විවිධ ප්‍රදේශවල මියගිය එල්.ටී.ටී.ඊ සාමාජිකයන් සැමරීම පමණක් නොව එල්.ටී.ටී.ඊ ප්‍රභාකරන්ගේ උපන්දිනය පවා සමරනු දැකගත හැකි වූ බවත්, පොලිසිය ගොස් ප්‍රභාකරන්ගේ පීන්තූරය වැසූව ද එම නීතිවිරෝධී කාර්ය කළ පුද්ගලයන් එලෙසින්ම තම කටයුත්ත කරගෙන යන බවත් ශ්‍රී ලංකා පොදුජන පෙරමුණේ සාමාජික නීතිඥ මනෝජ් ගමගේ මහතා පවසයි.

මේ වසරේ සංචාරක ආදායම 59% කින් ඉහළ ගොස් ඇතිබව ශ්‍රී ලංකා මහ බැංකුව පවසයි.

අධික වර්ෂාපතන කාලගුණයත් සමඟ හටගෙන තිබෙන ආපදා තත්ත්වයෙන් මේ වන විට පවුල් 59,629කට අයත් පුද්ගලයන් 275,082ක් පීඩාවට පත්වී ඇති බව ආපදා කළමනාකරණ මධ්‍යස්ථානය පවසයි.

විපක්ෂ නායක සජිත් ප්‍රේමදාස මහතා පවසන්නේ, ජනවරම නොසළකා හරිමින් හිටපු ජනාධිපති රනිල් වික්‍රමසිංහ පෙන්වා දුන් මාවතේ ආණ්ඩුව ගමන් කරන බවයි.

මුදල් අච්චු කිසිම සම්බන්ධයෙන් සමහරුන්ට වැරදි අවබෝධයක් ඇතැයි මහ බැංකු අධිපති ආචාර්ය නන්දලාල් විරසිංහ මහතා සඳහන් කරයි.

පුනරුදය යනු යටත් විජිතකරණ නෂ්ඨාවශේෂ වලින් ගැලවීම බවත්, ඓතිහාසික වශයෙන් පැමිණි සංස්කෘතිකාංගවල ගෙල සිඳලීම පුනරුදය නොවන බවත් ජානිපෙ නායක, හිටපු පාර්ලිමේන්තු මන්ත්‍රී විමල් වීරවංශ මහතා පවසයි.

ඩෑන් ප්‍රියසාද්, මහින්ද කහඳගම ඇතුළු සැකකරුවන් තිදෙනෙකු අත්අඩංගුවට ගෙන අධිකරණයට ඉදිරිපත් කරන ලෙස කොටුව මහෙස්ත්‍රාත් තනුජා ලක්මාලි අද (27) වරෙන්තු නිකුත් කළාය.

පවතින අධික වැසි හේතුවෙන් තාවකාලිකව අත්හිටුවා තිබෙන උසස් පෙළ විභාගය යළි පවත්වන දිනය පිළිබඳ තීරණයක් එළැඹෙන 29වනදායින් පසුව ගැනීමට බලාපොරොත්තු වන බව ආරක්ෂක ලේකම්, එයාර් වයිස් මාර්ෂල් (විශ්‍රාමික) සම්පත් තුයියකොන්තා මහතා පැවසීය.

අද උතුරේ ජනතාව සාමාන්‍ය ආකාරයට එක් වී සාකච්ඡා, සංවාද කරන පරිසරයක් නිර්මාණ වී ඇති බවත්, ඒවා මහ විරු සැමරුම් යැයි තමන් විශ්වාස නොකරන බවත් කථානායක අශෝක රන්වල මහතා සඳහන් කරයි.