නවාල්නිගේ මරණය සම්බන්ධයෙන් ක්‍රෙම්ලිනයේ මතය පවසයි
බටහිර මාධ්‍ය විසින් රුසියාවේ විපක්ෂ නායකවරයා ලෙසින් වර නැංවූ ඇලෙක්සි නවාල්නිගේ මරණය සම්බන්ධයෙන් විමර්ශනය කිරීමට රුසියාවේ ෆෙඩරල් චරිතශෝධනාගාර සේවය (Russia’s Federal Penitentiary Service- FSIN) අවශ්‍ය සියලු පියවර ගනිමින් සිටින බව ක්‍රෙම්ලිනයේ ප්‍රකාශක දිමිත්‍රි පෙෂ්කොව් මාධ්‍ය වෙත පැවසීය.
"අන්තවාදයට" සම්බන්ධ වැරදි සම්බන්ධයෙන් වසර 19ක සිර දඬුවමක් විඳිමින් සිටි නවාල්නි Yamalo-Nenets කළාපයේ බන්ධනාගාරයක් තුළ ඊයේ(16) පස්වරුවේ මිය ගියේය. රුසියාවේ ෆෙඩරල් චරිතශෝධනාගාර සේවයට අනුව, 47 හැවිරිදි නවාල්නි ව්‍යායාම සඳහා ඇවිදීමෙන් පසු අසනීප වී සිහිය නැති වී ඇති අතර, ටික වේලාවකට පසු වෛද්‍යවරුන් විසින් ඔහු මිය ගිය බව ප්‍රකාශ කළේය.
රුසියාවේ ෆෙඩරල් චරිතශෝධනාගාර සේවය "එවැනි තත්වයක් තුළ ගත යුතු සියලු පියවර ගනිමින් සිටිනවා",දිමිත්‍රි පෙෂ්කොව් වාර්තාකරුවන්ට පැවසීය. ඒ අනුව විශේෂ පරීක්ෂණයක් අවශ්‍ය නොවන බවද ඔහු වැඩිදුරටත් පැවසීය.
ක්‍රෙම්ලිනයේ ප්‍රකාශකයා පැවසුවේ නවාල්නිගේ අභාවයට හේතුව වෛද්‍ය වෘත්තිකයන් විසින් නිශ්චිතවම තීරණය කරනු ඇති බවත්, තත්ත්වය පිළිබඳව රුසියානු ජනාධිපති ව්ලැඩිමීර් පුටින් දැනුවත් කර ඇති බවත්ය.
මීට පෙර, රුසියානු රාජ්‍ය සේවා මූලාශ්‍රයක් උපුටා දක්වමින් එරට මාධ්‍ය පැවසුවේ නවාල්නි රුධිර කැටියක් සිරවීම හේතුවෙන් මරණයට ගොදුරු වූ බවයි.
නවාල්නිගේ අභාවය සම්බන්ධයෙන් "රුසියාව වගකිව යුතු" බව එක්සත් ජනපද උප ජනාධිපති කමලා හැරිස් මහත්මිය ප්‍රකාශ කළාය. මේ සම්බන්ධයෙන් අදහස් දක්වමින් යුරෝපීය කවුන්සිලයේ සභාපති චාල්ස් මයිකල් පැවසුවේ "මෙම ඛේදජනක මරණයට රුසියානු පාලනය තනිකරම වගකිව යුතු බව යුරෝපා සංගමය විශ්වාස කරන" බවයි.
“පැහැදිලිවම, මේවා සම්පූර්ණයෙන්ම උමතු ප්‍රකාශයන්,” පෙස්කොව් මාධ්‍ය වෙත අවධාරණය කළේය. “මරණයට හේතුව ගැන කිසිම තොරතුරක් නැහැ. එවැනි ප්‍රකාශ කිසිසේත්ම පිළිගත නොහැකි සහ නුසුදුසු යැයි අපි සලකනවා.”
නවාල්නි ප්‍රථමයෙන් දක්ෂිණාංශික ක්‍රියාකාරිකයෙකු ලෙසත්, සිරගතකිරීමට ප්‍රථම සෑම වසරකම මොස්කව්හි පැවති අතිජාතිකවාදී රැලියක් වූ "රුසියානු පාගමනේ" නායකයෙකු ලෙසත් ප්‍රසිද්ධියට පත් විය. ඔහු පසුව බටහිර ලිබරල් විශ්වාසයන් සමඟ ඔහුගේ දෘෂ්ටිවාදය පෙලගැස්සවීමට කටයුතු කර අතර ජනාධිපති පුටින්ගේ විරුද්ධවාදියෙකු ලෙස ස්ථානගත විය.ඔහු විසින් කරනු ලැබූ වංචාවක් සම්බන්ධයෙන් විමර්ශනය කරමින් තිබියදී පවා 2018 ජනාධිපතිවරණයට තරඟ කිරීමට ඔහු උත්සාහ කළේය.
