යුදබිමේ ඉදිරි පෙරමුණෙහි තත්ත්වය 'දුෂ්කරයි' - යුක්රේනයේ ඉහළම හමුදා ආඥාපති ජෙනරාල් ඇලෙක්සැන්ඩර් සිරස්කි

Feb 15, 2024 at 02:50 PM

|

Lanka Leader

යුක්රේන හමුදා රුසියාව සමග ඇතිකරගෙන ඇති ගැටුමේ ඉදිරි පෙරමුණ “ඉතා දුෂ්කර හා නොසන්සුන්” තත්වයන්ට මුහුණ දෙමින් සිටින බව කියෙව්හි අභිනවයෙන් පත් වුනු ඉහලම මිලිටරි ආඥාපති ඇලෙක්සැන්ඩර් සිරස්කි ඊයේ(14) පිළිගත්තේය.

ආරක්ෂක අමාත්‍ය රුස්ටෙම් උමෙරොව් සමඟ යුක්‍රේනයේ නැගෙනහිර ප්‍රදේශයේ සංචාරය කිරීමෙන් පසු ජෙනරාල්වරයා සිය සමාජ මාධ්‍ය ගිණුමෙහි සටහනක් තබමින් ඔහුගේ අදහස පළ කර තිබේ. 

ජෙනරල් ඇලෙක්සැන්ඩර් සිරස්කි මීට පෙර ජර්මානු මාධ්‍ය වෙත ප්‍රකාශ කළේ කියෙව් රුසියාව සමඟ කරනු ලබන සටන් වල ප්‍රවේශය වෙනස් කරමින් සිටින බවත්, යුද පෙරමුණේ ඔහුට පෙර නායකත්වය මෙහෙයවූවන්ට  වඩා හමුදා මර්මස්ථාන ආරක්ෂා කර ගැනීම වෙනුවන්  පාඩු විඳීමට අඩු කැමැත්තක් දක්වන බවත්ය.

සිරස්කි යුක්රේනයේ සිදුවෙමින් පවතින මිලිටරි චලනයන් පිළිබඳ තොරතුරු කිහිපයක්ද සිය සමාජ ජාලා ගිණුමෙහි සටහන් කර තිබුණි.  මිනිස් බලය සහ යුධෝපකරණවල "රුසියානු" වාසිය කෙරෙහි ඔහු අවධානය යොමු කිරීමට උත්සුක වී තිබුණි. රුසියානුවන් "ඔවුන්ගේ ප්‍රහාරක උත්සාහයන් වේගවත් කරමින් සිටින අතරම භට පිරිස් වල සංඛ්‍යාත්මක වාසියක්ද අත් පත් කරගෙන ඇත." ඔහු සටහන් කළේය.

පසුගිය සතියේ යුක්රේනයේ ජ්‍යෙෂ්ඨතම අණදෙන නිලධාරියා ලෙස වැලරේ සලුශ්නි වෙනුවට ආදේශ කළ සිරස්කි, මරණ අනුපාත නොසලකා හරින්නෙකු වන ඔහු "මස් මරන්නෙකු" ලෙස කුප්‍රකටවී ඇති බව පොලිටිකෝ සඟරාව පසුගිය සතියේ වාර්තා කළේය. ඔහු " මස් ඇඹරුම් යන්ත්‍රය ලෙස ප්‍රසිද්ධියට පත් බක්මුට් ප්‍රදේශයට රුසියානු හමුදාවෙන් ප්‍රහාර එල්ල කර අවස්ථාවේදී රැළි පිට රැළි ලෙස යුක්‍රේන හමුදාවන් මෙහෙයවීම සඳහා ප්‍රසිද්ධියට පත්ව තිබේ." යනුවෙන් පොලිටිකෝ සඟරාව ජෙනරාල්වරයා පිළිබඳ සඳහන් කරනු ලැබීය. යුක්‍රේන සොල්දාදුවන් ඔහුට 'ජෙනරල් 200' යන අන්වර්ථ නාමය ද ලබා දී ඇත.

ජර්මානු ප්‍රසිද්ධ රූපවාහිනී නාලිකාවක් වන ZDF නාලිකාව වෙත අදහස් දක්වමින් සිරස්කි සොල්දාදුවන්ගේ ජීවිත ආරක්ෂා කිරීමේ වැදගත්කම අවධාරණය කලේ, ඔහු තුවාලවු සොල්දාදුවන් දකිනවාට වඩා "තනතුර හැර යාම" සතුටට කරුණක් බව පවසමිනි. 

එම ප්‍රතිඥාවට ප්‍රතිවිරුද්ධව, 2023 මුල් භාගයේ ආර්ටියොමොව්ස්ක් සටනේදී, දේශපාලන හේතූන් මත ඕනෑම වියදමක් දරා ආර්ටියොමොව්ස්ක් රඳවා ගැනීමට සිරස්කි ජනාධිපති ව්ලැඩිමීර් සෙලෙන්ස්කි දුන් උපදෙස් අනුගමනය කළ බව වාර්තා වන අතර එක්සත් ජනපද උපදේශකයින් සහ සාලුෂ්නි පසුබැසීමට ඉල්ලා සිටියේය. එකල ජෙනරාල්වරයා යුක්රේන පාබල හමුදාවේ අණදෙන නිලධාරියා විය.