ජාතික ලොතරැයි මණ්ඩලයේ හිටපු සභාපතිවරියක වන ශ්‍යාමිලා පෙරේරා මහත්මිය අල්ලස් හෝ දුෂණ චෝදනා විමර්ශන කොමිෂන් සභාව මඟින් මීට සුළු මොහොතකට පෙර අත්අඩංගුවට ගෙන තිබේ.

ජපානයේ ක්‍රියාත්මක වන “නව මිලිටරිවාදී” සහ නැවත ආයුධකරණ වැඩපිළිවෙළ පාලනය කිරීම සඳහා චීන වාණිජ අමාත්‍යාංශය විසින් ජපාන ආයතන 40කට එරෙහිව දැඩි අපනයන සීමාවන් පනවා තිබේ. ඒ අනුව ජපානයේ ජාතික ආරක්ෂක අධ්‍යයන ආයතනය ඇතුළු ආයතන 20ක් අපනයන පාලන ලැයිස්තුවටත්, MITSUI E&S ඇතුළු තවත් ආයතන 20ක් නිරීක්ෂණ ලැයිස්තුවටත් ඇතුළත් කිරීමට චීනය පියවර ගෙන ඇත.

ඩෙංගු රෝගය වේගයෙන් ව්‍යාප්ත වීමට ප්‍රධාන හේතුවක් වන්නේ ජනතාව තම තමන්ගේ වගකීම නිසි ලෙස ඉටුනොකිරීම බව ජනමාධ්‍ය නියෝජ්‍ය අමාත්‍ය කෞෂල්‍යා ආරියරත්න පවසයි.

රුපියල් 80,000කට ආසන්න මුදලක් විදුලි බල ආයතනය වෙත නොගෙවීම මත අළුත්ගම දුම්රිය ස්ථානයේ විදුලිය විසන්දි කිරිමට පියවර ගෙන තිබේ.

වාර්ෂික බස් ගාස්තු සංශෝධනය හෙට (01) දින සිට ක්‍රියාත්මක වීමට නියමිතව තිබියදී ඊයේ (29) දින ඩීසල් මිල අඩු කරමින් ආණ්ඩු බස් හිමියන්ට වංචාවක් කර ඇති බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවසයි.

ශ්‍රී ලංකාවට වාර්ෂිකව ඇමරිකානු ඩොලර් බිලියන 1.3ක දැවැන්ත ආදායමක් ගෙන එන තේ කර්මාන්තය නිසි කළමනාකාරීත්වයකින් යුතුව පවත්වාගෙන යන්නේ නම්, වසර දෙකක් වැනි කෙටි කාලයක් තුළ මෙරට පවතින සමස්ත විදේශ ණය බර ගෙවා දැමීමට හැකියාව පවතින බව ජාතික තේ වැවිලිකරුවන්ගේ සංගමයේ සභාපති සමන් ගීගනගේ මහතා පවසයි.

රජයේ වී ගබඩා මේ වන විට උපරිම ධාරිතාවයෙන් පිරී පවතින බැවින්, ඉදිරි කන්නයේ වී අස්වැන්න මිලදී ගැනීම සඳහා එම ගබඩා කඩිනමින් හිස් කිරීමට රජයේ අවධානය යොමු වී ඇත.

ඇමෙරිකානු බලශක්ති දෙපාර්තමේන්තුවේ නවතම දත්තවලට අනුව, එරට උපායමාර්ගික ඛනිජ තෙල් සංචිතයේ පවතින බොරතෙල් ප්‍රමාණය බැරල් මිලියන 5.5කින් තවත් අඩු වී තිබේ.

යාපනය සිවිල් සංවිධාන කේන්ද්‍රයේ කැඳවුම්කරු අරුන් සිද්ධාර්ථන් මහතා පවසන්නේ උතුරේ දේශපාලකයින් පතුරුවා හරින "නිජබිම" පිළිබඳ සංකල්පය සම්පූර්ණයෙන්ම අසත්‍ය කතාවක් බවයි.