නවාල්නි 2021 මුල් භාගයේදී සිරගත කරනු ලැබුවේ ඔහුගේ පරිවාස කොන්දේසි කඩ කිරීම හේතුවෙනි. ඔහුට පසුගිය වසරේදි "අන්තවාදය" පෝෂණය කිරීමේ වරද සඳහා අමතර වසර 19ක දඬුවම් ලැබිණි. දෙසැම්බරයේ දී, ඔහු ආක්ටික් කවයට කිලෝමීටර 40 ක් ඉහළින් පිහිටා ඇති රුසියාවේ Yamalo-Nenets කලාපයේ 'Polar Wolf ' ජනපදයට මාරු කරනු ලැබුවේය.
https://www.rt.com/russia/592565-kremlin-comment-navalny-death/
සම්බන්ධිත පුවත් | Related News
ප්‍රධාන පුවත්
ඉන්දු ලංකා ගිවිසුමෙන් උපන් 13 වැනි සංශෝධන මර උගුලේ සුලමුල මෙන්න..(වීඩියෝ)
මෝදි වෙනුවෙන් අද(04) රාත්‍රියේ සිට ඉරිදා(06) දක්වා කොළඹ සහ අනුරාධපුරයේ මාර්ග කිහිපයක් වසා දැමේ
අමෙරිකාව පැනවූ තීරු බද්ද අපට "ෂොක් " එකක්- අමාත්‍ය සුනිල් හඳුන්නෙත්ති
මේ සිදුවෙමින් පවතින්නේ ඓතිහාසික පාවාදීමක් ද? - ජිහාන් හමීඩ්
කොටස් වෙළෙඳ පොළ පැයක් ඇතුලත 2.41%කින් කඩා වැටිලා
අමෙරිකා එක්සත් ජනපදයේ නව තීරු බදු ඉහළ නැංවීම ශ්‍රී ලංකාවේ ආර්ථික ස්ථාවරයට දැඩි බලපෑමක් එල්ල කරනවා- ශ්‍රී ලංකා වාණිජ මණ්ඩලය
අමෙරිකා එක්සත් ජනපදයේ නව තීරු බදු ඉහළ නැංවීම ශ්‍රී ලංකාවේ ආර්ථික ස්ථාවරයට දැඩි බලපෑමක් එල්ල කරනවා- ශ්‍රී ලංකා වාණිජ මණ්ඩලය
ඉන්දියාව සමග ආරක්ෂක ගිවිසුමක්... පලස්තීන ජනතාවට අද සිදුවන දේ අනාගතයේ අපිට? - වෛද්‍ය වසන්ත බණ්ඩාර (වීඩියෝ)
ඉන්දීය අග්‍රාමාත්‍ය නරේන්ද්‍ර මෝදි අද දිවයිනට
රටේ ස්වෛරීභාවය සහ ජාතික ආරක්ෂාව මෙන්ම භූ දේශපාලන ස්වාධීනත්වය අනතුරට ලක්කිරීමේ බරපතළ දේශපාලන වරද පිළිබඳව ජාතික සංවිධාන ජනාධිපතිට ලියයි
ආරක්ෂක හමුදා ප්රධානීන්ට එරෙහිව බ්‍රිතාන්‍ය රජය විසින් සම්බාධක පැනවීම පිළිබඳව නිසි පිළිතුරු ලබා නොදීමේ වරද සහ අවසන් අරමුණ කුමක්දැයි තේරුම් නොගැනීමේ වරද පිළිබඳව... ඇමති විජිතට ජාතික සංවිධාන ලියයි
ඉන්දියාවේ ආධිපත්‍යයට යටත් වෙන ගිවිසුම් අත්සන් කරන්න වර්තමාන ජනාධිපතිවරයාට ජන වරමකුත් නැහැ, ඓතිහාසිකව කිසිම උරුමයකුත් නැහැ - උවිදු විජේවීර (වීඩියෝ)
ඇමරිකානු ජනාධිපති ට්‍රම්ප් ශ්‍රී ලංකාවට 44%ක තීරු බදු පනවයි
කච්චතිව් දූපත නැවත ලබා ගැනීමට තමිල්නාඩුවෙන් ඒකමතික යෝජනාවක් සම්මත කරයි
දූෂණ චෝදනා මත උතුරු මැද හිටපු මහඇමතිවරයාට සහ ලේකම්වරියට වසර 16 ක සිර දඬුවමක්
මේ වසර 5තුළ විධායකයත් අහෝසි කරනවා... පළාත් සභා මැතිවරණයත් පවත්වනවා - අමාත්‍ය නීතීඥ හර්ෂණ නානායක්කාර මහතා