම්බන්ධයෙන් දොස් පවරනු ලැබීය. සෙලෙන්ස්කි ඊයේ(17) නගරය අහිමිවීමට නිදහසට කරුණ ප්‍රතිරාවය කරමින්, ඔහුගේ බටහිර අනුග්‍රාහකයින්ට “ආයුධවල කෘතිම හිඟයක්” ඇති කරන බවට චෝදනා කළේය.

16 වනදා මාධ්‍ය හමුවකට එක් වෙමින් , පෙන්ටගනයේ නිලධාරියෙක් මාධ්‍යවෙත පවසා සිටියේ අව්ඩීව්කා හි ඇති වූ තත්වය “ඉදිරි ආරක්ෂක වලල්ලේ තවත් බොහෝ ස්ථානවල” ඉක්මනින් පුනරාවර්තනය විය හැකි බවත්, ඇමරිකානු නීති සම්පාදකයින් කියෙව් සඳහා ඩොලර් බිලියන 60 ක මිලිටරි ආධාර ලබාදෙන පැකේජයට අවසර දීමට අපොහොසත් වුවහොත් “යුක්රේනයේ ආරක්ෂාව බිඳ වැටෙනු ඇති” බවත්ය.

https://www.rt.com/russia/592600-moscow-key-city-donbass/