කොළඹ මහ නගර සභාවේ අයවැය සම්මත කිරීමේ දෙවැනි ඡන්දයේ දී පක්‍ෂව ඡන්දය දුන් ශ්‍රී ලංකා මුස්ලිම් කොංග්‍රසයේ මන්ත්‍රිනී මොහමඩ් බුහාරි ෆාතිමා සොහාරා මහත්මියගේ මන්ත්‍රී ධූරය අහෝසිවි ඇතැයි කොළඹ මහ නගර සභාවේ තේරීම් භාර නිලධාරී පියුමි ආටිගල ගැසට් නිවේදනයක් නිකුත් කර තිබේ.

ලක්විජය බලාගාරයට ගෙන් වූ නැව් පහේම ගල්අඟුරු බාල බව යටිතල පහසුකම් හා උපාය මාර්ග සංවර්ධනය පිළිබඳ ආංශික අධීක්ෂණ කාරක සභාවේ දී තොරතුරු අනාවරණය කෙරිණ.

ත්‍රිකුණාමලය බුදුපිළිම සිද්ධියට අදාළව රක්ෂිත බන්ධනාගාරගත කර සිටි පූජ්‍ය බලංගොඩ කස්සප හිමියන් පිරිස ඊයේ දින ඇප මත මුදාහැරුණු අතර, ත්‍රිකුණාමලය බුදුපිළිම සිද්ධිය සම්බන්ධයෙන් සහ බන්ධනාගාර ගතව සිටියදී සිදුවූ සිදුවීම් පිළිබඳව අද දින උන්වහන්සේ මාධ්‍ය හමුවකට එක්වෙමින් කරුණු දැක්වීමක් සිදුකළහ.

ශ්‍රී ලංකාවේ සමස්ත ඛණිජ සම්පත් ගවේෂණය, කැණීම් සහ නිස්සාරණය ඉන්දියානු රාජ්‍ය සහ අර්ධ රාජ්‍ය ආයතන සමාගම්වලට පවරාදීම සඳහා රහසිගත අවබෝධතා ගිවිසුමක් සකස් වෙමින් තිබෙන බව ජාතික නිදහස් පෙරමුණේ (NFP) පක්ෂ කාර්යාලයේදී අද (12) පැවැති මාධ්‍ය සාකච්ඡාවකදී එම පක්ෂයේ නායක විමල් වීරවංශ මහතා චෝදනා කරයි. ඔහු මෙම ගිවිසුමේ ඡායා පිටපතක් පෙන්වමින් සඳහන් කළේ එය තවමත් ප්‍රසිද්ධියට පත් නොකළ, ඉතා නුදුරු දිනකදී අත්සන් කිරීමට නියමිත බවය.

පසුගියදා සිදුවූ පොලිස් වෙඩි ප්‍රහාරයකින් ජීවිතය අහිමි වූ 17 හැවිරිදි තරුණයාගේ දේහය රැගෙන හිතවතුන් අද (12) විරෝධතාවයක නිරත විය.

බොරැල්ල ප්‍රදේශයේ පාසලක තාප්පයක් කඩා වැටීමෙන් සිසුන් තිදෙනෙකු තුවාල ලබා කොළඹ ජාතික රෝහලට ඇතුළත් කර තිබේ.

හෙක්ටයාර ලක්ෂ 2කට වඩා වැඩි ප්‍රමාණයක් මෙරට තේ ඉඩම් ඇති බවත්, එයින් වතු සමාගම් සඳහා ඇත්තේ හෙක්ටයාර 50,000ක් පමණ ප්‍රමාණයක් බවත් එම සමාගම් තුළ සේවය කරන්නේ කම්කරුවන් ලක්ෂයකට වඩා මදක් වැඩි ප්‍රමාණයක් පමණක් බවත් ගොවිජන පවුර කැඳවුම්කරු නලින්ද සේනාරත්න මහතා පවසයි.

ශ්‍රී ලංකාවට සංචාරකයන් පැමිණීම මෙම වසරේ ජනවාරි මස ඉහළ ගියද, සමස්ත සංචාරක ඉපැයීම් ප්‍රමාණය පසුගිය වසරට සාපේක්ෂව සියයට 5.6කින් පහත වැටී ඇති බව ශ්‍රී ලංකා මහ බැංකුව පවසයි.

ඉරාන ජනතාව ඉස්ලාමීය විප්ලවයේ 47 වන සංවත්සරය සැමරීම වෙනුවෙන් රට පුරා දැවැන්ත පෙළපාලි සංවිධානය කර තිබූ බව වාර්තා වේ.