ශ්‍රී ලංකාව ලබාගෙන ඇති ණය ප්‍රමාණය දෙස ට්‍රිලියන හෝ බිලියන ගණන්වලින් පමණක් බලා ණය වැඩි වී ඇති බවට තීරණය කළ නොහැකි බවත්, රටේ සමස්ත ණය බර මේ වන විට දරාගත හැකි මට්ටමකට ක්‍රමයෙන් අඩු වෙමින් පවතින බවත් පාර්ලිමේන්තු මන්ත්‍රීනි ලක්මාලි හේමචන්ද්‍ර පවසයි.

අපරාධ පරීක්ෂණ දෙපාර්තමේන්තුවේ රැඳවුම් භාරයේ කොළඹ ජාතික රෝහලේ ප්‍රතිකාර ලබමින් සිටින රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතා දිනපතා බැලීමට අවස්ථාව ලබාදෙන ලෙස ඔහුගේ බිරිඳ සහ නීතිඥවරයා අපරාධ පරීක්ෂණ දෙපාර්තමේන්තුවේ අධ්‍යක්ෂවරයාගෙන් ඉල්ලා තිබේ.

අභියාචනාධිකරණය සහ ශ්‍රේෂ්ඨාධිකරණය ඇතුළු අධිකරණ පද්ධතියේ විනිසුරුවරුන්ගේ විශ්‍රාම වයස ඉහළ නැංවීම දීර්ඝ කිරීම සඳහා නිල වශයෙන් කැබිනට් අනුමැතියක් ගෙන නොමැති බව අධිකරණ සහ ජාතික ඒකාබද්ධතා අමාත්‍ය නිතීඥ හර්ෂණ නානායක්කාර මහතා පවසයි.

සීතාවකපුර පොලිස් කොට්ඨාසයේ නිලධාරීන් වෙනුවෙන් මැයි මාසයට අදාළව ලබාදෙන ආහාරපාන සහ නවාතැන් දීමනා බැංකු ගත කිරීමේදී ලංකා බැංකුව මගින් සිදුවූ අතපසුවීමක් මත එම දීමනාව දෙවරක් අදාළ නිලධාරීන්ගේ ගිණුම් වෙත බැංකු ගත වී ඇති බව වාර්තා වේ.

කුවේට් රාජ්‍යය විසින් එරටට ගෘහස්ථ මෙහෙකාර සේවක සේවිකාවන් (Domestic workers) බඳවා ගනු ලබන විදේශීය රටවල් සංඛ්‍යාව 10ක් දක්වා සීමා කිරීමට පියවර ගෙන ඇති බව ගල්ෆ් නිව්ස් පුවත් සේවය වාර්තා කරයි.

සිංහල ජනතාවට උතුරේ පදිංචි වීමට හෝ ඉඩමක් ලබාගැනීමට හෝ නොහැකි තත්ත්වයකට අද පත්ව ඇති බවත්, පාර්ලිමේන්තුවේද ත්‍රස්තවාදීන් සැමරූ බවත්, විපක්ෂය පවා ඊට නිහඩව සිටින බවත් සසුන රැකුමට ගෝලීය සිංහල එකමුතුවේ සභාපති කෝසල පත්තිනිගේ මහතා පවසයි.

ඇමරිකා එක්සත් ජනපදය සමඟ අත්සන් කිරීමට යෝජිතව තිබූ MCC ගිවිසුම නැවතත් ශ්‍රී ලංකාවට ලබාගැනීමේ අවස්ථාවක් උදාවී ඇතැයි තමන් දන්නා පරිදි වාර්තා වන බව සමගි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා මහතා පළමු වරට අනාවරණය කර තිබෙනවා.

අමෙරිකාව සහ ඊශ්‍රායලය එක්ව ඉරානයට පහරදීමත් සමග අස්ථාවර වූ ලෝක ආර්ථිකය තවමත් යථා තත්ත්වයට පත්නොවී ඇති පසුබිමක ලෝකයම මේ වන විට බලශක්ති අර්බුදයක සිරවී සිටින බවත්, අමෙරිකාව සහ චීනය අතර ඇති වී තිබෙන බල ඝට්ටනයද ලෝකයේ අර්බුද රැසක් නිර්මාණය කර ඇති බවත් ජාත්‍යන්තර දේශපාලන විශ්ලේෂක ආචාර්ය ජගත් චන්ද්‍රවංශ මහතා පවසයි.

ඉරාන ප්‍රහාරවලින් පසු කුවේටය තම ගුවන් කලාපය තාවකාලිකව වසා දමා ඇති බව අද (11) විදෙස් මාධ්‍ය වාර්තා කරයි.